၁ ကွဲးနီၣ်တၢ်

၂၇ လၢပှၤအံၣ်စရ့လးဖိ အသုးက့ တဘ့ၣ်စုာ်စုာ် အပူၤန့ၣ်​ ပှၤအိၣ်ဝဲ အဂၤ ၂၄,၀၀၀ လီၤ. ဒီးသုးက့ တဘ့ၣ်စုာ်စုာ်န့ၣ်​ ပၣ်ဃုာ်ဒီး ဒူၣ်ဖိထၢဖိ* အခိၣ်တဖၣ်, ပှၤတကထိအခိၣ်​ ဒီးပှၤတကယၤအခိၣ်တဖၣ်+ ဒီးအဝဲသ့ၣ်​ အပဒိၣ်တဖၣ်လီၤ.+ ပဒိၣ်တဖၣ်န့ၣ်​ မၤစၢၤ စီၤပၤ ခီဖျိလၢ အဝဲသ့ၣ်​ ကွၢ်ကျဲၤ တၢ်ဂ့ၢ်ကိးမံၤဒဲးလၢ အဘၣ်ထွဲဒီး သုးက့တဖၣ်လၢ အဟဲနုာ်ဟးထီၣ်​ တလါဘၣ်တလါ ဒီတနံၣ်ကျၢၤလီၤ.

၂ သုးက့တၢလၢ အလီၤဘၣ်​ မူဒါလၢ တၢတလါန့ၣ်​ အခိၣ်မ့ၢ်ဝဲ စီၤစးဘဒံၤအ့လး အဖိခွါ စီၤယၤၡဘၣ်လီၤ.+ ပှၤလၢ အပၣ်ဃုာ်လၢအသုးက့ အပူၤန့ၣ်​ အိၣ်ဝဲ အဂၤ ၂၄,၀၀၀ လီၤ. ၃ စီၤယၤၡဘၣ်​ မ့ၢ်ဝဲ ပှၤလၢ အဟဲလီၤစၢၤလီၤသွဲၣ်လၢ စီၤဖ့ၤရ့းန့ၣ်လီၤ.+ ဒီးအဝဲမ့ၢ်ဝဲ ကရူၢ်ခိၣ်ကိးဂၤဒဲးလၢ အလီၤဘၣ်မူဒါ ဖဲတၢတလါန့ၣ်​ အခိၣ်လီၤ. ၄ သုးက့ခံလၢ အလီၤဘၣ်​ မူဒါလၢ ခံလါတလါန့ၣ်​ အခိၣ်​ မ့ၢ်ဝဲ ပှၤအဃိဃးဖိ+ စီၤဒိဒဲၤလီၤ.+ ဒီးစီၤမံးကလိး မ့ၢ်ဝဲ အပှၤမၤစၢၤတၢ်တဂၤလီၤ. ဒီးလၢအသုးက့အပူၤန့ၣ်​ ပှၤအိၣ်ဝဲ အဂၤ ၂၄,၀၀၀ လီၤ. ၅ ပှၤသၢကရူၢ်တကရူၢ် လၢအလီၤဘၣ်​ မူဒါလၢ သၢလါတလါန့ၣ်​ အခိၣ်မ့ၢ်ဝဲ ပှၤလုၢ်တၢ်ဒိၣ်အခိၣ်​ စီၤယဟိၤယဒါ+ အဖိခွါ စီၤဘနါယၤလီၤ.+ ဒီးလၢအသုးက့ အပူၤန့ၣ်​ ပှၤအိၣ်ဝဲ အဂၤ ၂၄,၀၀၀ လီၤ. ၆ စီၤဘနါယၤ တဂၤအံၤ မ့ၢ်ပှၤဒူပှၤဃိၤ တဂၤလၢ အပၣ်ဃုာ်လၢ ပှၤသၢဆံအကျါ ဒီးမ့ၢ်ဝဲ ပှၤသၢဆံအခိၣ်လီၤ. ဒီးအဖိခွါ စီၤဧၤမံစဘးန့ၣ်​ မ့ၢ်ဝဲ အသုးက့ခိၣ်လီၤ. ၇ သုးက့လွံၢ် လၢအလီၤဘၣ်​ မူဒါဖဲ လါလွံၢ်လါတလါန့ၣ်​ အခိၣ်​ မ့ၢ်ဝဲ စီၤယိၤအာ် အဒီပုၢ်ဝဲၢ်ခွါ+ စီၤဧစၤအ့လးလီၤ.