Baa Seiyaa Chɛhowaa cho Kindiŋndo ni le Masaleŋ Miŋgioo Isɔluɛi?

Ɛ, ɛ o cho nda le. Kilisiɔŋnda Seiyaa Chɛhowaa cho ni. Nduyɛ, laalaŋnda ndalaŋ kpou, o Baabuiyo choo la tɔlnuŋ ni. Kaŋnde ipum i pɛɛku maa chuuŋgiaŋ Chuuva chuuŋgiaŋ Palɛstaiŋndo, nyɛ Baabuiyo dimi wo nda cho koŋ peeloo ni. Seiyaa Chɛhowaa laalaŋ o hei niŋ kposoŋ te. A laalaŋ kposoŋ maa chuuŋgiaŋ lemasaa hoo cho o dimiaŋ kpeekpei o Baabuiyo niŋ te. Le tonyaa solioo kpendekele, o masɛi waŋnda chieeya tɛɛŋ kinɛi, Diom Mɛlɛkaa chue masaleŋ ndeŋ le sɔwɛ mbo hiau le cheleŋ te. Nduyɛ, o chi kaaleŋ ndeŋ le sɔwɛ, mbo hiau le cheleŋ te. Yau naŋ veelu o puuluei niŋ aa Bandu Mɛŋgɛlaa wo dimi kpendekele aa, “Pɛ pɛ bɛɛ Baabuiyo toolu masale nda cho kindiŋndo le miŋgio Isɔluɛi leŋ te.”

Yau yaasia ŋsɔɔ le chieeŋndo diolaŋ aa Encyclopædia Britannica tɛɛsiaa chuuŋgiaŋ lemasa Chuuva chuuŋgiaŋ hoo wo aa, “Chuuva yeema kpeekpei ma kɛsi, nduyɛ ma toolu masale ndaleŋ Palɛstaiŋ.“ Suɛi Mɛlɛkɛi a masale chieeŋndo nda muuliaŋ o suɛi hei niŋ ni. Seiyaa Chɛhowaa belu a hei o sondo maa lende le diom Mɛlɛka wo dimi le. Nduyɛ, bala ndala cho o chɔulaba lemasa chieeŋndo hoo niŋ te.

Suɛi Mɛlɛkɛi kinɛi kɔɔna Seiyaa Chɛhowaa cho choo ni. O wou laba kposoŋ o sɔɔŋ lemasaŋ chieeŋndo hoo niŋ te. Nduyɛ, o toolu suɛi Chuuva cho hei choo ve le. O chieeŋndo choo kpede, konaa cho o kɛsiaŋ nyɛkɛndɛi a Seiyaa Chɛhowaa maa a wou laba o sɔɔŋ chieeŋndo hoo niŋ te. O lɛŋnde ipum niŋ, a tuisi niŋ Seiyaa Chɛhowaa nyɛpalaa choo le kɛɛ nda kɛɛ balaŋ wouwo o sɔɔŋ ndaŋ lemasaŋ niŋ ndo. Seiyaa Chɛhowaa wu mawuaa kɛ a wou laba o suɛi lemasa niŋ kposoŋ te. Ŋ laalaŋ o kala kala maa masale Mɛlɛkaleŋ koni le nɔla hunɔɔ a kɔl nyulu fɛɛŋ fɛɛŋ ndo o lɛŋndeŋ choo ni. Masale wana chiee nɔla kposoŋ mi le tosa hei le.

Ba o ba Seiyaa Chɛhowaa wa, nyɛ nda kpou sina maa Diom Mɛlɛka wo dimi wo cho ni, sawala lelɛŋndaŋ biyɔɔ o masale nda cho lebɛŋgu leŋ. A tosa lanilakalu o masa o masa lo le. Nduyɛ, a chue nyɛm chɔu le kɔlaŋ chɔulaba le.