လံာ်စီဆှံတဲဝဲဒ်လဲၣ်
ယွၤအဘီအမုၢ်န့ၣ် မ့ၢ်မနုၤလဲၣ်.
ပှၤတနီၤနီၤတဲဝဲလၢ ယွၤအဘီအမုၢ်န့ၣ်မ့ၢ်ဝဲ တၢ်အိၣ်လၢပသးပူၤ ဒီးအဂၤတနီၤနီၤ တဲဝဲ ပှၤဟီၣ်ခိၣ်ဖိတဖၣ်ကဘၣ်ထဲးဂံၢ်ထဲးဘါဒီး ဒုးအိၣ်ထီၣ် တၢ်မုာ်တၢ်ခုၣ်ဒီး တၢ်ဃူတၢ်ဖိးလၢ ပှၤဟီၣ်ခိၣ်ဖိအကျါလီၤ. မ့မ့ၢ်နၤမီၣ် နဆိကမိၣ်ဒ်လဲၣ်.
လံာ်စီဆှံတဲဝဲဒ်လဲၣ်
“မူခိၣ်အကစၢ်ကပာ်လီၤဘီမုၢ် လၢအတဟးဂီၤဘၣ် လီၤထူလီၤယိာ်ဘၣ် . . . ကမၤလီၤကလဲ, ဒီးကမၤလၢာ်ကွံာ်ဘီမုၢ်ခဲလၢာ်လီၤ.” (ဒၤနံးယ့လး ၂:၄၄) ယွၤအဘီအမုၢ်န့ၣ် မ့ၢ်တၢ်ပၢတၢ်ပြးနီၢ်ကီၢ်တခါလီၤ.
ပမၤလိအါထီၣ်တၢ်ဂ့ၢ်အဂၤ လၢလံာ်စီဆှံအပူၤကသ့ဒံးဧါ
ယွၤအဘီအမုၢ်န့ၣ် ကအိၣ်လၢမူခိၣ်ဒီး ကပၢစိတၢ်ဆူ ဟီၣ်ခိၣ်ချၢလီၤ.—မးသဲ ၁၀:၇; လူၤကၣ် ၁၀:၉.
ယွၤသူဝဲ အဘီအမုၢ်ဒ်သိး ကမၤလၢထီၣ်ပှဲၤထီၣ် အတၢ်တိာ်ပာ်လၢ မူခိၣ်ဒီး ဟီၣ်ခိၣ်န့ၣ်လီၤ.—မးသဲ ၆: ၁၀.
ယွၤအဘီအမုၢ်ကဟဲ လၢအခါဖဲလဲၣ်.
နကစံးဆၢအီၤဒ်လဲၣ်
ပှၤတသ့ၣ်ညါနီတဂၤဘၣ်
ကဟဲဘူးထီၣ်လံ
တဟဲလၢၤဘၣ်
လံာ်စီဆှံတဲဝဲဒ်လဲၣ်
“ဒီးဘီမုၢ်အတၢ်သးခုအကစီၣ်အံၤ, ကဘၣ်တၢ်စံၣ်တဲၤတဲလီၤအီၤလၢ ဟီၣ်ခိၣ်ဒီဘ့ၣ်ညါ, လၢတၢ်အုၣ်အသးလၢ ပှၤကလုာ်ခဲလၢာ်အဂီၢ်လီၤ. တုၤနုၤတစု တၢ်အကတၢၢ်န့ၣ် ကဟဲဘၣ်ဝဲလီၤ.” (မးသဲ ၂၄:၁၄) တၢ်သးခုကစီၣ်မ့ၢ်ဝးဝဲဟီၣ်ခိၣ်ဒီဘ့ၣ်န့ၣ် ယွၤအဘီအမုၢ်ကဟဲမၤကတၢၢ်ကွံာ် မုၣ်ကီၤလံၢ်အတၢ်ပၢတၢ်ပြးလီၤ.
ပမၤလိအါထီၣ်တၢ်ဂ့ၢ်အဂၤ လၢလံာ်စီဆှံအပူၤကသ့ဒံးဧါ
ယွၤအဘီအမုၢ် ကဟဲအခါဖဲလဲၣ်န့ၣ် ပှၤတသ့ၣ်ညါဝဲ လီၤတံၢ်လီၤဆဲးနီတဂၤဘၣ်.—မးသဲ၂၄:၃၆.
ဝံအကလုၢ်ကထါလၢ လံာ်စီဆှံပူၤပာ်ဖျါထီၣ်ဝဲလၢ တယံာ်လၢၤဘၣ် ယွၤအဘီအမုၢ်ကဟဲလီၤ.—မးသဲ ၂၄:၃, ၇, ၁၂.