Soliŋ jw.org Kpeku o Wali Pollo Niŋ

Tɛɛŋgii nɛi cho nɛi sɔvɛ le naa malaa yooŋgu kɛndɔɔ pɛŋgɛlaa “ba o ba fee o chieeŋndo choo.” (Walta Wanaa Chiisuaa 1:8) Wanaa bɔɔbɔɔ nɔla jw.org saalɔŋndo a banda le. Le ma sina a ndu okɔɔ, mɛɛ mi wana dimiaa yooŋgu kɛndɔɔ chɔm nda.

Mi buɛi ibuŋgaa hivi vidueiyo hoo, Le Yɛɛ ŋ Pɛɛku yɛ Baabuiyo? o foŋ ndɔɔ niŋ, le ndu waŋnda chɔmndo a teleŋ o bɛnda wo. Le tamaseliiyo, te o kuɛ pɛ yooŋgu kɛndɔɔ dimioo o chiɛila waŋnda, o dimi aa, “I fuuluu o nya lo chokobi le waŋnda malaa ma sina mulilaŋ le nyunala sɔvɛlaŋ la yaa. Le yɛɛ sɔɔŋ wɔɔŋndoŋ cho yɛ hau tau o chieeŋndo niŋ? Vɛɛ Mɛlɛka cho yɛ muŋ chii? Vɛɛ naŋ biunuŋ yɛ muŋ hau? Viduei biŋgioo hoo muli nyunalaŋ ndaŋ.” Okoŋ, o kiinda bɔɔtii tosa mbo soo ve le mbo che mɛɛ wana chiɛiyo cho muli yɛ. Vidueiyo hoo chua waŋnda yeemɛi tau. Nduyɛ te a wa ndu niŋ nuaa pɛ, wanaa bɔɔbɔɔ feŋa hɔlaa ndaa loŋ te haaa mbo chuu. Mi buɛi ibuŋgaa dimi aa, “A laŋga tuei maa a nyuna le pɛɛku Baabuiyo o intanɛtiiyo choo. Kɛ mɛɛ ya cho niŋ naŋ yɛ, I chɔm ndɔɔ num chobe mɛɛ naŋ tosa pɛɛku Baabuiyo yɛ.” Te wana chiɛiyo chɛl pɛ, o chɔm ndu mɛɛ naŋ tosa pɛɛku Baabuiyo o yauwo hoo niŋ yɛ Yooŋgu Kɛndɛ Chɛŋ o Mɛlɛka Lo Wo. Te o nɔ ba le, o kɛɛsiaa le ndu chɔmndo teleŋ cheleŋ. Te o kuɛ pɛ pɛŋgi pɔmbɔɔ naa nda pisi kɔfiiyo wa, o kandu balta ichaŋyalaŋ a wana chal ndu ikɛiyo o dimi vɛlɛ nyɛ pilɛ koŋ kpe. A cho pa jw.org soliŋndo kpeku o wali pollo niŋ?