ဃုထံၣ်န့ၢ် တၢ်ဟ့ၣ်ကူၣ်လၢ နတၢ်အိၣ်မူကိးနံၤဒဲးအဂီၢ်လၢ Jw.org အပူၤ

ဖဲ မုၢ်နံၤခံကတၢၢ်အဆၢကတီၢ် တၢ်ကီတၢ်ခဲလၢ ပထံၣ်ဘၣ်လၢ ပတၢ်အိၣ်မူအပူၤန့ၣ်​ ဒ်သိးပလဲၤခီဖျိကန့ၢ်အဂီၢ် ကစၢ်ယွၤအကလုၢ်ကထါ ဟ့ၣ်ပှၤတၢ်ဟ့ၣ်ကူၣ်လၢ ပလိၣ်ဘၣ်အီၤကိးမံၤဒဲး. (၂ တံၤ. ၃:၁, ၁၆, ၁၇) ဘၣ်ဆၣ်​ တဘျီတခီၣ်​ ဘၣ်ဃးဒီး တၢ်ဂ့ၢ်တနီၤန့ၣ်​ ပလိၣ်ဘၣ်​ လံာ်စီဆှံ တၢ်ဟံးစုနဲၣ်ကျဲ လီၤတံၢ်လီၤဆဲး. အဒိ, နမ့ၢ်ကဲမိပါန့ၣ်​ နကအဲၣ်ဒိးသ့ၣ်ညါ တၢ်ဟ့ၣ်ကူၣ်လၢ နကဘၣ်ကွၢ်လုၢ်ဒိၣ်ထီၣ်နဖိဒ်လဲၣ်. ဒီးနမ့မ့ၢ်ပှၤသးစၢ်န့ၣ်​ ဘၣ်သ့ၣ်သ့ၣ်​ နတၢ်နာ် ကဘၣ်တၢ်မၤကွၢ်အီၤ ဒီးနမ့မ့ၢ် မုၣ်ကမဲ, ခွါကမဲန့ၣ်​ ဘၣ်သ့ၣ်သ့ၣ်​ နကသးအုးလၢ နသးသမူတံၤသကိး သံသဒၣ်ကွံာ်နၤအဃိလီၤ. လၢ jw.org အပူၤန့ၣ်​ နဃုထံၣ်န့ၢ် လံာ်စီဆှံ အတၢ်ဟံးစုနဲၣ်ကျဲလၢ ဘၣ်ဃးဒီး တၢ်အိၣ်သးတဖၣ်အံၤ ဒီးတၢ်အိၣ်သးအဂၤတဖၣ်အဂီၢ်သ့လီၤ.—ကတိၤ. ၂:၃-၆.

လၢ jw.org သန့အပူၤန့ၣ်​ စံၢ်လီၤ လံာ်စီဆှံ အတၢ်သိၣ်လိတဖၣ်. (ကွၢ်တၢ်ဂီၤ ၁) ဝံၤဒီး စံၢ်လီၤတၢ်ဂ့ၢ်လၢ နအဲၣ်ဒိးဖးအီၤတဖၣ်. ဝံၤဒီး စံၢ်လီၤ လံာ်လဲၢ်တဖၣ် > တၢ်ဂ့ၢ်ပိာ်ထွဲလိာ်အခံတဖၣ်. ဝံၤဒီး စံၢ်လီၤတၢ်ဂ့ၢ်လၢ နအဲၣ်ဒိးဖးအီၤတဖၣ်. (ကွၢ်တၢ်ဂီၤ ၂) လၢ JW Library^®a အပူၤနာ်က့ နဃုထံၣ်န့ၢ် တၢ်ဂ့ၢ်ခိၣ်တီတဖၣ်အံၤ သ့စ့ၢ်ကီး. နဃုတၢ်ဂ့ၢ်တၢ်ကျိၤလၢ နအဲၣ်ဒိးဖးအီၤတဖၣ်​ လၢတၢ်ဂ့ၢ်ခိၣ်တီတဖၣ်အံၤ အဖီလာ်သ့လီၤ. ဒီးအဂၤတခါန့ၣ်​ နကွဲးလီၤတၢ်ဂ့ၢ်လီၤတံၢ်လီၤဆဲးတခါ လၢနအဲၣ်ဒိးသ့ၣ်ညါအီၤ လၢပှၤဃုကွၢ်တၢ်အလီၢ် လၢ jw.org အပူၤသ့.

ကွဲးလီၤတၢ်ဂ့ၢ်လၢ ပပာ်ဖျါထီၣ်အီၤလၢ တၢ်ဖီလာ်တဖၣ်အံၤ လၢပှၤဃုကွၢ်တၢ်အလီၢ် ဝံၤဒီးမၤနီၣ်ဃာ် တၢ်ဂ့ၢ်လၢ နအဲၣ်ဒိးဖးအီၤတဖၣ်.

• ကွၢ်လုၢ်ဒိၣ်ထီၣ်ဖိတဖၣ်

• ပှၤသးစၢ်တဖၣ်​ အတၢ်တူၢ်ဘၣ်

• ပှၤလၢပအဲၣ်ဘၣ်အီၤ သံသဒၣ်ကွံာ်ပှၤ