တၢ်ရဲၣ်တၢ်ကျဲၤတဖၣ်လၢ ပှၤလဲၤလၢညါအဂီၢ်

ဒ်သိးနကမၤပှၤလဲၤလၢညါအဂီၢ် နကဘၣ်အိၣ်ဒီး တၢ်ရဲၣ်တၢ်ကျဲၤဂ့ၤဂ့ၤဘၣ်ဘၣ်လီၤ. တနွံအတီၢ်ပူၤ နမ့ၢ်စံၣ်တဲၤတဲလီၤတၢ် ၁၈ နၣ်ရံၣ်န့ၣ် နမၤပှၤလဲၤလၢညါသ့ဝဲလီၤ.—ဒီးတၢ်ဆၢကတီၢ်ကအိၣ်စ့ၢ်ကီးလၢ နကဟးလိၣ်ကွဲအဂီၢ်လီၤ. တဘျီတခီၣ် နမ့ၢ်ကွၢ်ဆၢၣ်မဲာ်ဘၣ် တၢ်ဆူးတၢ်ဆါ မ့တမ့ၢ် မူခိၣ်ကလံၤသီၣ်ဂီၤလၢ အတဂ့ၤဘၣ် သနာ်က့ နမ့ၢ်မၤထွဲ ဒ်တၢ်ရဲၣ်တၢ်ကျဲၤလၢလာ်အံၤအသိး နဆဲးမၤပှၤလဲၤလၢညါကသ့ဒံးလီၤ. တၢ်ရဲၣ်တၢ်ကျဲၤလၢလာ်အံၤ ပာ်ဖျါထီၣ်ဝဲ တၢ်ဟ့ၣ်ကူၣ်လၢ ပှၤစံၣ်တဲၤတဲလီၤတၢ်ဖိတဖၣ်လၢ အမၤတၢ်မၤအနၣ်ရံၣ်တပှဲၤဘၣ် (part-time) မ့ၢ်ဂ့ၤ အနၣ်ရံၣ်ပှဲၤ (full-time) မ့ၢ်ဂ့ၤ ပှၤလၢအတၢ်အိၣ်ဆူၣ်အိၣ်ချ့တဂ့ၤမ့ၢ်ဂ့ၤ ဒီးပှၤလၢ အနီၢ်ခိဂံၢ်စၢ်ဘါစၢ်မ့ၢ်ဂ့ၤ အဂီၢ်လီၤ. နမ့ၢ်ဆီတလဲနတၢ်ရဲၣ်တၢ်ကျဲၤတနီၤ ဘၣ်သ့ၣ်သ့ၣ် နဟံၣ်ဖိဃီဖိတဂၤဂၤ စးထီၣ်မၤပှၤလဲၤလၢညါလၢ လါစဲးပတ့ဘၢၣ်ကသ့ဝဲလီၤ. ဖဲနမၤဟံၣ်ဖိဃီဖိတၢ်မၤလိလံာ်စီဆှံ လၢခံတဘျီအဆၢကတီၢ် နကြၢးတဲသကိးတၢ်ဂ့ၢ်တဖၣ်အံၤလီၤ.