+ ဒီးအဖိခွါ စီၤစဘၤဒယၤ ထီၣ်က့ၤလၢအလီၢ် ဒီးလၢအသုးက့ အပူၤန့ၣ်​ ပှၤအိၣ်ဝဲ အဂၤ ၂၄,၀၀၀ လီၤ. ၈ သုးက့ယဲၢ် လၢအလီၤဘၣ်​ မူဒါဖဲ ယဲၢ်လါတလါန့ၣ်​ အခိၣ်မ့ၢ်ဝဲ ပှၤယံးစရၤဃယၤဖိ စီၤၡၤမူဃူးလီၤ. ဒီးလၢအသုးက့ အပူၤန့ၣ်​ ပှၤအိၣ်ဝဲ အဂၤ ၂၄,၀၀၀ လီၤ. ၉ သုးက့ဃု လၢအလီၤဘၣ်မူဒါဖဲ ဃုလါတလါန့ၣ်​ အခိၣ်မ့ၢ်ဝဲ ပှၤတကိၤဖိ+ စီၤဧံးက့ၣ်​ အဖိခွါ စီၤဧံရၤလီၤ.+ ဒီးလၢအသုးက့ အပူၤန့ၣ်​ ပှၤအိၣ်ဝဲ အဂၤ ၂၄,၀၀၀ လီၤ. ၁၀ သုးက့နွံ လၢအလီၤဘၣ်​ မူဒါဖဲ နွံလါတလါန့ၣ်​ အခိၣ်မ့ၢ်ဝဲ ပှၤပလိၣ်ဖိ စီၤဃ့လ့း+ လၢအမ့ၢ် စီၤအ့ဖရဲၣ်​ အစၢၤအသွဲၣ်န့ၣ်လီၤ. ဒီးလၢအသုးက့ အပူၤန့ၣ်​ ပှၤအိၣ်ဝဲ အဂၤ ၂၄,၀၀၀ လီၤ. ၁၁ သုးက့ဃိး လၢအလီၤဘၣ်​ မူဒါဖဲ ဃိးလါတလါန့ၣ်​ အခိၣ်မ့ၢ်ဝဲ ပှၤဃူၡသးဖိ စီၤစံးဘကဲ+ လၢအမ့ၢ် စီၤစ့ရၤ အစၢၤအသွဲၣ်န့ၣ်လီၤ.+ ဒီးလၢအသုးက့ အပူၤန့ၣ်​ ပှၤအိၣ်ဝဲ အဂၤ ၂၄,၀၀၀ လီၤ. ၁၂ သုးက့ခွံ လၢအလီၤဘၣ်​ မူဒါဖဲ ခွံလါတလါန့ၣ်​ အခိၣ်မ့ၢ်ဝဲ ပှၤဧၤနသိးဖိ+ စီၤအဘံၤဧ့စၢ်+ လၢအမ့ၢ် စီၤဘံၣ်ယၤမံၣ်​ အစၢၤအသွဲၣ်န့ၣ်လီၤ. ဒီးလၢအသုးက့ အပူၤန့ၣ်​ ပှၤအိၣ်ဝဲ အဂၤ ၂၄,၀၀၀ လီၤ. ၁၃ သုးက့တဆံ လၢအလီၤဘၣ်​ မူဒါဖဲ လါအလါတဆံန့ၣ်​ အခိၣ်မ့ၢ်ဝဲ ပှၤနတိဖၤဖိ စီၤမၤဟရဲ+ လၢအမ့ၢ် စီၤစ့ရၤ အစၢၤအသွဲၣ်န့ၣ်လီၤ.+ ဒီးလၢအသုးက့ အပူၤန့ၣ်​ ပှၤအိၣ်ဝဲ အဂၤ ၂၄,၀၀၀ လီၤ. ၁၄ သုးက့ ၁၁ လၢအလီၤဘၣ်​ မူဒါဖဲ လါ ၁၁ လါန့ၣ်​ အခိၣ်မ့ၢ်ဝဲ ပှၤပံးရၤသိၣ်ဖိ စီၤဘနါယၤ+ လၢအမ့ၢ် စီၤအ့ဖရဲၣ်​ အစၢၤအသွဲၣ်န့ၣ်လီၤ. ဒီးလၢအသုးက့ အပူၤန့ၣ်​ ပှၤအိၣ်ဝဲ အဂၤ ၂၄,၀၀၀ လီၤ. ၁၅ သုးက့ ၁၂ လၢအလီၤဘၣ်​ မူဒါဖဲ လါ ၁၂ လါန့ၣ်​ အခိၣ်မ့ၢ်ဝဲ ပှၤနတိဖၤဖိ စီၤဃ့လဒဲၤ လၢအမ့ၢ် စီၤဧီၤသန့လး အစၢၤအသွဲၣ်န့ၣ်လီၤ. ဒီးလၢအသုးက့ အပူၤန့ၣ်​ ပှၤအိၣ်ဝဲ အဂၤ ၂၄,၀၀၀ လီၤ.

