သူ အိၣ်မူလီၤထူလီၤယိာ် ပှဲၤဒီးတၢ်သးခု ဒီးမၤစၢၤပှၤဂၤ ဒ်သိးအတၢ်နာ် ယဟိဝၤယွၤ ဒီးယ့ၣ်ၡူး ကဒိၣ်ထီၣ်အဂီၢ်

ပှၤမၤလိ လံာ်စီဆှံဖိတဖၣ် ကမၤတၢ်ဘၣ်ကစၢ်ယွၤအသးအဂီၢ် အဝဲသ့ၣ် ကဘၣ်မၤဂၢၢ်ကျၢၤအါထီၣ် အတၢ်နာ်. (ဧ့ၤ. ၁၁:၆) ပမၤစၢၤ အဝဲသ့ၣ်သ့ ခီဖျိ ပသူလံာ်လၢအမ့ၢ် အိၣ်မူလီၤထူလီၤယိာ် ပှဲၤဒီးတၢ်သးခု. လံာ်အံၤ အိၣ်ဒီး လံာ်စီဆှံအဆၢလၢ အရ့ဒိၣ်, တၢ်ဂ့ၢ်လၢအမၤစၢၤပှၤလၢ ပကဆိကမိၣ်ထံတၢ်အဂီၢ်, တၢ်သံကွၢ်လၢ အထုးန့ၢ်ပှၤသး, တၢ်ဂီၤမူလၢ အထိၣ်ဟူးထိၣ်ဂဲၤထီၣ်ပှၤသး ဒီးတၢ်ဂီၤလၢ အဃံလၤတဖၣ်. ပမၤစၢၤ ပှၤမၤလိလံာ်စီဆှံဖိတဖၣ်လၢ ကမၤအါထီၣ် ခရံာ်ဖိအတၢ်ဂ့ၤတၢ်ဝါ ဒီးကဒုးအိၣ်ထီၣ် အတၢ်ရ့လိာ်သးဒီး ကစၢ်ယွၤအဃိ မ့ၢ်ဝဲ ပသူၣ်ထီၣ်တၢ်လၢ တၢ်ပီးတၢ်လီလၢ မ့ၣ်အူအီၣ်အီၤတန့ၢ်ညီဘၣ်လီၤ.—၁ ကရံၣ်. ၃:၁၂-၁၅.

ပှၤတနီၤတူၢ်ဘၣ်ဝဲလၢ ကကဲထီၣ်ကစၢ်ယွၤလၢ အထံၣ်ဝဲတသ့ဘၣ်တဂၤ အတံၤသကိးန့ၣ် တညီဘၣ်. အဃိ ပကဘၣ်မၤစၢၤ အဝဲသ့ၣ် ဒ်သိးကသ့ၣ်ညါထီၣ် ယဟိဝၤယွၤ ဒီးနာ်အီၤ.

ကွၢ်တၢ်ဂီၤမူလၢအမ့ၢ် သူ “အိၣ်မူလီၤထူလီၤယိာ် ပှဲၤဒီးတၢ်သးခု” ဒီးမၤစၢၤပှၤဂၤ ဒ်သိးအတၢ်နာ် ယဟိဝၤယွၤ ကဒိၣ်ထီၣ်အဂီၢ် ဒီးစံးဆၢ တၢ်သံကွၢ်တဖၣ်အံၤ–

• ဒီပုၢ်ဝဲၢ်မုၣ်အံၤ ကတဲာ်ကတီၤဝဲလၢ တၢ်မၤလိလံာ်စီဆှံအဂီၢ်ဂ့ၤဂ့ၤန့ၣ် ပသ့ၣ်ညါဘၣ်ဒ်လဲၣ်.

• ဒ်သိးအကသ့ၣ်ညါဝဲ ပှၤမၤလိလံာ်စီဆှံဖိ အတၢ်ထံၣ် ဘၣ်ဃးဒီး ယၡါယၤ ၄၁:၁၀, ၁၃ အဂီၢ် အဝဲကတဲာ်ကတီၤပာ်ဝဲ တၢ်သံကွၢ်ဒ်လဲၣ်.

• တၢ်ဂီၤမူ ဒီးလံာ်စီဆှံအဆၢတဖၣ် အဘျုးအိၣ်လၢ ပှၤမၤလိလံာ်စီဆှံဖိအဂီၢ်ဒ်လဲၣ်.

ပှၤအါတက့ၢ်န့ၣ် တနၢ်ပၢၢ်ဝဲ တၢ်ပှ့ၤက့ၤအဂ့ၢ်ဘၣ်. ဒီးတထံၣ်ဝဲ ဒ်ကစၢ်ယွၤအတၢ်ဟ့ၣ်လၢ အဝဲသ့ၣ်အဂီၢ်ဘၣ်. (ကလၤ. ၂:၂၀) အဃိ, ပကဘၣ်မၤစၢၤ အဝဲသ့ၣ်လၢ ကနာ်ယ့ၣ်ၡူး အတၢ်ပှ့ၤက့ၤအဂီၢ်.

ကွၢ်တၢ်ဂီၤမူလၢအမ့ၢ် သူ “အိၣ်မူလီၤထူလီၤယိာ် ပှဲၤဒီးတၢ်သးခု” ဒီးမၤစၢၤပှၤဂၤ ဒ်သိးအတၢ်နာ် ယ့ၣ်ၡူး ကဒိၣ်ထီၣ်အဂီၢ် ဒီးစံးဆၢ တၢ်သံကွၢ်တဖၣ်အံၤ–

• ဒီပုၢ်ဝဲၢ်ခွါအံၤ ကတဲာ်ကတီၤဝဲလၢ တၢ်မၤလိလံာ်စီဆှံအဂီၢ်ဂ့ၤဂ့ၤန့ၣ် ပသ့ၣ်ညါဘၣ်ဒ်လဲၣ်.

• ဒ်သိးအဝဲကမၤစၢၤ အပှၤမၤလိလံာ်စီဆှံဖိအဂီၢ် ဆီတလဲဝဲ တၢ်ဂ့ၢ်လၢ “ဃုသ့ၣ်ညါ” အပူၤဒ်လဲၣ်.

• ဘၣ်မနုၤအဃိ တၢ်ဃ့ဘါထုကဖၣ်န့ၣ် အရ့ဒိၣ်လၢ ပှၤမၤလိလံာ်စီဆှံဖိအဂီၢ်လဲၣ်.