တၢ်အိၣ်ဖှိၣ် အပှၤမၤစၢၤတၢ်တဖၣ် အမူဒါန့ၣ် မ့ၢ်မနုၤလဲၣ်

လံာ်စီဆှံပာ်ဖျါထီၣ်ဝဲလၢ ခရံာ်ဖိပိာ်ခွါလၢ အအံးထွဲကွၢ်ထွဲ တၢ်အိၣ်ဖှိၣ်တၢ်ဖံးတၢ်မၤတဖၣ်န့ၣ် မ့ၢ်ဝဲဒၣ် “ပှၤကွၢ်တၢ် ဒီးတၢ်အခ့အပှၤသ့ၣ်တဖၣ် [တၢ်အိၣ်ဖှိၣ်အပှၤမၤစၢၤတၢ်]” လီၤ. (ဖံလံးပံၤ ၁:၁) အါဒၣ်တၢ်တက့ၢ် ပတၢ်အိၣ်ဖှိၣ်တဖၣ် အိၣ်ဒီးတၢ်အိၣ်ဖှိၣ်သးပှၢ် ဒီးတၢ်အိၣ်ဖှိၣ်အပှၤမၤစၢၤတၢ်တဖၣ်လီၤ. တၢ်အိၣ်ဖှိၣ်အပှၤမၤစၢၤတၢ်တဖၣ်န့ၣ် မၤဝဲတၢ်မနုၤလၢ အကကဲဘျုးလၢပဂီၢ်လဲၣ်.

တၢ်အိၣ်ဖှိၣ် အပှၤမၤစၢၤတၢ်တဖၣ်န့ၣ် မၤစၢၤဝဲတၢ်အိၣ်ဖှိၣ်သးပှၢ်တဖၣ်. တၢ်အိၣ်ဖှိၣ်အပှၤမၤစၢၤတၢ်တဖၣ်န့ၣ် အိၣ်ဒီးတၢ်ရ့လိာ်သးဒီး ယဟိဝၤယွၤဘူးဘူးတံၢ်တံၢ်, မ့ၢ်ပှၤလၢပနာ်န့ၢ်အီၤသ့ ဒီးမ့ၢ်ပှၤလၢအမၤလၢပှဲၤ အမူဒါတဖၣ်လီၤ. အဝဲသ့ၣ်အကျါတနီၤန့ၣ် အသးပှၢ်ဒီး တနီၤန့ၣ်မ့ၢ်ပှၤသးစၢ်လီၤ. ခီဖျိလၢ အဝဲသ့ၣ်အံးထွဲကွၢ်ထွဲဝဲ တၢ်မၤတနီၤနီၤလၢအဘၣ်ထွဲဒီးတၢ်အိၣ်ဖှိၣ် ဒီးဘီမုၢ်ဘျီၣ်ဒိၣ်အဃိ တၢ်အိၣ်ဖှိၣ်သးပှၢ်တဖၣ် အသးစၢၢ်ဆၢဝဲ တၢ်ဖံးတၢ်မၤလၢအဘၣ်ထွဲဒီး တၢ်သိၣ်လိဒီးတၢ်အံးက့ၤကွၢ်က့ၤသိ သ့ဝဲလီၤ.

