တၢ်အဒိလၢတၢ်နီၤလီၤ မဲးကစံအဂီၢ်

တၢးထီခိးတၢ် လါဒံၣ်စ့ဘၢၣ် ၁

“ပဟဲဟးအိၣ်သကိးနၤ တစိၢ်ဖိ ဒ်သိးပကတဲပၠးနၤ တၢ်ဂ့ၢ်တခါ လၢပှၤနၢ်ပၢၢ်ကမၣ် ဘၣ်ဃးဒီးလံာ်စီဆှံအဂ့ၢ်. ပှၤအါဂၤပာ်ကဲလံာ်စီဆှံ, ဘၣ်ဆၣ်အဝဲသ့ၣ်ဆိကမိၣ်ဝဲလၢ လံာ်စီဆှံန့ၣ် ပှၤနၢ်ပၢၢ်ဘၣ်အီၤကီန့ၣ်လီၤ. မ့မ့ၢ်နၤန့ၣ် နဆိကမိၣ်ဒ်လဲၣ်. [အိၣ်ခိးတၢ်စံးဆၢတက့ၢ်] လံာ်စီဆှံတဆၢအံၤ ပာ်ဖျါထီၣ်န့ၢ်ပှၤလၢ ဘၣ်မနုၤအဃိ ပကြၢးသးအိၣ်နၢ်ပၢၢ်လံာ်စီဆှံန့ၣ်လဲၣ်. ဘၣ်မနုၤအဃိ ပဘၣ်ဂုာ်ကျဲးစၢးဒ်သိး ပကနၢ်ပၢၢ်လံာ်စီဆှံလဲၣ်န့ၣ် လံာ်စီဆှံတဆၢအံၤ ပာ်ဖျါထီၣ်န့ၢ်ပှၤဒ်အံၤ. [ဖး ရိမ့ၤ ၁၅:၄ တက့ၢ်.] ဒီးမဲးကစံတဘ့ၣ်အံၤ ကတဲနၢ်ပၢၢ်ပှၤလၢ လံာ်စီဆှံန့ၣ် မ့ၢ်လံာ်တဘ့ၣ်လၢ ပနၢ်ပၢၢ်အီၤသ့ ဒီးပာ်ဖျါထီၣ်စ့ၢ်ကီးဝဲ တၢ်ဟ့ၣ်ကူၣ်တနီၤလၢ ပကနၢ်ပၢၢ်လံာ်စီဆှံအဂီၢ်န့ၣ်လီၤ.”

နိုးလော့! လါဒံၣ်စ့ဘၢၣ် ၁

“ပှၤကူၣ်ဘၣ်ကူၣ်သ့တဂၤစံးဝဲလၢ ‘ကစၢ်ယွၤန့ၣ်ပနၢ်ပၢၢ်အီၤတသ့ဘၣ်’ နဲနဆိကမိၣ်ဒ်လဲၣ်. [အိၣ်ခိးတၢ်စံးဆၢတက့ၢ်.] ပကပာ်သူၣ်ပာ်သးလၢ ကစၢ်ယွၤအကလုၢ်ကထါစံးဘၣ်ပှၤလၢ ကစၢ်ယွၤ ‘အိၣ်တယံၤဘၣ်ဒီး ပှၤနီတဂၤဘၣ်.’ [ဖး မၤတၢ် ၁၇:၂၇ တက့ၢ်.] မဲးကစံတဘ့ၣ်အံၤအပူၤ ပာ်ဖျါထီၣ်တၢ်ဂ့ၢ်တနီၤ ဘၣ်ဃးဒီး ကစၢ်ယွၤအဂ့ၢ်လၢ ပှၤနၢ်ပၢၢ်အီၤတသ့ဘၣ် ဒီးပာ်ဖျါထီၣ်စ့ၢ်ကီးဝဲတၢ်ဂ့ၢ်တနီၤလၢ ပနၢ်ပၢၢ်အီၤသ့.”