တၢ်အဒိလၢတၢ်နီၤလီၤ မဲးကစံအဂီၢ်

တၢးထီခိးတၢ် လါယူၤ ၁

“ပအဲၣ်ဒိးတဲဘၣ်နၤ တၢ်ဂ့ၢ်လၢအလီၤသးအိၣ်လၢ လံာ်စီဆှံပူၤအဃိ ပဟဲအိၣ်သကိးနၤတစိၢ်ဖိလီၤ. ဖဲပစိၤခဲအံၤ ပှၤအါဂၤဆိကမိၣ်လၢ စဲအ့ၣ်တၢ်ကူၣ်ဘၣ်ကူၣ်သ့န့ၣ် ပာ်ဖျါထီၣ်ဝဲလၢလံာ်စီဆှံမ့ၢ်တၢ်လၢအကမၣ်လီၤ. ဘၣ်ဃးဒီးလံာ်စီဆှံန့ၣ် နဆိကမိၣ်ဒ်လဲၣ်. နဆိကမိၣ်လၢ အဝဲသ့ၣ်တဲတၢ်န့ၣ် မ့ၢ်အဘၣ်စ့ၢ်ကီးဧါ. [အိၣ်ခိးတၢ်စံးဆၢတက့ၢ်] တၢ်ဂ့ၢ်လၢ လံာ်စီဆှံပူၤလၢအလီၤပလိာ်လိာ်အသးဒီး စဲအ့ၣ်တၢ်ကူၣ်ဘၣ်ကူၣ်သ့န့ၣ် ပကကွၢ်သကိးတၢ်အဒိတခါလီၤ. [ဖး ယိၤဘး ၂၆:၇ တက့ၢ်] မဲးကစံအံၤပာ်ဖျါထီၣ်ဝဲ လံာ်စီဆှံဒီး ­စဲအ့ၣ်တၢ်ကူၣ်ဘၣ်ကူၣ်သ့န့ၣ် လီၤပလိာ်လိာ်အသးဒ်လဲၣ် အဂ့ၢ်န့ၣ်လီၤ.”

နိုးလော့! လါယူၤ

“မုၢ်မဆါတနံၤအံၤ ပှၤလၢပကပိာ်ကပၤတဖၣ်န့ၣ် ကွၢ်ဆၢၣ်မဲာ်ဘၣ်ဝဲတၢ်ဆူးတၢ်ဆါန့ၣ်လီၤ. လၢတၢ်န့ၣ်အဃိ ပဟဲအိၣ်သကိးနၤတစိၢ်ဖိဒ်သိး ပကဟ့ၣ်ဂံၢ်ဟ့ၣ်ဘါနၤလၢလံာ်စီဆှံလီၤ. [ဖး ယၡါယၤ ၃၃:၂၄က. တက့ၢ်] တၢ်ဆူးတၢ်ဆါမ့ၢ်တအိၣ်လၢၤန့ၣ် ပတၢ်အိၣ်မူကမၤအသးဒ်လဲၣ်. [အိၣ်ခိးတၢ်စံးဆၢတက့ၢ်] တချုးလၢတၢ်စံးပာ်တခါအံၤ ဟဲလၢပှဲၤထီၣ်ဒံးဘၣ်န့ၣ် မဲးကစံတဘ့ၣ်အံၤ ပာ်ဖျါထီၣ်ဝဲတၢ်ဂ့ၢ်ယဲၢ်ခါ ဒ်သိးပတၢ်အိၣ်ဆူၣ်အိၣ်ချ့ကဂ့ၤထီၣ်အဂီၢ်လီၤ.”