YƆŊGUŊ O WALI POLLO NIŊ | CHƆƆLU KƆL KƐNDƆƆ SƆLA O WALI POLLO NIŊ
Soliŋ Taamaseliilaŋ Kpeku le Sɔɔŋ Kulloŋ Kindilaa
Te ŋ wa pɛ miiŋgula makɔɔlaŋ ɔɔ pɛɛkula Baabuilaŋ tosaa, ŋ nɔ miŋ mala wanaa cho naa nilaŋ yaŋɔɔ wa ma bii sɔɔŋ kulloŋ bila. Nduyɛ te ŋ soliŋ pɛ taamaseliilaŋ kpeku le sɔɔŋ kulloŋ kindilaa, ŋ nɔla miŋ pilaŋ waŋnda kɔltaŋ, okoŋ miŋ mala nda ma loonuŋ nyɛ nda pɛɛku wo.
Te a wa pɛ bɛɛndiaŋndo le miiŋgu makɔɔ, ɔɔ le pɛɛku Baabuiyo tosaa, hɛli sɔɔŋ kuluŋ ŋ yeema ma pɛɛku woŋ, kɛ o cho sɔɔŋ pɔmpɔmbɔŋ kpou le. Okoŋ ma soliŋ taamaseliila tɛtɛlɛlaŋ kpeku a nyɛm waŋnda sina woŋ okɔɔ. (Mat 5:14-16; Mak 2:21; Luk 14:7-11) Yiyaŋ a kɔɔlima wanaa cho num nilaŋ yaŋɔɔ wa vɛlɛ a walta nda tosalaŋ okɔɔ. (Luk 5:2-11; Chɔŋ 4:7-15) Te a che pɛ maa waŋndo cho a kɔl kɛndɛ le mɛɛ o bii nyɛ ŋ pɛɛku ndu wo bila yɛ, num bɛɛ cho wa a kɔl kɛndɛ.
TOFA VIDUEIYO HOO A TIUBA MA NƆ KƆL KƐNDƐ WANA SƆLA O WAŊNDA SIIŊGUUWO BUƐIYA NIŊNDO—TOSA HIOUWƆƆ LACHIOO—SOLIŊ TAAMASELIILAŊ KPEKU LE SƆƆŊ KULLOŊ KINDILAA, OKOŊ MI LA MULI NYUNALAŊ NDAŊ:
Le yɛɛ wanaa naŋ pɛɛku Baabuiyo wa yeema yɛ malaa le bolii Baabuiye biyɔɔ bila?
Taamaselii yɛɛ Nita soliŋ yɛ kpeku le tonya cho o Luomaŋnda 5:12 niŋndo tɛɛsiaa?
Taamaseliila kɛndɛlaŋ la pilaŋ waŋnda kɔltaŋ
Vɛɛ taamaseliila kɛndɛlaŋ la piiliaŋ yɛ wanaa yaŋ naa nilaŋ nda?
Le yɛɛ naŋ nɔ yɛ miŋ soliŋ vidueilaŋ, a nyɛm waliŋ kɔɔna Chɛhowaa cho naa kioo woŋ kpeku o wali pollo niŋ?