တၢ်ကတိၤအိးထီၣ် အကူာ် ၄
အကူာ်လွံၢ်အံၤ ကပာ်ဖျါထီၣ်န့ၢ်ပှၤ စီၤယိၤသး, စီၤယိၤဘး, စီၤမိၤၡ့ ဒီးပှၤအံၣ်စရ့လးဖိတဖၣ်အဂ့ၢ်. ခီဖျိလၢ မုၣ်ကီၤလံၢ် အတၢ်လ့ပစီအဃိ အဝဲသ့ၣ်ကိးဂၤဒဲး တူၢ်ဘၣ်တၢ်အါမး. အဝဲသ့ၣ်တနီၤန့ၣ် ထံၣ်ဘၣ်ဝဲ တၢ်တတီတလိၤ, လီၤဘၣ်လၢဃိာ်ပူၤ, ဘၣ်ကဲကုၢ် ဒီးအဂၤတနီၤနီၤန့ၣ် ဘၣ်တၢ်မၤသံအဝဲသ့ၣ်. ဘၣ်ဆၣ် ယဟိဝၤယွၤ ဒီသဒၢအဝဲသ့ၣ် လၢကျဲအကလုာ်ကလုာ်. နမ့မ့ၢ်မိၢ်ပၢ်န့ၣ် မၤစၢၤသုဖိဒ်သိး အဝဲသ့ၣ်ကနၢ်ပၢၢ်ထီၣ်ဝဲလၢ ယဟိဝၤယွၤ အခ့အပှၤတဖၣ်အံၤ ထံၣ်ဘၣ်ဝဲတၢ်ကီတၢ်ခဲ သနာ်က့ အဝဲသ့ၣ်အတၢ်နာ် တဟးဂီၤဘၣ်အဂ့ၢ်.
ယဟိဝၤယွၤသူဝဲ တၢ်နးတၢ်ဖှီၣ်အခါတဆံ ဒ်သိးကပာ်ဖျါထီၣ်ဝဲလၢ အစိကမီၤဒိၣ်န့ၢ်ဒံး ပှၤအဲၤကူပတူးဖိအယွၤတဖၣ်. ဒုးသ့ၣ်ညါသုဖိလၢ ယဟိဝၤယွၤဒီသဒၢ အပှၤဂီၢ်မုၢ်လၢညါ ဒီးခဲအံၤဒ်လဲၣ်အဂ့ၢ်.