Yɛɛ Masale Mɛlɛkaleŋ le Cho yɛ Hunɔɔ Tosa a Kafala Masaa Waa Tosa Laŋ?

Waŋnda yeema masale nda nɔla ma tiindaŋ ndeŋ, kanifuule a saŋga a kafalaŋ biuwɔŋndo. A mɛɛ kona nda yɔŋgu a wɔsi 2023 wo dimi yɛ, waŋnda tiindaŋ lɛ masaa waa tau le.a

Baabuiyo soo a Masa wana nɔla ma tiindaŋ ndo okɔɔ. Ndu tosa lakafa kposoŋ te. Masa koŋ cho yɛ Chiisu Kiliti ni, nduyɛ ndu cho Masaa le Masale Mɛlɛkaleŋ ni.—Aisaya 9:​7.

Kona cho a Chiisu okɔɔ wo chɔm kpendekele maa mbo bii waŋnda nyɛkɛndɛi, nduyɛ mbo buulaŋ tau le nda. (Maatiu 9:​35, 36) Maa Masaa le Masale Mɛlɛkaleŋ, o cho hunɔɔ kafalaŋ faŋga, nduyɛ mbo ke wanaa chɛl niŋ masale ndɔleŋ nda kɔl nyuloo.—Sam 72:​12-14.