မ့ၢ်နဂုာ်ကျဲးစၢးမၤကွၢ်လၢ တနံၣ်အဂီၢ်ကသ့ဧါ

ပကဘၣ်ဂုာ်ကျဲးစၢး မၤကွၢ်မနုၤလဲၣ်. ပှၤလဲၤလၢညါအတၢ်မၤလီၤ. နမ့ၢ်ကဲထီၣ်ပှၤလဲၤလၢညါန့ၣ် နကဒိးန့ၢ်ဘၣ် တၢ်ဆိၣ်ဂ့ၤအါအါဂီၢ်ဂီၢ်လီၤ.—ကတိၤ. ၁၀:၂၂.

နမ့ၢ်မၤပှၤလဲၤလၢညါန့ၣ် . . .

• နတၢ်သ့တၢ်ဘၣ်လၢ တၢ်သးခုကစီၣ်တၢ်မၤအပူၤန့ၣ် ကအါထီၣ်ဝဲ ဒီးနကဒိးန့ၢ်ဘၣ်တၢ်သးခု လၢဘီမုၢ်တၢ်သးခုကစီၣ်တၢ်မၤအပူၤ အါန့ၢ်လၢညါလီၤ

• နတၢ်ရ့လိာ်သးဒီး ယဟိဝၤယွၤန့ၣ် ကဂၢၢ်ကျၢၤထီၣ်ဝဲလီၤ. နမ့ၢ်တဲပၠးပှၤဂၤကစၢ်ယွၤအဂ့ၢ်န့ၣ် နကပာ်လုၢ်ပာ်ပှ့ၤ ကစၢ်ယွၤအတၢ်ဂ့ၤတၢ်ဝါတဖၣ် အါန့ၢ်လၢညါလီၤ

• နမ့ၢ်ပာ်ယွၤအဘီအမုၢ်လၢနီၣ်ဂံၢ်တၢန့ၣ် နကဒိးန့ၢ်ဘၣ်တၢ်သူၣ်မံသးမုာ်လီၤ. ဒီးနကဒိးန့ၢ်ဘၣ်တၢ်သူၣ်ဖှံသးညီ ခီဖျိလၢ နတူၢ်ဆါနသးလၢ ပှၤဂၤအဂီၢ်လီၤ.—မး. ၆:၃၃; မၤတၢ် ၂၀:၃၅

• ဖဲကဝီၤအပှၤကွၢ်တၢ် ဟဲဟးအိၣ်သကိးနတၢ်အိၣ်ဖှိၣ်အခါ နကထီၣ်ဘၣ်ပှၤလဲၤလၢညါတၢ်အိၣ်ဖှိၣ်လီၤ. ဒီးနကထီၣ်ဘၣ်စ့ၢ်ကီး တၢ်အိၣ်ဖှိၣ်လီၤဆီလၢ တချုးကဝီၤတၢ်အိၣ်ဖှိၣ် ဘၣ်ဒံးဘၣ်အခါ ဒီးပှၤလဲၤလၢညါတၢ်မၤအကၠိန့ၣ်လီၤ

• နတၢ်ခွဲးတၢ်ယာ်လၢ နကမၤတၢ်မၤလိလံာ်စီဆှံဒီးပှၤဂၤ ကအါထီၣ်ဝဲလီၤ

• နကအိၣ်ဒီးတၢ်ခွဲးတၢ်ယာ်လၢ နကမၤသကိးတၢ်ဒီး ဒီပုၢ်ဝဲၢ်အဂၤတဖၣ် ဒီးကဒိးန့ၢ်ဘၣ် တၢ်ဟ့ၣ်ဂံၢ်ဟ့ၣ်ဘါလိာ်သး သကိးသကိးလီၤ.—ရိ. ၁:၁၁, ၁၂