Yɛɛ Baabuiyo Dimi yɛ a Feleŋguaa Cho Hau Naa Mahullo Sɔlaa wa Okɔɔ?

O Koondoo choo, Doŋdoŋndo 13, 2023, mi Foŋndaŋ Lebollo le Naalaŋ Chiɔuwo o Amɛlika niŋ yɔŋgu konaa a naala cho feleŋguaa o Amɛlika niŋ palaa o hullaŋ niŋndaŋ okɔɔ. Ma dimi maa feleŋguaa waŋ 40 o waŋ 100 tɛɛŋ cho hau saŋgaa a kɔl tambɛiyo vɛlɛ a wanapilɛyɛi ni.

Mi Dr. Kathleen Ethier wana chiɔuwaa pilɛ o kunda cho le kɛndiaa sukuuwa wo dimi aa: “Chɔŋ o wɔsila tɔ la hiou laŋ niŋ, naa mahul cho niŋ feleŋguaa paaliaŋndo wo cho hiouwɔɔ lachi a wɔɔleŋ. Kɛ naa mahul cho chuaa laanduaa feleŋguaa paaliaŋndo wo hiou le wɔu poloŋ, kanifuule mi a bɔɔbɔɔ kɛɛsiaŋ o kɔl le diinɔŋndo.”

Mi konaa chɔɔlu dimi aa:

•  O chuaa laanduaa feleŋguaa waŋ tɔ o waŋ tɔ tɛɛŋ wana pilɛ (koŋ cho ni waŋ 14 o waŋ 100 tɛɛŋ) nda baŋ le kaa ihini nɔɔlɛi tosaa ni. “Hei cho bɔɔ suɛi wɔɔŋ bɛndu.” Mi Dr. Ethier dimi aa: O Chuaa laanduaa feleŋguaa waŋ tɔ kɛ kɛ ŋ sina wa tɛɛŋ, naapum a kpuuwa niŋ o pilɛ ɔɔ hiouwɔɔ lende.

• O chuaa laanduaa feleŋguaa yaa kɛ kɛ tɛɛŋ wana pilɛ (koŋ cho ni waŋ 30 o waŋ 100 tɛɛŋ) ma nɔ yiyaŋ kala kalaa le diinɔŋndo.

• O chuaa laanduaa feleŋguaa ŋuɛɛnu kɛ kɛ tɛɛŋ wanaa yaa (koŋ cho ni waŋ 57 o waŋ 100 tɛɛŋ) cho teleŋ o teleŋ a kɔl tambɛiyo ɔɔ ma wa wanapilɛyɛi sinaŋndo.

A tonya mi sɔɔŋ muŋ kpou tosa mi wana tambu kɔl tau. Teleŋ wana duaunuŋ nyaale nduyɛ ma wa a kɔl kɛndɛ wo feleŋgɔyɛi cho ni. Yɛɛ mala yɛ feleŋguaa le ma biunuŋ kɔlta tambɛila komal ndalaŋ? Yɛɛ Baabuiyo dimi yɛ?

Baabuiyo ke feleŋguaa silala a nyɛ kpeekpei nda nɔ ma tosa wo okɔɔ

Baabuiyo tɛɛsial naa kpendekele a teleŋ wɔɔŋ naŋ cho hau niŋndo. O veelu teleŋ naa hoo aa “o palɛi mɛɛlɛi niŋ, nyɔɔ kiandu niŋ bɔɔ.” (2 Timoti 3:​1-5) Kɛ a koŋ kpou, Baabuiyo nɔ silala sɔvɛ sɔvɛla cho niŋ feleŋguaa malaa o miiliɔŋndaŋ niŋ, le ma sɔla batiuwaa le simulta cho nda hau komallo laŋ biuwɔŋndo. Ŋ yaasiaŋndɔ sɔɔŋ lebolloŋ muŋ amatou ŋ tɔlnuŋ o Baabuiyo choo laŋ.

• Te o yɔŋ yɛ maa I yeema lɛ wa yoomoo le?

• I Yeema Mi Vi—Baa Baabuiyo Mala ya Pa te I Kandu Pɛ Yiyaŋndo le Diinɔŋndo?

• Le Yɛɛ Naŋ cho yɛ Hiou Lachi a Waa Yoomu?

• Vɛɛ ya Biuŋ yɛ Kɔl Tambɛiyo?

• Vɛɛ ya kpakpala yɛ yiyaŋnda wɔɔŋndaŋ?

• Vɛɛ ya Nɔla yɛ Mi Kpakpala Buulaŋ Bɛndoo?

• Vɛɛ ya Duau yɛ Yiyaŋnda Nilaŋ O Manda Bɛŋgu?

• Kɔl Tambɛiyo Mɛɛlu a kɔl Kɛndɔɔ (viduei nda cho poonyiaa o pɛŋgɛi humbuei choo wo).

• Te O Yɔŋ yɛ Ma Maŋ ya?

• Te o yɔŋ yɛ ma maŋ ya o Intanɛtiiyo choo?

• Lɔɔ Wana Cho Num Mamɔɔ Wo Kɛ o Wa a Bɔta Le (viduei nda cho poonyiaa o pɛŋgɛi humbuei choo wo)

• Vɛɛ Ya Kpakpala yɛ Wanaa Kindilaa Ya le Hiniei Tosaa Wa?

• Yɛɛ Ya Nɔ yɛ Mi Sina a Kpuuwaa Okɔɔ?—Pɛl 1: Mandaŋndo

• Yɛɛ Ya Nɔ yɛ Mi Sina a Kpuuwaa Okɔɔ? Pɛl 2: Miiŋgoo o dialuŋ numndo niŋ

Mi Baabuiyo ke kalaŋ chuauwa silala sɔvɛlaŋ

Mi Baabuiyo ke vɛlɛ kalaŋ chuauwa silala sɔvɛla mala chuauwaa ndaa le ma biuŋ simulta komal nda o yoomoo niŋndaŋ. Ŋ yaasiaŋndɔ buŋgaŋ o yaula tɔlnuŋ o Baabuiyo choo laŋ latiŋ.

• Kɔl Tambɛi Feleŋguaa—Le Yɛɛ? Yɛɛ Mala yɛ Nda

• Te chua num Feleŋgɔnɔɔ wa pɛ a kɔl tambɛiyo

• Te o yɔŋ yɛ ma mam chua nuu?

• Te o yɔŋ yɛ mi chua numndo yɔŋuluŋ

• Chuaambuaa vɛlɛ a Intanɛtiiyo—pɛl 1: Baa o bɛnda pa mi chuaa nuu soliŋ intanɛtiiyo kpeku?

• Chuaambuaa vɛlɛ a Intanɛtiiyo—pɛl 2: Pɛɛku chuaa numnda mɛɛ nda soliŋ intanɛtiiyo kpeku yɛ

• Chuaambuaa vɛlɛ a foŋ nda kua o intanɛtiiyo choo laŋ—pɛl 1: Baa o bɛnda pa mi chua numndo soliŋ foŋ nda kua o intanɛtiiyo choo laŋ kpeku?

• Chuaambuaa vɛlɛ a foŋ nda kua o intanɛtiiyo choo laŋ—pɛl 2: Pɛɛku chuaa numnda mɛɛ nda soliŋ foŋ nda kua o intanɛtiiyo choo wo kpeku a taasi yɛ

• Vɛɛ Ŋ Suaa yɛ o Chuaa Numnda lo a Yooŋgulaŋ Nda Yɔŋgaŋ a Kaa Hiniei Nɔɔlɛiyo Okɔɔ Laŋ