Mɛɛ Naŋ Kandu Suukaŋndo a Yaula Pɔmbɔlaŋ Yɛ

Chɔŋ a Tɛɛkpaa 2018 ve, yau Yoomu naa leKilisiɔŋndo a Wali Pollo Yau Wali Bɔŋaŋndo nɔ poonyiaa okɔɔ taamaseliiyo le nyɛ ŋ nɔ le dimioo wo. Miŋ sɔla kɔl dɛɛniaa le miŋ handu kɔllo le suukaŋndo a waŋnda mbo hiau nda yaulaŋ kioo. Le wanaa dimiaa yooŋgu kɛndiaa malaa ma tosa yɛlɛmiaa a mɛɛ nda kandu suukaŋndo yɛ, vidueilaŋ le taamaseliiyo le nyɛ ŋ nɔ le dimioo wo chɔm naa mɛɛ naŋ soliŋ Baabuiyo kpeku le suukaŋndo kandɔɔ yɛ. Baa hei sim ni maa ŋ nɔ miŋ soliŋ yaulaŋ kpeku te ŋ wa pɛ yooŋgu kɛndɔɔ dimioo chiɛiyo a chiɛiyo le? Sako bɛɛ! Le taamaseliiyo, yaula pɔmbɔlaŋ la bɛnda bɔɔ le suukaŋndo kandɔɔ. Ŋ tual nɛi chɔmaa hoo kɔɔli te ŋ yeema pɛ miŋ soliŋ yau pɔmbɔ kɛ kɛ kpeku:

1. Nyuna nyunala yɛ yɛla cho o peele taseleŋ choo leŋ.

2. Chɔm muli Baabuiyo yɔŋgu o bolii Baabui cho o peele diiŋ ndɔleŋ choo o bolleŋ ndo. Te teleŋndo wa pɛ, veelu diomndaŋ o yau kalaa niŋ mi la suukaŋ o sɔɔŋ pum choo.

3. Yɔŋgu wana chiɛiyo yau pɔmbɔɔ, nduyɛ ma dɛɛniaa ndu le mbo veelu diomndaŋ leniŋ kpou a teleŋ bɛnda a ndu wo.

4. Tuupa ma kuɛŋnuŋ, chɔm ndu kɔfoo hoo “Yiyaŋndɔ a Nyunaa Hoo,” nduyɛ ma tosa kɛɛsiaa le suukaŋndo a ndu lɔɔ cheleŋ o muli Baabuiyo yɔŋgu wo choo.

Te a miiŋgu pɛ, la suukaŋ o nyuna ŋ mel ndu wo choo, nduyɛ ma mel ndu nyuna cheleŋ le mi la suukaŋ lechoo lɔɔ cheleŋ. A hɛli nyunaa o tɛɛŋgii nɛi choo ɔɔ yau nda chɔm o peeleŋ okɔɔ wo. Soo a buluchiɔɔ wo hoo Yooŋgu Kɛndɛ Chɛŋ o Mɛlɛka Lo Wo! a teleŋ bɛnda wo ɔɔ yau pɛɛkaa cheleŋ o Kɔfu Nyɛm Waliŋ Naŋ Pɛɛku Waŋnda Woŋ Niŋ.