၁၆ အံၣ်စရ့လး အဒူၣ်တဖၣ်​ အခိၣ်အနၢ်န့ၣ်​ ဘၣ်တၢ်ပာ်ဖျါထီၣ်အီၤ ဒ်လၢလာ်အံၤ အသိးလီၤ. လၢရူၤဘ့ၣ်အဒူၣ်​ အကျါန့ၣ်​ စီၤစံးကရံ အဖိခွါ စီၤအလံၤဧ့စ့ၢ် မ့ၢ်ဝဲ ပှၤအခိၣ်, လၢစူၤမ့းအိၣ်အဒူၣ်​ အကျါန့ၣ်​ စီၤမၤကၤ အဖိခွါ စီၤၡဖးတယၤ မ့ၢ်ဝဲ ပှၤအခိၣ်, ၁၇ လၢလ့ၤဝံ အဒူၣ်အကျါန့ၣ်​ စီၤကမူၤအ့လး အဖိခွါ စီၤဃၡၤဘယၤ မ့ၢ်ဝဲ ပှၤအခိၣ်, လၢစီၤအၤဟရိၣ်​ အစၢၤအသွဲၣ်အကျါန့ၣ်​ စီၤစၤဒိး မ့ၢ်ဝဲ ပှၤအခိၣ်, ၁၈ လၢယူဒၤအဒူၣ်​ အကျါန့ၣ်​ စီၤဒၤဝံး အဒီပုၢ်ဝဲၢ်ခွါတဂၤ လၢအမ့ၢ် စီၤအလံဟူၤန့ၣ်+ မ့ၢ်ဝဲ ပှၤအခိၣ်, လၢယံးစၣ်ကၢ် အဒူၣ်အကျါန့ၣ်​ စီၤမံၤက့လး အဖိခွါ စီၤဧိၣ်ရံၤ မ့ၢ်ဝဲ ပှၤအခိၣ်, ၁၉ လၢစဘူလိၣ်​ အဒူၣ်အကျါန့ၣ်​ စီၤဧိၤဘါဒယၤ အဖိခွါ စီၤယံးၡမၤယၤ မ့ၢ်ဝဲ ပှၤအခိၣ်, လၢနးသၤလံ အဒူၣ်အကျါန့ၣ်​ စီၤဧၤစရံၤအ့လး အဖိခွါ စီၤယရံမိး မ့ၢ်ဝဲ ပှၤအခိၣ်, ၂၀ လၢအ့ဖရဲၣ်​ အဒူၣ်အကျါန့ၣ်​ စီၤဧၤစါစယၤ အဖိခွါ စီၤဟိၤၡ့ မ့ၢ်ဝဲ ပှၤအခိၣ်, လၢမနၤၡ့ၤ အဒူၣ်တဝာ် အကျါန့ၣ်​ စီၤပဒါယၤ အဖိခွါ စီၤယိၤအ့လး မ့ၢ်ဝဲ ပှၤအခိၣ်, ၂၁ လၢမနၤၡ့ၤ အဒူၣ်တဝာ် လၢအအိၣ်လၢ ကံးလဧးအဟီၣ်ကဝီၤ အဒူၣ်အကျါန့ၣ်​ စီၤစကၤရယၤ အဖိခွါ စီၤဧံးဒိၤ မ့ၢ်ဝဲ ပှၤအခိၣ်, လၢဘံၣ်ယၤမံၣ်​ အဒူၣ်အကျါန့ၣ်​ စီၤအဘံန့ၢ်+ အဖိခွါ စီၤယၤစံအ့လး မ့ၢ်ဝဲ ပှၤအခိၣ်, ၂၂ လၢဒၣ်အဒူၣ်​ အကျါန့ၣ်​ စီၤယရိဃၣ်​ အဖိခွါ စီၤဧစၤရ့လး မ့ၢ်ဝဲ ပှၤအခိၣ်လီၤ. ပှၤတဖၣ်န့ၣ်​ မ့ၢ်ဝဲ ပှၤအံၣ်စရ့လးဖိ အဒူၣ်တဖၣ်​ အပှၤခိၣ်ပှၤနၢ်တဖၣ်လီၤ.

