Mɛɛ Ŋ Siŋga Diomndo Yɛ

Pulɔwaa 8:​4, 7

SƆƆŊ KULLOŊ: Yɔŋgu suɛi walaŋ okoŋ ma tosa mi miiyo bii waŋnda a mɛɛ ŋ cho wa diomndo heeloo a tusioo yɛ, diomndo siŋgaa, nduyɛ a mɛɛ ŋ cho wa suɛi tɔɔliaa a lɛndaa yɛ.

VƐƐ Ŋ TOSA YƐ HEI?

• Wa diomndo heeloo a tusioo: Heelu diomndo le suɛi kulle pɛɛkoo nduyɛ ma pilaŋ wanaa cho num nilaŋ yaŋɔɔ wa kɔltaŋ. Te a wa pɛ yamɛi nda kilul waŋnda ve diomndaŋ veeloo o Baabuiyo niŋ, tosa nyɛ pilɔɔ kpe. Tusi diomndo le yeemɛi waŋnda chuaa le nyɛ ŋ cho hunɔɔ dimioo wo, te koŋ te, le chɔmndo sɔɔŋ ŋsiooŋndoŋ a sɔɔŋ kɔl landɛiyoŋ.

• Wa diomndo siŋgaa. Te i bɛnda pɛ a suɛi nyɛi maŋgalɛi, soo wuye wuye le chɔmndo dialuŋ fulaŋ, ɔɔ heelu tiŋ diomndo le chɔmndo mɛɛ tiŋndo bandu yɛ. Tusi diomndo le chɔmndo kɔl tambɛiyo te koŋ te, kɔl landɛiyo.

• Tɔɔliaa suɛi ɔɔ ma lɛnda. Tɔɔliaa suɛi le chɔmndo kɔl kɛndɔɔ, nduyɛ, ma lɛnda suɛi le suɛi kulle pɛɛkoo.