လါအီးကထိဘၢၣ် ၁၈–၂၄
သ့ၣ်နီၣ်ထီၣ် ယဟိဝၤယွၤ တဘိယူၢ်ဃီ
ဖဲပဃုတၢ်မၤ ကီခဲထီၣ်ဝဲအခါ ပကပာ်ဆိယွၤအဘီအမုၢ် ဒီးအတၢ်တီတၢ်လိၤအဂီၢ် ကကီထီၣ်ဝဲလီၤ. ဖဲန့ၣ်အဆၢကတီၢ် ဘၣ်သ့ၣ်သ့ၣ် ကကီဝဲလၢ ပကမၤယဟိဝၤယွၤ အတၢ်မၤအဂီၢ် မ့တမ့ၢ် ပှၤကဆီၣ်သနံးပှၤလၢ ပကလုၢ်သ့ၣ်ခါပတာ် လံာ်စီဆှံတၢ်သိၣ်တၢ်သီအဂီၢ်လီၤ. ဘၣ်ဆၣ် ပနာ်သ့သပှၢ်ကတၢၢ်လၢ ယဟိဝၤယွၤ ကပာ်ဖျါထီၣ် အစိအကမီၤလၢ “ပှၤလၢအအိၣ်ဒီး အသးဒီဖျၢၣ်ဒီးအီၤတဖၣ်” လီၤ. (၂ ကွဲး. ၁၆:၉) ဒ်သိးပပၢ်လၢအိၣ်ဒီး တၢ်အဲၣ်တၢ်ကွံတဂၤအံၤ မၤစၢၤပှၤ ဒီးကတဲာ်ကတီၤဝဲ တၢ်လၢပလိၣ်ဘၣ်တဖၣ် သုတန့ၢ်တဂ့ၤအဂီၢ် တၢ်လၢကတြီမၤတံာ်တာ်အီၤန့ၣ် တအိၣ်နီတမံၤဘၣ်. (ရိ. ၈:၃၂) လၢတၢ်န့ၣ်အဃိ ဖဲပမၤတၢ်ဆၢတဲာ်လၢ ဘၣ်ဃးဒီး တၢ်ဖံးတၢ်မၤတဖၣ်အခါ ပကဘၣ်သန့ၤပသးလၢ ယဟိဝၤယွၤ ဒီးဆဲးသးစၢၢ်ဆၢ တၢ်မၤယဟိဝၤယွၤအတၢ်မၤလီၤ.—စံး. ၁၆:၈
ကွၢ်တၢ်ဂီၤမူလၢအမ့ၢ်ဝဲ မၤတၢ်လၢယဟိဝၤယွၤအဂီၢ် လၢသုသူၣ်ကံၢ်သးလဲတက့ၢ် ဒီးစံးဆၢ တၢ်သံကွၢ်တဖၣ်အံၤ–
ဘၣ်မနုၤအဃိ ကၠ့စၢၤ(န်) တတူၢ်လိာ်ဝဲ တၢ်ထိးကျိၣ်ထိးစ့ဘၣ်လဲၣ်.
ပမၤထွဲဒ် ကလီးစဲ ၃:၂၃ အသိး ကသ့ဒ်လဲၣ်.
ကၠ့စၢၢ်(န်) အဒိအတဲာ်န့ၣ် ကဲဘျုးလၢ ထီမၢၣ်(စ်) အဂီၢ်ဒ်လဲၣ်.
လၢနတၢ်ဆၢတဲာ်တဖၣ်မ့ၢ်ဂ့ၤ နတၢ်ဖံးတၢ်မၤမ့ၢ်ဂ့ၤ သ့ၣ်နီၣ်ထီၣ် ယဟိဝၤယွၤ ထီဘိတက့ၢ်
ပမၤထွဲဒ် မးသဲ ၆:၂၂ အသိး ကသ့ဒ်လဲၣ်.