BUŊGƐI WALII 8

Taamaseliila Pɛɛkulaŋ

Maatiu 13:34, 35

SƆƆŊ KULLOŊ: Le mi pɛɛku numndo yeela, nduyɛ mi wanaa cho num nilaŋ yaŋɔɔ wa bii suɛi kulle bila, soliŋ taamaseliila tɛtɛlɛlaŋ kpeku.

Soliŋ taamaseliila tɛtɛlɛlaŋ kpeku. Maa Chiisu, soliŋ nyɛm taaniŋ ndoŋ kpeku le waŋnda sɔɔŋ bana banaŋ pɛɛkoo, sɔɔŋ tɛtɛlɔŋ le sɔɔŋ kendu woŋ pɛɛkoo. Wou sɔɔŋ cheleŋ ndoŋ o taamaseliiyo niŋ te. Tosa a sabu maa taamaselii ŋ cho soliŋndo kpeku wo chɛlaŋ a suɛi ŋ cho pɛɛkoo ve. Hei mala kɔllo feŋaŋ wanaa cho num nilaŋ yaŋɔɔ wa o suɛi numnde le.

Mɛɛndaŋ nyɛkɛndɛi. Tofa nyɛm cho num ikɛiyoŋ. Pɛɛku yaula naala leKilisiɔŋndaŋ, nduyɛ, ma yaŋ wanaa chaa pɛɛkoo wa nilaŋ. A tosa pɛ lende, poonyiaa taamaseliila nda cho soliŋndo kpeku laŋ, le num malaa ma pɛɛku waŋnda. Okoŋ, manda laŋ inɛ.
Kɛsiŋ wanaa cho num nilaŋ yaŋɔɔ wa o kɔl. Tuu taamaseliilaŋ a walta wanaa cho num nilaŋ yaŋɔɔ wa a tosa laŋ, nduyɛ ma nɔ yeemɛi leniŋ ndaŋ. Kɛsiŋ o kɔl maa a nɔ ma soliŋ taamaseliila pilaŋ nda tanalaŋ kpeku le. A nɔ vɛlɛ ma soliŋ la tusi nda siɔmbulaŋ ndaŋ kpeku le.
Pɛɛku suɛi kulle. Handu kɔllo o suɛi kulle choo o taamaseliiyo niŋ, o cho o sɔɔŋ taaniŋ ndoŋ choo le. Tosa a sabu maa wanaa cho num nilaŋ yaŋɔɔ wa nɔ ma loonuŋ taamaseliiyo nduyɛ a suɛi nda pɛɛku leniŋ nde.