ဘၣ်မနုၤအဃိ ပှၤအါဂၤ တပာ်ကဲ အဟံၣ်ဖိဃီဖိ လၢၤဘၣ်လဲၣ်

ဘၣ်မနုၤအဃိ ပကဘၣ်ပာ်ကဲ ပဟံၣ်ဖိဃီဖိလဲၣ်

• လံာ်တဘ့ၣ် (The Seven Principles for Making Marriage Work) တဲဝဲလၢ ပှၤဒီမိၢ်ဝၤခံဂၤ မ့ၢ်ပာ်ကဲလိာ်သးန့ၣ် အဝဲသ့ၣ် ကပာ်ဖျါထီၣ် တၢ်အဲၣ်လၢ တဂၤဒီးတဂၤ အဖီခိၣ်. ဒီးအဝဲသ့ၣ် ကပာ်ဖျါထီၣ် တၢ်အဲၣ် “လၢတၢ်အိၣ်သး လီၤလီၤဆီဆီ တကးဒံးဘၣ် ကပာ်ဖျါထီၣ်ဝဲလၢ တၢ်ဂ့ၢ်ဆံးဆံးဖိ လၢအမၤဝဲလၢ တနံၤဘၣ်တနံၤစ့ၢ်ကီး.”

• ပှၤဃုသ့ၣ်ညါတၢ် ပာ်ဖျါထီၣ်ဝဲလၢ ဖိသၣ်လၢ အသ့ၣ်ညါပာ်ကဲပှၤဂၤန့ၣ် အတူၢ်ဘၣ်လၢ အလုၢ်အပှ့ၤအိၣ်. အတၢ်ရ့လိာ်သးဒီး အမိအပါဂ့ၤဝဲအဃိ အတသူၣ်ကိၢ်သးဂီၤတၢ် ဒီးသူၣ်အုးသးအုး အါအါဘၣ်.

နပာ်ဖျါထီၣ်လၢ နပာ်ကဲ နဟံၣ်ဖိဃီဖိ ကသ့ဒ်လဲၣ်

တဲသကိးတၢ် ဒီးရဲၣ်ကျဲၤတၢ်ဒီး နဟံၣ်ဖိဃီဖိ ဒ်သိးသိး. အဆိကတၢၢ်န့ၣ် နဟံၣ်ဖိဃီဖိ ကိးဂၤဒဲး ကဘၣ်နၢ်ပၢၢ်ဝဲ “တၢ်ပာ်ကဲ” အခီပညီ. ခံ, ဒ်သိး နဟံၣ်ဖိဃီဖိ ကပာ်ဖျါထီၣ် တၢ်ပာ်ကဲအဂီၢ် ကွဲးလီၤတၢ်လၢ သုဝဲကိးဂၤဒဲး ကဘၣ်မၤထွဲ ဒီးတၢ်လၢ သုတဘၣ်မၤဘၣ်. ဒ်သိး နဟံၣ်ဖိဃီဖိ ကိးဂၤဒဲး ကသ့ၣ်ညါလၢ အကဘၣ်ပာ်ဖျါထီၣ် တၢ်ပာ်ကဲအဂီၢ် တဲသကိးတၢ်ဂ့ၢ်လၢ သုကွဲးလီၤအီၤ ဒ်သိးသိး.

ပာ်လီၤဒိတဲာ် လၢအဂ့ၤ. ဖဲနဟံၣ်ဖိဃီဖိ တဂၤဂၤ မၤကမၣ်တၢ်အခါ နတဲဆါအီၤ ဒီးနဒုၣ်ဒွဲၣ်စံးအၢအီၤ မ့တမ့ၢ် ဖဲအတဲတၢ်အခါ နတကနၣ်အီၤဘၣ် ဒီးနနုာ်လီၤတဲတၢ်လၢ တၢ်ဘၢၣ်စၢၤ အိၣ်တဘျီဘျီဧါ. ပာ်လီၤဒိတဲာ် လၢအဂ့ၤ ဒီးပာ်ဖျါထီၣ်ဆိ တၢ်ပာ်ကဲလၢ ပှၤဂၤအဖီခိၣ်.

တၢ်ဟ့ၣ်ကူၣ်– နပာ်ဖျါထီၣ် တၢ်ပာ်ကဲလၢ နသးသမူတံၤသကိး ဒီးနဖိတဖၣ်အဖီခိၣ်န့ၣ် ပာ်အီၤဒ်သိးဒီး နမူဒါ တခါ. အဝဲသ့ၣ် မ့ၢ်မၤဝဲ ဒ်လဲၣ်ဂ့ၤဒ်လဲၣ်ဂ့ၤ နကဘၣ် ပာ်ဖျါထီၣ်လၢ နပာ်ကဲအဝဲသ့ၣ်ဒံး.

နသးမ့ၢ်တလီၤပလိာ်ဒီး နဟံၣ်ဖိဃီဖိသနာ်က့ ပာ်ဖျါထီၣ်တၢ်ပာ်ကဲ. ဖဲနတဲဖျါထီၣ် နတၢ်တူၢ်ဘၣ်အခါ တၢ်ကတိၤ ဒ်သိးဒီး “နၤန့ၣ် နမၤဒ်န့ၣ်ထီဘိလီၤ” မ့တမ့ၢ် “နတမၤဒ်န့ၣ် နီတဘျီဘၣ်” တဖၣ်န့ၣ် တဘၣ်တဲတဂ့ၤ. နမ့ၢ်တဲ တၢ်ကတိၤဒ်အံၤန့ၣ် ကမၤဘၣ်ဒိ ဒီးကမၤသးထီၣ် နဟံၣ်ဖိဃီဖိအသး အဃိ တၢ်ဂ့ၢ်ဆံးဆံးဖိန့ၣ် ကကဲထီၣ် တၢ်ဂ့ၢ်ကီဖးဒိၣ်.

