Ŋ Chɔm Waŋnda “Sɔɔŋ Kɛndɔŋ” a Mɛɛ Naŋ Tosal Nda Kɛndɛi Yɛ (Mat. 12:35a)

Naa kpou nɔ yeemɛi le acheleŋnda “sɔɔŋ kɛndɔŋ” chɔmndo te ŋ tol pɛ nɛi ikɛndɔɔ kɔɔli. (Luom. 12:13) Bɛnduaa kundaa sɔla dimulɔŋndo le ma miŋgi wanaa fula o kundala cheleŋ niŋ ma huŋ sɔɔŋ yɔŋgoo o kunda naa niŋnda nyɛ nda pisi wo o ba nduyɛ, ma ke nda nyɛdiaa. Kɛ miŋ kiisaŋ lepum le waŋnda kɛndɛi tosallo kanifuule ŋ nɔ o ba tau le, te koŋ te, mi sioonde wa naa le wanaa cheleŋnda veeloo o naalo bɛɛ. Te sila Chiisu ke Mata wo wa naa pɛ o kɔl, o mala naa miŋ soliŋ yiyaŋ waa naa o kɔl. (Luku 10:39-42) Mbo kindila maa nɛi kɛndɛ naŋ chɔm kɛndɛiyo cho waa diompilɛ a chaaŋaa naa laalaŋnda ni vɛlɛ a dɛɛniaŋndo vellaa velle. Kɛ o cho waŋndo nyɛdiaa yeelɛiyo kioo ma yiya ndu o chiɛi kɛndɔɔ niŋ te. Te ŋ tol pɛ silaa hoo kɔɔli, naa kpou tiuba miŋ chɔmnaŋ “sɔɔŋ kɛndɔŋ” a puaapiliaa naa mɛɛ icho o Diom Mɛlɛkaa niŋ yɛ.—Chɔŋ Ŋgaa Ndɔɔ 5-8.