တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ယိၤဟၣ် ၅–၆
ပိာ်ယ့ၣ်ၡူးအခံလၢ တၢ်သူၣ်ဘျၢသးဘျၢ
ဖဲယ့ၣ်ၡူးဟ့ၣ်တၢ်အဒိလၢ အပျဲၢ်အဘီၣ်တဖၣ် နၢ်ပၢၢ်ဘၣ်အီၤကီအခါ အပျဲၢ်အဘီၣ်တနီၤ လီၤဃံၢ် ဒီးတဆဲးပိာ်အခံလၢၤဘၣ်. တချုးမုၢ်နံၤအဝဲန့ၣ် ဖဲယ့ၣ်ၡူးမၤတၢ်လီၤလး ဒီးဒုးအီၣ်အဝဲသ့ၣ် တၢ်အီၣ်အခါ အဝဲပာ်ဖျါထီၣ်ဝဲတၢ်အုၣ်သးလၢ အတၢ်စိတၢ်ကမီၤန့ၣ် ဟဲလၢအပၢ်အအိၣ်လီၤ. ဘၣ်မနုၤအဃိ အဝဲသ့ၣ်လီၤဃံၢ်လဲၣ်. အဝဲသ့ၣ်ပိာ်ယ့ၣ်ၡူးအခံလၢ အနီၢ်ကစၢ်အဘျုးအဂီၢ်လီၤ. အဝဲသ့ၣ်ရ့ဒီးယ့ၣ်ၡူးန့ၣ် မ့ၢ်ဒ်သိးကဒိးန့ၢ်ဘၣ် နီၢ်ခိအတၢ်လိၣ်ဘၣ်တဖၣ်အဂီၢ်လီၤ.
ပဝဲတဂၤစုာ်စုာ်ပကြၢးသံကွၢ်လီၤပသးလၢ– ‘ဘၣ်မနုၤအဃိ ယပိာ်ယ့ၣ်ၡူးအခံလဲၣ်. မ့ၢ်ထဲလၢ တၢ်ဆိၣ်ဂ့ၤလၢယဒိးန့ၢ်ဘၣ်အီၤခဲအံၤ ဒီးခါဆူညါအဂီၢ်အဃိဧါ. မ့တမ့ၢ် ယအဲၣ်ယဟိဝၤယွၤ ဒီးယအဲၣ်ဒိးမၤ အတၢ်ဘၣ်သးအဃိဧါ.’
မ့ၢ်ထဲလၢ တၢ်ဂ့ၢ်လၢလာ်တဖၣ်အံၤအဃိ ပမ့ၢ်မၤယဟိဝၤယွၤအတၢ်မၤန့ၣ် ဘၣ်မနုၤအဃိ ပလီၤဃံၢ်သ့ဝဲလဲၣ်.
ပသးခုလၢ ပအိၣ်ဘၣ်လၢယွၤအပှၤဂီၢ်မုၢ်အကျါ
ပအဲၣ်ဒိးအိၣ်လၢ ပၤရဒံစူးအပူၤအဃိ