၂၃ ယဟိဝၤယွၤ အၢၣ်လီၤပာ်စၢၤဝဲလၢ အကမၤအါထီၣ်​ ပှၤအံၣ်စရ့လးဖိ တုၤလၢအနီၣ်ဂံၢ်အိၣ်ဝဲ အါထဲသိးဒီး ဆၣ်အိၣ်လၢ မူခိၣ်န့ၣ်လီၤ.+ အဃိ ပှၤလၢ အသးနံၣ်​ အိၣ်အနံၣ်​ ၂၀ ဒီးဆူအဖီလာ်တဖၣ်န့ၣ်​ စီၤဒၤဝံး တဂံၢ်ဝဲ အနီၣ်ဂံၢ်ဘၣ်. ၂၄ ဒီးနီၢ်စရူယၤ အဖိခွါ စီၤယိၤအာ် စးထီၣ်ဂံၢ်ဝဲ ပှၤနီၣ်ဂံၢ် ဘၣ်ဆၣ်​ အဂံၢ်ဝဲ တဝံၤဘၣ်. ဒီးလၢတၢ်ဂံၢ် ပှၤနီၣ်ဂံၢ်အံၤအဃိ+ ကစၢ်ယွၤ သးဒိၣ်ထီၣ်​ ပှၤအံၣ်စရ့လးဖိ ဒီးပှၤနီၣ်ဂံၢ်န့ၣ်​ ပှၤတကွဲးလီၤအီၤလၢ စီၤပၤဒၤဝံး အတၢ်စံၣ်စိၤတဲစိၤ အလံာ်ကွဲးနီၣ်​ အပူၤဘၣ်.

၂၅ ပှၤအခိၣ်လၢ အကွၢ်ထွဲ စီၤပၤ အတၢ်လုၢ်ဒိၣ်ပှ့ၤဒိၣ်အလီၢ်တဖၣ်န့ၣ်+ မ့ၢ်ဝဲ စီၤဧဒံၤအ့လး အဖိခွါ စီၤဧၤစမၤဝ့းလီၤ. စီၤဧူးစံယါ အဖိခွါ စီၤယိနၤသၣ်​ မ့ၢ်ဝဲ ပှၤအခိၣ်လၢ အကွၢ်ထွဲ တၢ်ပာ်ဖှိၣ်အလီၢ်တဖၣ်​ လၢပျီပူၤ, လၢဝ့ၢ်ပူၤ, လၢသဝီပူၤ ဒီးလၢတၢးတဖၣ်​ အပူၤလီၤ. ၂၆ စီၤကလူာ် အဖိခွါ စီၤဧ့စရံၤ မ့ၢ်ဝဲ ပှၤမၤတၢ်ဖိလၢ အသူၣ်တၢ်ဖျးတၢ် လၢပျီပူၤတဖၣ်​ အခိၣ်လီၤ. ၂၇ ပှၤရၤမးဖိ စီၤၡံမံၤ မ့ၢ်ဝဲ ပှၤအခိၣ်လၢ အကွၢ်ထွဲ စပံးကျီးတဖၣ်လီၤ. ပှၤၡံးဖမးဖိ စီၤစးဘဒံၤ မ့ၢ်ဝဲ ပှၤအခိၣ်​ လၢအကွၢ်ထွဲ စပံးသၣ်တဖၣ်လၢ တၢ်ကထုးထီၣ်​ စပံးထံအဂီၢ်န့ၣ်လီၤ. ၂၈ ပှၤကဒ့ၢ်ဖိ စီၤဘဧၤလဃါနၣ်န့ၣ်​ မ့ၢ်ဝဲ ပှၤအခိၣ်​ လၢအကွၢ်ထွဲ သ့ၣ်စၤယံး ဒီးသိးဝံာ်ဒၢအထူၣ်တဖၣ်+ လၢၡ့ဖလၣ်​ အပူၤန့ၣ်လီၤ.