“Chɛhowa Cho Wana Manda Ya wo Ni”

1. Chɛhowa ndu manda ya ni,

Ndu ya cho wa kɔɔli ni.

Mbo che nyɛ cho ya o kɔllo kpou,

O sina a ya o kɔɔ.

Mbo kuɛ a ya naa mamɛŋnda,

A naa bil puiyaa cho wa.

Mbo chɔm ya kaala ndɔɔ le lɔɔ lɔɔ fee.

Le mi sɔla kɔl nyuloo.

Mbo chɔm ya kaala ndɔɔ lɔɔ lɔɔ fee.

Le mi sɔla kɔl nyuloo.

2. Nɛila numndaŋ la naŋ o bɔɔ.

La cho bɔɔ nɛila sandaa.

Yandii mal la mi I laasiaŋ te

Mi mal nɛila num ndaŋ te.

I wa bɛɛ o nyɛpalaa niŋ,

Ba num kɛndɔɔ cho ya choo.

Le hei siooŋii nyɛ nyɛ cho ya hau le,

Num cho Finya nuu hau ni.

Le hei siooŋii nyɛ nyɛ cho ya le,

Num cho Finya nuu hau ni.

3. Chɛhowa num manda ya ni,

I cho wa le num lɔɔ lɔɔ.

Ma dɛɛniaa ya, ma ke ya pɛŋgioo.

Ma ke ya nyɛ o nyɛ fee.

Num cho Mɛlɛka tonyaa ni,

Num ya tiindaŋ lɔɔ lɔɔ ni.

Finya nuu a nɔ bɔɔ kaala le ya

Yandii mal la fɛɛŋ fɛɛŋ te.

Finya nuu a nɔ kaala le ya

Yandii mal la fɛɛŋ fɛɛŋ te.