တၢ်အဒိဘၣ်ဃး ပှၤၡၤမရံဖိ လၢအအဲၣ်ပှၤလၢအဃၢၤ

၁၀:၂၅-၃၇

“ပှၤလၢယဃၢၤန့ၣ်​ မ့ၢ်မတၤတဂၤလဲၣ်.” ဒ်သိးယ့ၣ်ၡူး ကစံးဆၢဝဲ တၢ်သံကွၢ်တဖျၢၣ်အံၤအဂီၢ် အဝဲသူဝဲ တၢ်အဒိတခါလီၤ. (လူၤ ၁၀:၂၅-၂၉) ယ့ၣ်ၡူးသ့ၣ်ညါဝဲလၢ ခရံာ်ဖိအတၢ်အိၣ်ဖှိၣ်ပူၤန့ၣ်​ ကအိၣ်ဒီးပှၤကလုာ် “ခဲလၢာ်” လီၤ. လၢအဝဲသ့ၣ်အကျါန့ၣ်​ ကပၣ်ဃုာ်ဒီးပှၤၡၤမရံ ဒီးပှၤတခီဘီမုၢ်ဖိတဖၣ်လီၤ. (ယိၤ. ၁၂:၃၂) တၢ်အဒိအံၤ သိၣ်လိဝဲ ပှၤလၢအပိာ်ယ့ၣ်ၡူးအခံသ့ၣ်တဖၣ်လၢ အဝဲသ့ၣ်​ ကဘၣ်ထဲးဂံၢ်ထဲးဘါ ဒီးပာ်ဖျါထီၣ်တၢ်အဲၣ်လၢ ပှၤလၢအကလုာ် တဒ်သိးဒီးအီၤတဖၣ်အဖီခိၣ်လီၤ.

သံကွၢ်လီၤနသးလၢ–

• ‘ဒီပုၢ်ဝဲၢ်တဖၣ်လၢ အတၢ်ဆဲးတၢ်လၤ တဒ်သိးဒီးယၤန့ၣ်​ မ့ၢ်ယထံၣ်အီၤဒ်လဲၣ်.’

• ‘မ့ၢ်ယရ့ထဲပှၤလၢ အတၢ်ပာ်သူၣ်ပာ်သး ဒ်သိးဒီးယၤလီၤဧါ.’

• ‘မ့ၢ်ယဂုာ်ကျဲးစၢးရ့ဒီး ဒီပုၢ်ဝဲၢ်လၢ အတၢ်အိၣ်သးတဒ်သိးဒီးယၤဒီး ယပာ်ဖျါထီၣ်တၢ်အဲၣ်လၢ အဝဲသ့ၣ်အဖီခိၣ်ကသ့ဧါ.’ (၂ ကရံၣ်. ၆:၁၃)

ယအဲၣ်ဒိးကွဲမုာ်လၢ . . .

• ကလဲၤစံၣ်တဲၤတဲလီၤတၢ်ဒီးယၤ

• ကဟဲအီၣ်သကိးတၢ်ဒီးယၤလၢဟံၣ်

• ကဟဲမၤ ဟံၣ်ဖိဃီဖိတၢ်မၤလိလံာ်စီဆှံဒီး ယဟံၣ်ဖိဃီဖိ