Soliŋ Baabuiyo Kpeku Maa Tofaŋ

Mi Chemisi, buɛi Chiisu wo tuu Baabuiyo a tofaŋndo. Kanifuule, o tosa miŋ cheŋnuŋ naapila mɛɛ naŋ cho kpeekpei yɛ. (Chemi. 1:​22-25) Vɛɛ naŋ soliŋ yɛ Baabuiyo kpeku maa tofaŋ?

Veelu diomndaŋ leniŋ nyɛkɛndɛi. Te a kei dɔɔ pɛ hɔlla o tofaŋndo ma faŋa, a nɔla ma che siɔwoŋ a chuɛɛnɔŋ numndo okɔɔ le. O nɛi pilɛ koŋ choo, te ŋ chue teleŋndo le diomndaŋ veeloo o Baabuiyo niŋ nyɛkɛndɛi le, ŋ nɔla miŋ che naa naŋ nɔ miŋ tosa yɛlɛmiaalaŋ nda le.

Handu kɔllo o numpila choo, kɛ o cho o acheleŋnda choo le. Lepum te ŋ wa pɛ tofaŋndo soliŋndo kpeku, miŋ che wundule wana cheleŋ, nduyɛ miŋ kuɛ le kɔllo handɔɔ o siɔwuŋ ndɔŋ choo. O nɛi pilɛ koŋ choo, lepum te ŋ wa pɛ diomndaŋ veeloo o Baabuiyo niŋ, miŋ kandu yiyaŋndo a sɔɔŋ wanaa cheleŋ nɔ ma tosa wallo choo woŋ. Kɛ keŋ mala naa miŋ siɛɛnduu siɔwuŋ naŋ te.

Chɔm sinapɛŋgoo. Te ŋ nuaŋnuŋ pɛ o tofaŋndo niŋ, mbo wa maa biondɔŋndaŋ naalaŋ kinɛi naŋ cha ni, mi keŋ tɛɛmbuu naa kɔllo. Ŋ nɔ miŋ chɔm sinapɛŋgoo te ŋ wa pɛ diomndaŋ veeloo o Baabuiyo niŋ, ŋ ve naapila kɔl le miŋ wa walaŋ mbo hiou mɛɛ Chɛhowa cho naa kɔllɛ le.—Chemi. 3:17.