+ စီၤယိးအၣ်​ မ့ၢ်ဝဲ ပှၤအခိၣ်​ လၢအကွၢ်ထွဲ ပှၤပာ်သိအလီၢ်တဖၣ်န့ၣ်လီၤ. ၂၉ ပှၤၡၤရိၣ်ဖိ စီၤၡံးတြဲၤ မ့ၢ်ဝဲ ပှၤအခိၣ်လၢ အကွၢ်ထွဲ ကျီၢ်တဖၣ်လၢ အအီၣ်အဆၣ်လၢ ၡၤရိၣ်အတၢ်အီၣ်ဆၣ်​ အလီၢ်တဖၣ်လီၤ.+ စီၤဧၤဒလဲ အဖိခွါ စီၤၡၤဖး မ့ၢ်ဝဲ ပှၤအခိၣ်လၢ အကွၢ်ထွဲ ကျီၢ်တဖၣ်လၢ တၢ်တြီၤတဖၣ်လီၤ. ၃၀ ပှၤယံးၡမၤဧ့လးဖိ စီၤအိၤဘံလး မ့ၢ်ဝဲ ပှၤအခိၣ်လၢ အကွၢ်ထွဲ ကီၤလၤအူးတဖၣ်လီၤ. ပှၤမ့ၤရိနိၤသးဖိ စီၤယ့ဒယၤ မ့ၢ်ဝဲ ပှၤအခိၣ်လၢ အကွၢ်ထွဲ ကသ့ၣ်ယီၤတဖၣ်လီၤ.* ၃၁ ပှၤဟၤကၢ်ဖိ စီၤယၤစံး မ့ၢ်ဝဲ ပှၤအခိၣ်လၢ အကွၢ်ထွဲသိအဖုတဖၣ်လီၤ. ပှၤတဖၣ်န့ၣ်ခဲလၢာ် မ့ၢ်ဝဲ ပှၤအခိၣ်လၢ အကွၢ်ထွဲဝဲ စီၤဒၤဝံး အတၢ်စုလီၢ်ခီၣ်ခိၣ်တဖၣ်န့ၣ်လီၤ.

၃၂ စီၤဒၤဝံး အဖိဒိၣ်ခွါ စီၤယိနၤသၣ်+ မ့ၢ်ဝဲ ပှၤဟ့ၣ်ကူၣ်တၢ်, အိၣ်ဒီးတၢ်သ့ၣ်ညါနၢ်ပၢၢ် ဒီးမ့ၢ်ဝဲ နဲၣ်ရွဲၣ်တဂၤလီၤ. ဒီးစီၤတၤဃကးမိၣ်​ အဖိခွါ စီၤယဃံအ့လး မ့ၢ်ဝဲ ပှၤလၢအကွၢ်ထွဲ စီၤပၤအဖိခွါတဖၣ်လီၤ.+ ၃၃ စီၤအဃံသဖ့ၤလး+ မ့ၢ်ဝဲ စီၤပၤ အပှၤဟ့ၣ်ကူၣ်တၢ် ဒီးပှၤအၢ်ကံဖိ စီၤဃူၡဲၤ+ မ့ၢ်ဝဲ စီၤပၤအသကိးတဂၤလီၤ.* ၃၄ ပှၤလၢအထီၣ်​ စီၤအဃံသဖ့ၤလး အလီၢ်န့ၣ်​ မ့ၢ်ဝဲ စီၤဘနါယၤ+ အဖိခွါ စီၤယဟိၤယဒါ ဒီးစီၤအ့ဘယၤသၢ်လီၤ.+ ဒီးစီၤပၤ အပှၤသုးမုၢ် အသုးခိၣ်ကျၢၢ် မ့ၢ်ဝဲ စီၤယိၤအာ်လီၤ.+