အဝဲသ့ၣ်အတၢ်မၤ ကဲဘျုးကဲဖှိၣ်လၢပှၤဂၤအဂီၢ်. တၢ်အိၣ်ဖှိၣ် အပှၤမၤစၢၤတၢ်တနီၤန့ၣ် ဘၣ်တၢ်ဟ့ၣ်အီၤမူဒါဒ် ပှၤတူၢ်လိာ်တမှံၤ လၢကတူၢ်လိာ်မုာ်ဝဲ ပှၤတမှံၤတဖၣ်လၢ အဟဲထီၣ်တၢ်အိၣ်ဖှိၣ်ရိဖှိၣ်န့ၣ်လီၤ. တနီၤန့ၣ်ဘၣ်ဖီၣ်ဝဲ တၢ်ကလုၢ်အပီးအလီ, တၢ်နီၤလီၤလံာ်လဲၢ်, တၢ်အိၣ်ဖှိၣ်စ့စရီ, ဒီးသုးကျဲၤဝဲတၢ်စံၣ်တဲၤတဲလီၤတၢ်အလီၢ် လၢတၢ်အိၣ်ဖှိၣ်ဖိတဖၣ်အဂီၢ်လီၤ. အဝဲသ့ၣ်မၤစၢၤစ့ၢ်ကီးဝဲ တၢ်ကွၢ်ထွဲဘှီဂ့ၤထီၣ်ဘီမုၢ်ဘျီၣ်ဒိၣ်လီၤ. ဘၣ်သ့ၣ်သ့ၣ် တၢ်အိၣ်ဖှိၣ်သးပှၢ်တဖၣ် ကမၢအဝဲသ့ၣ်မၤစၢၤ ပှၤသူၣ်က့သးပှၢ်တဖၣ်လီၤ. တၢ်အိၣ်ဖှိၣ်အပှၤမၤစၢၤတၢ်တဖၣ်န့ၣ် အသးအိၣ်မၤဝဲကယဲၢ်မူဒါလၢ ပှၤဟ့ၣ်အီၤတဖၣ် ဒီးအဝဲသ့ၣ်ဂုာ်ကျဲးစၢးမၤတၢ်လၢ တၢ်သူၣ်အိၣ်သးအိၣ်အဃိ တၢ်အိၣ်ဖှိၣ်ဖိတဖၣ်ပာ်ကဲအီၤလီၤ.—၁ တံၤမသ့း ၃:၁၃.

ဒ်ခရံာ်ဖိပိာ်ခွါတဖၣ်အသိး အဝဲသ့ၣ်ပာ်ဖျါထီၣ်ဝဲဒၣ် ဒိဂ့ၤတဲာ်ဘၣ်. ဒီပုၢ်ဝဲၢ်ခွါလၢ အိၣ်ဒီးနီၢ်သးတၢ်ဂ့ၤတၢ်ဝါတဖၣ်န့ၣ် ဘၣ်တၢ်ဃုထၢထီၣ်အီၤလၢ တၢ်အိၣ်ဖှိၣ်အပှၤမၤစၢၤတၢ်လီၤ. ဖဲအဝဲသ့ၣ်ဖီၣ်ဝဲ မူဒါလၢတၢ်အိၣ်ဖှိၣ်ရိဖှိၣ် အတၢ်ရဲၣ်တၢ်ကျဲၤတမံၤမံၤအခါ အဝဲသ့ၣ်မၤဂၢၢ်ကျၢၤပတၢ်နာ်လီၤ. ခီဖျိလၢအဝဲသ့ၣ် တီခိၣ်ရိၣ်မဲဝဲလၢ တၢ်စံၣ်တဲၤတဲလီၤတၢ်မၤအပူၤအဃိ ပသးဆူၣ်ထီၣ်လၢ တၢ်သးခုကစီၣ်တၢ်မၤအဂီၢ်လီၤ. မ့ၢ်လၢအဝဲသ့ၣ် အသးအိၣ်မၤသကိးတၢ်လၢ တၢ်ဆီၣ်လီၤသးအဃိ မၤအါထီၣ်ဝဲ ပတၢ်ဃူတၢ်ဖိး ဒီးတၢ်သူၣ်ဖှံသးညီလီၤ. (အ့းဖ့းစူး ၄:၁၆) လၢခံန့ၣ် တၢ်အိၣ်ဖှိၣ်အပှၤမၤစၢၤတၢ်တဖၣ်အံၤ ဘၣ်သ့ၣ်သ့ၣ်ကတုၤထီၣ်ထီၣ်ဘးလၢ ကမၤစၢၤတၢ်ဒ် တၢ်အိၣ်ဖှိၣ်သးပှၢ်တဖၣ်အသိးစ့ၢ်ကီးလီၤ.

• တၢ်အိၣ်ဖှိၣ်အပှၤမၤစၢၤတၢ်တဖၣ်န့ၣ် မ့ၢ်ပှၤဒ်လဲၣ်တဖၣ်လဲၣ်.

• တၢ်အိၣ်ဖှိၣ်အတၢ်မၤ ကလဲၤအသးဘၣ်ဘျီးဘၣ်ဒါအဂီၢ် တၢ်အိၣ်ဖှိၣ်အပှၤမၤစၢၤတၢ်တဖၣ် မၤစၢၤဝဲဒ်လဲၣ်.