ဖဲနတူၢ်တၢ်ခီၣ်တၢ် တန့ၢ်လၢၤဘၣ်အခါ
အဒိ ဒီပုၢ်ဝဲၢ်မုၣ် စဲလံၤa လၢအအိၣ်လၢ ကီၢ်အမဲရကၤတဂၤ ခီဖျိကလံၤမုၢ်လီၤဝံၤအလီၢ်ခံ အတၢ်ဖိတၢ်လံၤ လီၤမၢ်ကွံာ်ဘူးကလၢာ်ဝဲလီၤ. ဒီးအတဲဝဲလၢ “လီၤဂာ်လၢယဆဲးတူၢ်တၢ် တန့ၢ်လၢၤဘၣ်. အါစုာ်အါဘျီန့ၣ် ယတူၢ်ဘၣ်လၢ ယသးဘူးကသ့ၣ်ဖးညါ.”
ဖဲပှၤလၢ နအဲၣ်ဘၣ်အီၤတဂၤ မ့ၢ်သံဝဲအခါမီၤ. ကၠဲနံၣ်(စ်) လၢအအိၣ်လၢ အီးစတြ့လံယါတဂၤ တဲဝဲလၢ “ဖဲယဖိခွါခံဂၤလၢာ် သံသဒၣ်ကွံာ်ယၤအခါ ယတၢ်အိၣ်မူန့ၣ် လီၤဂာ်ဒ်ပှၤထၢဖှိၣ်က့ၤထံခွးလၢ အလီၤတဲးသ့ၣ်ဖးတဖျၢၣ်အသိးန့ၣ်လီၤ. ဒီးယဃ့ဝံသးစူၤ ကစၢ်ယွၤလၢ ‘ဝံသးစူၤ, ယဘၣ်လဲၤခီဖျိတၢ်ဒ်အံၤန့ၣ် ယတူၢ်တပှဲၤလၢၤဘၣ်, ယမ့ၢ်သံန့ၣ် အဂ့ၤကတၢၢ်လီၤ.’”
မ့မ့ၢ်ဒဲနံၣ်ယၢၤန့ၣ် ဖဲအမါတတီလၢအဖီခိၣ်အခါ အသူၣ်ဟးဂီၤအသးဟးဂီၤဝဲဒိၣ်မးလီၤ. အတဲဝဲလၢ “ဖဲယမါအၢၣ်လီၤအတၢ်ကမၣ် လၢအအဲၣ်ဘၢယၤအခါ လီၤဂာ်ဒ်သိး ဃဲာ်တဘ့ၣ်ဟဲနုာ်လီၤ ဒီးဆဲးဖျိဝဲယသး အဘျီတဖၣ်အဘျီ ဒီးယဘၣ်တူၢ်တၢ်န့ၣ် ကအိၣ်လၢအလါတဖၣ်အလါညါ.”
တၢးထီခိးတၢ် တဘ့ၣ်အံၤ ကမၤစၢၤနၤဒ်သိး နကြၢးဆဲးအိၣ်မူဒံးအဂီၢ်
ဖဲန့ဆၢၣ် တၢ်ဘၣ်ဒိဘၣ်ထံး ကဲထီၣ်သးအခါ
ဖဲပှၤလၢနအဲၣ်ဘၣ်အီၤတဂၤ သံအခါ
ဖဲနသးသမူတံၤသကိးတဂၤ တတီဒီးနၤအခါ
ဖဲနတူၢ်ဘၣ် တၢ်ဆူးတၢ်ဆါ နးဒိၣ်မးအခါ
ဖဲနတူၢ်ဘၣ်လၢ နဆဲးလဲၤဆူညါ တန့ၢ်လၢၤဘၣ်အခါ
အဆိကတၢၢ်န့ၣ် ပကတဲသကိး ဖဲန့ဆၢၣ်တၢ်ဘၣ်ဒိဘၣ်ထံး ကဲထီၣ်သးအခါ ပလဲၤခီဖျိအီၤကန့ၢ်ဒ်လဲၣ်.
a ပှၤမံၤတနီၤ ဘၣ်တၢ်ဆီတလဲအီၤလီၤ.