Pɛɛku Waŋnda Tonyaa

Kanduŋ a Tapioo, yau Yoomu Naa leKilisiɔŋndo a Wali Pollo cho nɔ nɛi sɛnɛiyo leniŋ le nyɛ ŋ nɔ le tosaa wo. Suɛi lebolle aa, “Pɛɛku Waŋnda Tonyaa.” Yeemɛi nɛi cho wa ni le waŋnda tonya Baabuiyo chɔmndo, soliŋndo nyunaa kpeku a bolle Baabuileŋ.

Te ŋ sina pɛ maa waŋndo chɔm yeemɛi, ŋ mel ndu yaula naalaŋ opilɛ ɔɔ ŋ chɔm ndu vidueiyo o jw.org le yeemɛi nduɛi chɔɔloo le miiŋgu naŋ cho o ndulo a teleŋ cheleŋndo. Ŋ nɔ miŋ kindiŋ le miiŋgoo o ndulo o palɛi biŋgi bɛŋgu le hiouwɔɔ lachi a suukaŋ naŋ kandu wo. Nɛi sɛnɛiyo hoo le nyɛ ŋ nɔ le tosaa wo a sɔɔŋ sukuu wa cho wa yɔŋgoo woŋ cho wa fulaa o buŋgaŋ mɛɛlaŋ o yauwo hoo niŋ, “What Can the Bible Teach Us?” Ŋ saaluŋ nyunala cheleŋ leniŋ a bolii Baabuiye le naa malaa le miiŋgu makɔɔ ɔɔ pɛɛku Baabuiyo tosaa o Baabuiyo niŋ kinɛi.

Nɛiyo ndu pilɛ kpe yaa wana o yoomu fafɛɛŋndo ni. (Mat 7:​13, 14) Miŋ soo o wanaa fula o piɛiyii yɛyɛi a kɔɔlima yɛyiaŋ niŋnda lo. Le hei, ŋ nɔ miŋ chɔm nda tonya Baabuiyo o nɛi nda bii ndu bila wo choo. (1Tim 2:​4) Mɛɛ naŋ hiau lachi a sɔɔŋ bɔɔbɔɔ ŋ cho o Baabuiyo niŋndo sinaa fau vɛlɛ a hiouwɔɔ lachioo tosaa le ‘diom tonyaa hivioo waŋnda o lani’ yɛ, lende koni nyaale naa hiau lachi ni. Nduyɛ ŋ cho fulamakɔɔli kɛndɔɔ sɔla le waŋnda tonyaa pɛɛkoo.—2Tim 2:15.