၂ ဒီးစီၤဒၤဝံး ဒီးပှၤလၢအအိၣ်ဒီးအီၤ ကိးဂၤဒဲး လဲၤလၢ ဝ့ၢ်ဘၤလ့ၤလၢယူဒၤအပူၤ ဒ်သိးကဟံးန့ၢ်ဝဲ ယွၤလၢအမ့ၢ်အတီတဂၤ အတလါစီဆှံ+ လၢအအိၣ်ဝဲဖဲန့ၣ်​ ဒီးဆှၢထီၣ်အီၤအဂီၢ်လီၤ. လၢတလါစီဆှံ အမဲာ်ညါန့ၣ်​ ညီနုၢ်ပှၤကိးထီၣ်​ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ+ လၢအဆ့ၣ်နီၤလၢ လီၢ်ပစိာ်လၢ ခ့ရူာ်တဖၣ်+ အဖီခိၣ်န့ၣ်အမံၤလီၤ.

၄ အဃိ အဝဲသ့ၣ်​ ဟံးထီၣ်က့ၤ ယွၤလၢအမ့ၢ်အတီတဂၤ အတလါစီဆှံ လၢစီၤအဘံနဒာ် အဟံၣ်​ လၢအအိၣ်လၢ တၢ်လူၢ်ခိၣ်န့ၣ်​ ဒီးစီၤအဃံယိၤ ဟးဝဲလၢ တလါစီဆှံ အမဲာ်ညါလီၤ.

၅ အဃိ စီၤဒၤဝံး ကိးဖှိၣ်ဝဲ ပှၤအံၣ်စရ့လးဖိခဲလၢာ် စးထီၣ်လၢ ကီၢ်အဲၤကူပတူး အထံကျိ* ပၢၢ်တုၤလၢ လံၤဘိၤဃမါသး*+ ဒ်သိး ကလဲၤဟံးန့ၢ်က့ၤ ယွၤလၢအမ့ၢ်အတီတဂၤ အတလါစီဆှံ လၢအအိၣ်လၢ ဝ့ၢ်ကံးရယးယဧၤရံၣ်+ အဂီၢ်န့ၣ်လီၤ.

၇ ဘၣ်ဆၣ်​ ဖဲအဝဲသ့ၣ်​ လဲၤဟံးန့ၢ် ယွၤလၢအမ့ၢ်အတီတဂၤ အတလါစီဆှံ လၢစီၤအဘံနဒာ် အဟံၣ်အခါ အဝဲသ့ၣ်​ ပာ်လီၤအီၤလၢ လ့ၣ်သီသီတခိၣ်အပူၤ+ ဒ်သိးကဆှၢထီၣ်အီၤအဂီၢ်လီၤ. ဒီးစီၤဧူးစၤ ဒီးစီၤအဃံယိၤ ဆှၢဝဲ လ့ၣ်တခိၣ်အံၤလီၤ.+