Hiou Lachi a Waa Yekeŋ Vɛlɛ a Dialuŋ Fulaa o Mɛlɛka Piɛiyo Niŋ

Hab 1:​5, 6

Wana che pɛ maa tɛɛmbuu Babiloniaŋnda ndaa nɔ le Chuda tɛɛmbuuwo wo ve yɔŋnɔŋ te. Chuda wa o kpaaya Ichipi wo bɛŋgu. Chaldiaŋnda ndaa hiu Ichipi kpaaya le, lende le? Le handɔɔ lechoo, Chuuwaa bɔɔbɔɔ ndaa laalaŋ pɛɛŋ maa Chɛhowa chɛl le mi Chulusɛlɛm a maaŋndo sɔla tambei le. Kɛ a koŋ kpou, sɔɔŋ Baabuiyo dimi a ndu okɔɔ woŋ muŋ nɔ le peelɔŋndo. Nduyɛ Habakuku ndoo nɔ mbo biunuŋ mbo chum. Okoŋ mbo hiou lachi a waa yekeŋ vɛlɛ a dialuŋ fulaa o Mɛlɛka piɛiyo niŋ.

Yɛɛ ke yɛ ya tiindaŋndo maa mɛɛlula chieeŋ wɔɔŋndo hoo cho niŋ kpɛɛluŋ?

Vɛɛ ya hiou yɛ lachi a waa yekeŋ vɛlɛ a dialuŋ fulaa o Mɛlɛka piɛiyo niŋ?