၂၁ အဃိ အဝဲသ့ၣ်​ ဆှၢလီၤ ပှၤစိာ်တၢ်ကစီၣ်ဖိတဖၣ်​ လၢပှၤလၢအအိၣ်လၢ ဝ့ၢ်ကံးရယးယဧၤရံၣ်+ အပူၤ ဒီးတဲဝဲလၢ “ပှၤဖလ့ၡသးဖိ ဟဲက့ၤဆှၢကဒါက့ၤ ယဟိဝၤယွၤ အတလါစီဆှံလံ. ဟဲလီၤဟံးန့ၢ်အီၤ ဒီးက့ၤစိာ်အီၤတက့ၢ်.”+

၇ အဃိ ပှၤပိာ်ခွါတဖၣ်လၢ ဝ့ၢ်ကံးရယးယဧၤရံၣ်အပူၤန့ၣ်​ ဟဲဟံးန့ၢ် ယဟိဝၤယွၤ အတလါစီဆှံ ဒီးလဲၤဆှၢဝဲလၢ စီၤအဘံနဒာ် အဟံၣ်ပူၤ+ လၢအအိၣ်လၢ တၢ်လူၢ်ခိၣ်လီၤ. ဒီးအဝဲသ့ၣ်​ ပာ်စီဆှံ စီၤအဘံနဒာ်အဖိခွါ စီၤအလၤဧစၢ် ဒ်သိးအကခိးကွၢ် ယဟိဝၤယွၤ အတလါစီဆှံ အဂီၢ်လီၤ.

၆ စီၤဒၤဝံး ကိးဖှိၣ်ကဒီး သုးဖိလၢအဂ့ၤကတၢၢ် လၢအံၣ်စရ့လးအပူၤန့ၣ်​ အိၣ်ဝဲ အဂၤ ၃၀,၀၀၀ လီၤ. ၂ ဒီးစီၤဒၤဝံး ဒီးပှၤလၢအအိၣ်ဒီးအီၤ ကိးဂၤဒဲး လဲၤလၢ ဝ့ၢ်ဘၤလ့ၤလၢယူဒၤအပူၤ ဒ်သိးကဟံးန့ၢ်ဝဲ ယွၤလၢအမ့ၢ်အတီတဂၤ အတလါစီဆှံ+ လၢအအိၣ်ဝဲဖဲန့ၣ်​ ဒီးဆှၢထီၣ်အီၤအဂီၢ်လီၤ. လၢတလါစီဆှံ အမဲာ်ညါန့ၣ်​ ညီနုၢ်ပှၤကိးထီၣ်​ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ+ လၢအဆ့ၣ်နီၤလၢ လီၢ်ပစိာ်လၢ ခ့ရူာ်တဖၣ်+ အဖီခိၣ်န့ၣ်အမံၤလီၤ.

၃ ဒီးစီၤဒၤဝံး ကိးဖှိၣ်ဝဲ ပှၤအံၣ်စရ့လးဖိ ခဲလၢာ် ဖဲဝ့ၢ်ယရူၤၡလ့ၣ်​ ဒ်သိး ကဟဲဆှၢထီၣ်​ ယဟိဝၤယွၤ အတလါစီဆှံ လၢတၢ်လီၢ်လၢ စီၤဒၤဝံး ကတဲာ်ကတီၤပာ်ဝဲလၢ တလါစီဆှံ အဂီၢ်န့ၣ်လီၤ.+