ဖဲနဘၣ်နးဘၣ်ဖှီၣ်အခါ ကစၢ်ယွၤတူၢ်ဘၣ်ဝဲဒ်လဲၣ်
ပှၤတနီၤနာ်ဝဲလၢ ကစၢ်ယွၤထံၣ်တၢ်နးတၢ်ဖှီၣ်လၢ ပတူၢ်ဘၣ်အီၤနာ်က့ အဝဲတအဲၣ်ဒိးမၤစၢၤပှၤဘၣ်.
လံာ်စီဆှံတဲဝဲဒ်လဲၣ်
ကစၢ်ယွၤထံၣ်ဝဲ ဒီးသးအိၣ်ပှၤ
“ဒီးယွၤထံၣ်ဝဲလၢ ပှၤကညီအတၢ်ဒဲးဘးန့ၣ် မ့ၢ်အဒိၣ်လၢဟီၣ်ခိၣ်ချၢ . . . ဒီးအသးအုးလၢ အသးကံၢ်ပူၤလီၤ.”—၁ မိၤၡ့ ၆:၅, ၆.
ကစၢ်ယွၤကမၤလီၤမၢ်ကွံာ် တၢ်နးတၢ်ဖှီၣ်ခဲလၢာ်
“အိၣ်ဒံးတစိၢ်ဖိ, ဒီးပှၤတတီတလိၤ တအိၣ်လၢၤဘၣ်. မ့ၢ်လံ, နကကွၢ်ဆိကမိၣ်အလီၢ် ထံထံဆးဆး, ဒီးတအိၣ်လၢၤဘၣ်လီၤ. မ့မ့ၢ်ပှၤလၢအသးစူၤ ကန့ၢ်ဘၣ်သါထံဧိၤကီၢ်ဧိၤ, ဒီးကမုာ်လၤတၢ်လၢ တၢ်ဃူတၢ်ဖိးအါအါကလဲာ်အပူၤလီၤ.”—စံးထီၣ်ပတြၢၤ ၃၇:၁၀, ၁၁.
ကစၢ်ယွၤအဲၣ်ဒိးလၢ နကအိၣ်ဒီးတၢ်အိၣ်မူဒ်လဲၣ်
“အဂ့ၢ်ဒ်အံၤ, ယသ့ၣ်ညါတၢ်ကူၣ်လၢ ယကူၣ်ထီၣ်လၢသုဂီၢ်, ယွၤစံးဝဲဒၣ်, တၢ်ကူၣ်ဘၣ်ဃးဒီးတၢ်ဃူတၢ်ဖိး, ဘၣ်ဃးဒီးတၢ်အၢတမ့ၢ်ဘၣ်, ဒ်သိးယကဟ့ၣ်သုကတၢၢ်အိၣ်ဒီး တၢ်မုၢ်လၢ်လီၤ. ဒီးသုကကိးထီၣ်ယၤ, ဒီးသုကလဲၤဘါထုကဖၣ်တၢ်လၢယၤ, ဒီးယကကနၣ်သုကလုၢ်လီၤ.”—ယံးရမံယၤ ၂၉:၁၁, ၁၂.
“သုးဘူးသုသးဆူယွၤအအိၣ်တက့ၢ်, ဒီးကသုးဘူးအသးဆူသုအိၣ်လီၤ.”—ယၤကိာ် ၄:၈.