အိၣ်မူဒ် ခရံာ်ဖိအသိး
ယမၤကဒီး ပှၤလဲၤလၢညါမၤစၢၤတၢ် ကန့ၢ်ဆံးယံာ်လဲၣ်
ဝံယဃ့းစက့လး အတၢ်ထံၣ်လၢညါ လၢဘၣ်ဃးဒီးတၢ်လုၢ်ဟံၣ်န့ၣ် ပာ်ဖျါထီၣ်ဝဲ ယဟိဝၤယွၤ အပှၤကလုာ်တဖၣ် ကဟ့ၣ်လုၢ်ထီၣ်တၢ် လၢတၢ်သူၣ်အိၣ်သးအိၣ်အပူၤလီၤ. ပဝဲတဂၤစုာ်စုာ် ပပၣ်ဃုာ်လၢ တၢ်လုၢ်စံးထီၣ်ပတြၢၤအံၤအပူၤ ကသ့ဒ်လဲၣ်.—ဧ့ၤ. ၁၃:၁၅, ၁၆.
ကျဲတဘိန့ၣ် မ့ၢ်တၢ်မၤပှၤလဲၤလၢညါမၤစၢၤတၢ်န့ၣ်လီၤ. ၂၀၁၈ တၢ်မၤအနံၣ်အံၤအပူၤ လါလၢမုၢ်ဃုနံၤ မ့တမ့ၢ် အိၣ်ဘှံးနံၤ အိၣ်ဝဲယဲၢ်ဘျီန့ၣ် အိၣ်အလါအါမးလီၤ. အဃိ ပှၤလၢမၤတၢ်မၤ အနၣ်ရံၣ်ပှဲၤန့ၣ် ကအိၣ်ဒီးတၢ်ခွဲးတၢ်ယာ်လၢ ကမၤပှၤလဲၤလၢညါ မၤစၢၤတၢ်လီၤ. တကးဒံးဘၣ် ပှၤစံၣ်တဲၤတဲလီၤတၢ်ဖိတဖၣ်န့ၣ် ဖဲလါမၢ်ၡး, လါအ့ဖြ့ၣ် ဒီးဖဲကဝီၤအပှၤကွၢ်တၢ် ဟဲဟးအဆၢကတီၢ် မၤပှၤလဲၤလၢညါမၤစၢၤတၢ် အနၣ်ရံၣ် ၃၀ မ့တမ့ၢ် ၅၀ သ့ဝဲလီၤ.
ခီဖျိလၢ ပတၢ်အိၣ်သးအဃိ ပမၤပှၤလဲၤလၢညါ မၤစၢၤတၢ် မ့ၢ်တသ့ဘၣ်န့ၣ် ပကမၤဒ်လဲၣ်. ပဂုာ်ကျဲးစၢး ဟ့ၣ်အါထီၣ်တၢ်ဆၢကတီၢ်လၢ တၢ်စံၣ်တဲၤတဲလီၤတၢ်မၤဒီး ပမၤဂ့ၤထီၣ် ပတၢ်သ့တၢ်ဘၣ်လၢ တၢ်စံၣ်တဲၤတဲလီၤတၢ်မၤအပူၤသ့ဝဲလီၤ. ပတၢ်အိၣ်သး မ့ၢ်အိၣ်ဒ်လဲၣ်ဂ့ၤ, ဒ်လဲၣ်ဂ့ၤ မ့ၢ်လၢပအဲၣ် ယဟိဝၤယွၤအဃိ ဖဲ ၂၀၁၈ တၢ်မၤအနံၣ်အံၤအပူၤ မ်ပကဟ့ၣ်အီၤ တၢ်လၢအဂ့ၤကတၢၢ်တက့ၢ်.—ဟိၤ. ၁၄:၂.
ယကွၢ်လိမၤဒိး စၣ်ဘံနၤ အတၢ်သူၣ်ဆူၣ်သးဆူၣ် ကသ့ဒ်လဲၣ်.
ကွၢ်တၢ်ဂီၤမူလၢအမ့ၢ် ခီဖျိ ယဟိဝၤယွၤ အတၢ်မၤစၢၤအဃိ ယမၤတၢ်သ့အါမး ဝံၤဒီးစံးဆၢ တၢ်သံကွၢ်လၢလာ်အံၤတက့ၢ်–
တၢ်မနုၤထိၣ်ဟူးထိၣ်ဂဲၤထီၣ် စၣ်ဘံနၤလၢ ကမၤအါထီၣ်ယဟိဝၤယွၤ အတၢ်မၤလဲၣ်.
စၣ်ဘံနၤ အဒိအတဲာ် ကဲထီၣ်တၢ်ဂံၢ်တၢ်ဘါ လၢနဂီၢ်ဒ်လဲၣ်.
ဖဲ ၂၀၁၈ တၢ်မၤနံၣ်အပူၤ နမၤပှၤလဲၤလၢညါမၤစၢၤတၢ် ကသ့ဖဲလဲၣ်တလါလဲၣ်.