စံၣ်တဲၤတဲလီၤ တၢ်မ့ၢ်တၢ်တီ ဘၣ်ဃးယ့ၣ်ၡူး အဂ့ၢ် လၢတၢ်သးဆူၣ်အပူၤတက့ၢ်

ပမ့ၢ်နၢ်ပၢၢ်ထီၣ်လၢ ပကတဲဘၣ်ပှၤဂၤတၢ်မ့ၢ်တၢ်တီ ဘၣ်ဃးဒီးယ့ၣ်ၡူးအဂ့ၢ်ဒ်လဲၣ်န့ၣ် ပတၢ်သးဆူၣ်ကအါထီၣ်ဝဲလီၤ. ယ့ၣ်ၡူးမ့ၢ်ဟံၣ်အသနၢၣ်အခီၣ်ထံး လၢတၢ်နာ်နီၢ်နီၢ် ဘၣ်တၢ်သူၣ်ထီၣ်အသးလၢအလိၤန့ၣ်လီၤ. (အ့း. ၂:၂၀) မ့တမ့ၢ်ဘၣ်လၢ အဝဲအဃိန့ၣ် ပတၢ်မုၢ်လၢ်တအိၣ်ဘၣ်. (မၤတၢ်. ၄:၁၂) လၢတၢ်န့ၣ်အဃိ အရ့ဒိၣ်လၢ ပှၤခဲလၢာ်ကဘၣ်အၢၣ်လီၤတူၢ်လိာ်ဝဲ ယ့ၣ်ၡူးအသနၢၣ်လၢ ယွၤအတၢ်တိာ်ပာ်အပူၤန့ၣ်လီၤ. ပှၤအါဂၤန့ၣ် ဘၣ်တၢ်လီန့ၢ်အီၤလၢ တၢ်သိၣ်လိလၢ တလီၤပလိာ်လိာ်အသး ဒီးလံာ်စီဆှံအတၢ်မ့ၢ်တၢ်တီတဖၣ်န့ၣ်လီၤ. တၢ်ဆိၣ်ဂ့ၤတဖၣ်လၢ ကစၢ်ယွၤကဟ့ၣ်လီၤ ပှၤလၢအနာ်ယ့ၣ်ၡူးန့ၣ် ဘၣ်သ့ၣ်သ့ၣ်အဝဲသ့ၣ် တဒိးန့ၢ်ဘၣ်ဝဲအဃိ လီၤသးအုးဒိၣ်မးလီၤ. ပတၢ်သးဆူၣ်လၢ တၢ်မ့ၢ်တၢ်တီအဂီၢ်န့ၣ် ကထိၣ်ဂဲၤထီၣ်ပှၤလၢ ပကမၤစၢၤ ပှၤသူၣ်တီသးလိၤတဖၣ် ဒ်သိးကသ့ၣ်ညါနၢ်ပၢၢ် တၢ်မ့ၢ်တၢ်တီ ဘၣ်ဃးဒီးယ့ၣ်ၡူး, ယ့ၣ်ၡူးအတၢ်ရ့လိာ်သးဒီးယွၤ ဒီးအဝဲအသနၢၣ်လၢ ယွၤအတၢ်တိာ်ပာ်အပူၤန့ၣ်လီၤ. ဖဲတၢ်သ့ၣ်နီၣ်ထီၣ် ယ့ၣ်ၡူးအတၢ်သံအဆၢကတီၢ်န့ၣ် မ့ၢ်နကစံၣ်တဲၤတဲလီၤ တၢ်မ့ၢ်တၢ်တီဘၣ်ဃးဒီးယ့ၣ်ၡူးအဂ့ၢ် လၢတၢ်သးဆူၣ်အပူၤစ့ၢ်ကီးဧါ.