တၢ်ပာ်ကဲ ဟံၣ်ဖိဃီဖိန့ၣ် ပထံၣ်လၢ အရ့ဒိၣ်ထဲလဲၣ်

ပဝဲယဟိဝၤပှၤအုၣ်အသးတဖၣ် ပဟ့ၣ်ဂံၢ်ဟ့ၣ်ဘါ ဟံၣ်ဖိဃီဖိတဖၣ်လၢ ကပာ်ကဲလိာ်သး တဂၤဒီးတဂၤ. အဃိ ဘၣ်ဃးဒီး တၢ်ပာ်ကဲအဂ့ၢ်န့ၣ် ပထုးထီၣ်ရၤလီၤ တၢ်ဂ့ၢ်တၢ်ကျိၤ, လံာ်လဲၢ်, ဘရိၣ်ခၠၣ် ဒီးတၢ်ဂီၤမူတဖၣ် လၢပှၤကဖးအီၤ ဒီးကွၢ်အီၤအဂီၢ် ဒီးပှၤတလိၣ်ဟ့ၣ် အပှ့ၤဘၣ်.

လၢပှၤဒီမိၢ်ဝၤအဂီၢ်– တၢ်ဂ့ၢ်ပိာ်ထွဲလိာ်အခံ လၢအခိၣ်တီမ့ၢ် တၢ်မၤစၢၤလၢ ဟံၣ်ဖိဃီဖိအဂီၢ် န့ၣ် အကဲဘျုးလၢ . . .

• ပှၤဒီမိၢ်ဝၤ ကဒိကနၣ်န့ၢ်လိာ်သးဂ့ၤဂ့ၤ

• ပှၤဒီမိၢ်ဝၤ ကတဲသကိးတၢ်ဂ့ၤဂ့ၤ

• ပှၤဒီမိၢ်ဝၤ တတဲအါလိာ်သးဘၣ်

(လၢ jw.org အပူၤန့ၣ် ဃုကွၢ် တၢ်ဂ့ၢ်ခိၣ်တီ လၢအမ့ၢ် “တၢ်မၤစၢၤလၢ ဟံၣ်ဖိဃီဖိအဂီၢ်”)

လၢမိပါတဖၣ်အဂီၢ်– တၢ်ဂ့ၢ်ပိာ်ထွဲလိာ်အခံ လၢအခိၣ်တီမ့ၢ် တၢ်မၤစၢၤလၢ ဟံၣ်ဖိဃီဖိအဂီၢ် န့ၣ် အကဲဘျုးလၢ . . .

• မိပါတဖၣ် ကသိၣ်လိအဖိလၢ ကဒိကနၣ်တၢ်

• မိပါတဖၣ် ကသိၣ်လိအဖိလၢ ကမၤစၢၤတၢ် လၢဟံၣ်ပူၤ

• မိပါတဖၣ် ကသိၣ်လိအဖိလၢ ကတဲတၢ်ကတိၤ ဒ်သိးဒီး “ဝံသးစူၤ” ဒီး “တၢ်ဘျုး”

(လၢ jw.org အပူၤန့ၣ် ဃုကွၢ် တၢ်ဂ့ၢ်ခိၣ်တီ လၢအမ့ၢ် “ကွၢ်လုၢ်ဒိၣ်ထီၣ်ဖိတဖၣ်” ဒီး “Raising Teenagers”)

ကွၢ်စ့ၢ်ကီး တၢ်ဂ့ၢ်ဘၣ်ထွဲလိာ်သး “Questions Parents Ask” လၢအအိၣ်လၢ လံာ်လၢအမ့ၢ် သးစၢ်အတၢ်သံကွၢ်တဖၣ်—တၢ်စံးဆၢလၢ အကဲဘျုး, အကူာ် ၁. (လၢ jw.org အပူၤန့ၣ် ဃုကွၢ် တၢ်ဂ့ၢ်ခိၣ်တီ လၢအမ့ၢ် “Questions Parents Ask”)

လၢပှၤသးစၢ်တဖၣ်အဂီၢ်– လၢ jw.org အပူၤန့ၣ် အိၣ်ဒီး တၢ်ဂ့ၢ်တၢ်ကျိၤ, တၢ်ဂီၤမူ ဒီးလံာ်ကၠီးလိသး လၢအကဲဘျုးလၢ ပှၤဒိၣ်ထီၣ်သီ ဒီးပှၤသးစၢ်တဖၣ် . . .

• ကရ့လိာ်သးဒီး အမိအပါ ဒီးအဒီပုၢ်ဝဲၢ်တဖၣ်ဂ့ၤဂ့ၤ

• ကတဲသကိးတၢ်ဒီး အမိအပါ ဘၣ်ဃးဒီး တၢ်ဘျၢလၢ ဟံၣ်ဖိဃီဖိအဂီၢ် လၢတၢ်ပာ်ကဲအပူၤ

• အမိအပါ ကနာ်န့ၢ်အီၤ

(လၢ jw.org အပူၤန့ၣ် ဃုကွၢ် တၢ်ဂ့ၢ်ခိၣ်တီ လၢအမ့ၢ် “ပှၤဒိၣ်ထီၣ်သီ ဒီးပှၤသးစၢ်တဖၣ်”)

နကသူ jw.org ဝဲးပဆဲးအဂီၢ် နတလိၣ်ဟ့ၣ်အပှ့ၤဘၣ်. နတလိၣ်ဟ့ၣ်ဆိစ့, နတလိၣ်ပၢနုာ်နမံၤ ဒီးနနီၢ်ကစၢ် အဂ့ၢ်အကျိၤဘၣ်.