Nyɛ Ŋ Nɔ le Tosaa Wo

Le Pɛɛkula Baabuilaŋ Kandɔɔ o Ndaama Tasoo choo o Saa Niŋ

“Ŋ hiŋ le suukaŋndo chobe a chaaŋaa naa a masale kɛndɛleŋ okɔɔ. A yiyaŋ pa maa masaleŋ le cho pa le nɔla mi le faŋa bahawɛilaŋ mɛɛ chɔulabaa a kafalaŋ la cho naa yɛ?” Chum mbo muli. Yiyalaŋ wana chiɛiyo maa o piɛile Chiisuleŋ niŋ, mbo pɛɛku buɛiyaa nduaa le ma piɛi a masaleŋ lepum okɔɔ. Leŋ le cho Masale Mɛlɛkaleŋ ni. Chɔm ndu nyuna tasoo o Bandu Mɛŋgɛlaa kɔɔ Saa 1. Okoŋ, la yaasiaa buŋgɛi cho o nyuna tasoo bɛŋgu ve latulu. O wa bɛɛ bolle Baabuileŋ le pilɛ ni, la nua nya ndu. Mel ndu yaulaŋ mi la kɛɛsiaa le hunɔɔ suukaŋndo o nyuna diiŋ ndɔɔ choo.

Yau Bandu Mɛŋgɛlaa Saa 1

“Ŋ hiŋ le suukaŋndo chobe a chaaŋaa naa a diomnda Chiisu dimi o piɛile o pɛɛku buɛiyaa nduaa leŋ niŋ. [Nua Maatiu 6:9, 10] A tuei niŋ pa tɛɛsiaa Masale Mɛlɛkaleŋ nyɛkɛndɛi a le sabu Chiisu soo a leŋ okɔɔ tau o pɛɛku ndɔɔ niŋndo? [Chum mbo muli.] Yauwo hoo chɔm nyɛ Baabuiyo dimi a Masale Mɛlɛkaleŋ okɔɔ wo vɛlɛ a tɔnɔla le huŋ niŋ o chieeŋndo choo laŋ.”

Awake! Saa

“Ŋ cho fuuloo o waŋnda lo chobe le nda malaa ma sina muli nyunaa hoo. [Chɔm ndu yauwo kɔɔ] A yiyaŋ pa maa mɛɛ mi waŋndo sɔla fɛɛŋ nyɛsɔlaa malaŋ o wa a nyaale? [Chum mbo muli.] Baabuiyo chɔm maa nyɛmkiɔŋ ke naa nyaale le. [Nua Luku 12:15] Mɛɛ Baabuiyo dimi yɛ, wana o wana tiuba mbo wa a nyaale. Yauwo hoo tɛɛsiaa keŋ.”