အိၣ်ပလီၢ်သး ခီဖျိ ဃုသ့ၣ်ညါ ကစၢ်ယွၤ အကလုၢ်ကထါ လီၤတံၢ်လီၤဆဲး

ဒ်သိး နကသ့ၣ်ညါလၢ ဘၣ်မနုၤအဃိ အရ့ဒိၣ်လၢ ပကဘၣ် ဃုသ့ၣ်ညါ ကစၢ်ယွၤ အကလုၢ်ကထါ လီၤတံၢ်လီၤဆဲးလဲၣ်အဂီၢ် ဖး ဒၤနံးယ့လး ၉:၁-၁၉.

ဃုသ့ၣ်ညါ တၢ်ဂ့ၢ်အလီၢ်ခံမဲာ်ညါ. တၢ်ကဲထီၣ်သးဒ်လဲၣ် ဒီးတၢ်ကဲထီၣ်သးတဖၣ်အံၤ မၤဘၣ်ဒိ စီၤဒၤနံးယ့လး ဒ်လဲၣ်. (ဒၤ ၅:၂၉–၆:၅) နမ့ၢ်အိၣ်ဘၣ်လၢ စီၤဒၤနံးယ့လးအလီၢ်န့ၣ် နကတူၢ်ဘၣ်ဒ်လဲၣ်.

ဃုသ့ၣ်ညါအါထီၣ်. “လံာ်လၢအစီဆှံတဖၣ်” လၢစီၤဒၤနံးယ့လး သူဝဲဒ်သိး ကဃုသ့ၣ်ညါ တၢ်ဂ့ၢ်အဂီၢ်န့ၣ် ကမ့ၢ်လံာ်မနုၤတဖၣ်လဲၣ်. (ဒၤ ၉:၂, တၢ်ဂ့ၢ်အဘျဲၣ်; w11 1/1 22 ¶2) ဘၣ်မနုၤအဃိ စီၤဒၤနံးယ့လး အၢၣ်လီၤအတၢ်ကမၣ် ဒီး ပှၤအံၣ်စရ့လးဖိ အတၢ်ကမၣ်လဲၣ်. (၃ မိၤ ၂၆:၃၉-၄၂; ၁ စီၤပၤ ၈:၄၆-၅၀; dp 182-184) စီၤဒၤနံးယ့လး ကဲပှၤလၢ အမၤလိ ကစၢ်ယွၤ အကလုၢ်ကထါ လီၤတံၢ်လီၤဆဲးန့ၣ် အတၢ်ထုကဖၣ် ပာ်ဖျါထီၣ်ဝဲဒ်လဲၣ်.—ဒၤ ၉:၁၁-၁၃.

ဆိကမိၣ်ထံ တၢ်လၢနမၤလိဘၣ်. သံကွၢ်လီၤနသးလၢ–

• ‘ဒ်သိး ယတသးစၢၢ်ဆၢ တၢ်ကဲထီၣ်သးလၢဟီၣ်ခိၣ် အါတလၢ တဂ့ၤအဂီၢ် ယကဘၣ် မၤဒ်လဲၣ်.’ (မံ ၇:၇)

• ‘ယမ့ၢ်မၤလိ ကစၢ်ယွၤ အကလုၢ်ကထါ လီၤတံၢ်လီၤဆဲး ဒ်သိးဒီး စီၤဒၤနံးယ့လး မၤဝဲန့ၣ် ယကဒိးန့ၢ်ဘၣ် အဘျုးဒ်လဲၣ်.’ (w04 8/1 12 ¶17)

• ‘ဒ်သိး ယက “အိၣ်ပလီၢ်သး ထီဘိ” အဂီၢ် ဖဲယမၤ နီၢ်ကစၢ် တၢ်မၤလိလံာ်စီဆှံအခါ ယကဘၣ် ဃုသ့ၣ်ညါမၤလိ တၢ်ဂ့ၢ်မနုၤလဲၣ်.’ (မး ၂၄:၄၂, ၄၄; w12 8/15 5 ¶7-8)