တၢ်ကူၣ်ဘၣ်ကူၣ်သ့လၢ ဟဲလၢယွၤအအိၣ်န့ၣ် မၤနၢၤကွံာ် တၢ်ကွၢ်တလီၤကလုာ်ဒူၣ်

ယဟိဝၤယွၤန့ၣ် တကွၢ်ဒိၣ်ဆံးအါစှၤတၢ်ဘၣ်. (မၤတၢ်. ၁၀:၃၄, ၃၅) အဝဲတူၢ်လိာ်ဝဲ “ကယဲၢ်ပှၤကလုာ်, ဒီးကယဲၢ်ပှၤအဒူၣ်, ဒီးကယဲၢ်ပှၤဂီၢ်မုၢ်, ဒီးကယဲၢ်ပှၤကတိၤတၢ်အကျိာ် အကလုာ်ကလုာ်” တဖၣ်လီၤ. (လီၣ်. ၇:၉) အဃိ တၢ်ကွၢ်တလီၤကလုာ်ဒူၣ် မ့တမ့ၢ် တၢ်ကွၢ်ဒိၣ်ဆံးအါစှၤတၢ်န့ၣ် တကြၢးအိၣ်လၢ တၢ်အိၣ်ဖှိၣ်အပူၤဘၣ်. (ယၤ. ၂:၁-၄) ခီဖျိလၢ တၢ်ကူၣ်ဘၣ်ကူၣ်သ့လၢ ဟဲလၢယွၤအအိၣ်အဃိ ပအိၣ်ဘၣ်လၢ နီၢ်သးပၤရဒံစူး ဒီးပထံၣ်ဘၣ် ပှၤဟီၣ်ခိၣ်ဖိတဖၣ် ဆီတလဲအတၢ်အိၣ်မူလီၤ. (ၡါ. ၁၁:၆-၉) ပမ့ၢ်ဂုာ်ကျဲးစၢး ထုးထီၣ်ကွံာ် တၢ်ပာ်သူၣ်ပာ်သး လၢအမ့ၢ် တၢ်ကွၢ်ဒိၣ်ဆံးအါစှၤတၢ်လၢ ပသးပူၤန့ၣ် မ့ၢ်ဒၣ်ပပာ်ဖျါထီၣ်လၢ ပမ့ၢ်ပှၤလၢအကွၢ်လိမၤဒိး ကစၢ်ယွၤလီၤ.—အ့း. ၅:၁, ၂.

ကွၢ်တၢ်ဂီၤမူလၢအမ့ၢ် ကၠီနံၤဒီး ကံးဒံယဲၤ– တဘျီခါ မ့ၢ်ဒုၣ်ဒါ, ခဲအံၤမ့ၢ် ဒီပုၢ်ဝဲၢ်, ဝံၤဒီး စံးဆၢက့ၤ တၢ်သံကွၢ်လၢ လာ်တဖၣ်အံၤတက့ၢ်–

• ဘၣ်မနုၤအဃိ တၢ်ကူၣ်ဘၣ်ကူၣ်သ့လၢ ဟဲလၢယွၤအအိၣ်န့ၣ် ဂ့ၤဒိၣ်န့ၢ်ဒံး ပှၤဟီၣ်ခိၣ်ဖိ အတၢ်ဂုာ်ကျဲးစၢး မၤလီၤမၢ်ကွံာ် တၢ်ကွၢ်မဲာ်တၢ် ဒီးတၢ်ကွၢ်တလီၤကလုာ်ဒူၣ်န့ၣ်လဲၣ်.

• ဘၣ်ဃးဒီး ဟီၣ်ခိၣ်ဒီဘ့ၣ် ဒီပုၢ်ဝဲၢ်အတၢ်ကရၢကရိန့ၣ် မ့ၢ်နဘၣ်သူၣ်ဘၣ်သး တၢ်မနုၤလဲၣ်.

• ဖဲပပၢၤဃာ် ခရံာ်ဖိ အတၢ်ဃူတၢ်ဖိးအခါ ကဲထီၣ်တၢ်စံးထီၣ်ပတြၢၤလၢ ယဟိဝၤယွၤအဂီၢ်ဒ်လဲၣ်.