တၢ်မၤလိ ၂၀
တၢ်ကတိၤကျၢၢ်တံၢ်လၢအကဲဘျုး
စံၣ်တဲၤတဲလီၤတၢ် ၁၂:၁၃, ၁၄
ဘၣ်မၤဒ်လဲၣ်– နတၢ်ကတိၤကျၢၢ်တံၢ်န့ၣ် ဘၣ်မ့ၢ်ဝဲတၢ်လၢ အထုးန့ၢ်ဝဲ ပှၤဒိကနၣ်တၢ်ဖိအသး ဒ်သိးကတူၢ်လိာ်ဒီးမၤထွဲဝဲ တၢ်ဂ့ၢ်လၢအဝဲသ့ၣ် မၤလိဘၣ်တဖၣ်န့ၣ်လီၤ.
မၤဒ်အံၤတက့ၢ်–
နတၢ်ကတိၤကျၢၢ်တံၢ်န့ၣ် ဒုးဘျးစဲအီၤဒီး တၢ်ဂ့ၢ်ခိၣ်တီတက့ၢ်. တဲဖျါထီၣ်ကဒါက့ၤ နတၢ်ဂ့ၢ်မိၢ်ပှၢ်ဒီး တၢ်စံၣ်တဲၤတဲလီၤခိၣ်တီတက့ၢ်.
ထိၣ်ဟူးထိၣ်ဂဲၤထီၣ် နပှၤဒိကနၣ်တၢ်ဖိအသးတက့ၢ်. တဲဘၣ်နပှၤဒိကနၣ်တၢ်ဖိလၢ ကဘၣ်မၤဝဲတၢ်မနုၤလဲၣ်, ဒီးဘၣ်မနုၤအဃိ ဘၣ်မၤဝဲလဲၣ်န့ၣ်တက့ၢ်. ဖဲနတဲတၢ်အခါ ပာ်ဖျါထီၣ်လၢ နနာ်တၢ်လၢနတဲတဖၣ် ဒီးတဲအီၤလၢ တၢ်သူၣ်ဆူၣ်သးဆူၣ်အပူၤတက့ၢ်.
တၢ်ကတိၤကျၢၢ်တံၢ်န့ၣ်မၤအီၤ ညီညီဖိဒီးဖုၣ်ဖုၣ်ဖိတက့ၢ်. တဘၣ်တဲအါထီၣ် တၢ်ဂ့ၢ်မိၢ်ပှၢ်လၢအသီတခါတဂ့ၤ. တဲတၢ်အါအါတဂ့ၤ. တဲတၢ်ကတိၤ ထဲအရ့ဒိၣ်တဖၣ်ဒ်သိး ပှၤဒိကနၣ်တၢ်ဖိ ကနၢ်ပၢၢ်ဒီးမၤထွဲဝဲတက့ၢ်.