သူတၢ်ဂီၤမူလၢ နကသိၣ်လိ နပှၤမၤလိလံာ်စီဆှံဖိအဂီၢ်

တၢ်ပီးတၢ်လီလၢ ပှၤထံၣ်အီၤ ဒီးထုးန့ၢ်ပှၤသးတဖၣ်န့ၣ်​ မၤစၢၤပှၤလၢ အကွၢ်တၢ်တဂၤဒ်သိး ကနၢ်ပၢၢ်ဒီးတိၢ်နီၣ်​ တၢ်လၢအမၤလိဘၣ်ဝဲတဖၣ်လီၤ. ယဟိဝၤယွၤ လၢအမ့ၢ်ပှၤသိၣ်လိနဲၣ်လိတၢ်လၢ အဂ့ၤကတၢၢ်တဂၤစ့ၢ်ကီး သူဝဲတၢ်ပီးတၢ်လီလၢ ပှၤထံၣ်အီၤ ဒီးထုးန့ၢ်ပှၤသးတဖၣ်အံၤ ဒီးသိၣ်လိပှၤ တၢ်မၤလိလၢအရ့ဒိၣ်တဖၣ်လီၤ. (၁ မိၤ. ၁၅:၅; ယံး. ၁၈:၁-၆) ယ့ၣ်ၡူးလၢအမ့ၢ် သရၣ်စ့ၢ်ကီး မၤဝဲဒ်န့ၣ်အသိးလီၤ. (မး. ၁၈:၂-၆; ၂၂:၁၉-၂၁) တၢ်ပီးတၢ်လီလၢ ပှၤထံၣ်အီၤ ဒီးထုးန့ၢ်ပှၤသးတခါ လၢအကဲဘျုးဝဲန့ၣ်​ မ့ၢ်ဝဲတၢ်ဂီၤမူလီၤ. ဖဲနသိၣ်လိ နပှၤမၤလိလံာ်စီဆှံတဖၣ်အခါ မ့ၢ်နသူ တၢ်ဂီၤမူတဖၣ်အံၤဂ့ၤဂ့ၤဧါ.

ဖဲပသိၣ်လိပှၤဂၤ လံာ်လၢအမ့ၢ် တၢ်သးခုကစီၣ်လၢ ယွၤအအိၣ် အခါ တၢ်ဂီၤမူလၢ ပသူအီၤသ့န့ၣ်​ အိၣ်ဝဲအခါ ၁၀ လီၤ. တၢ်ဂီၤမူအါတက့ၢ် အခိၣ်တီဘၣ်ထွဲလိာ်အသးဒီး လံာ်အခိၣ်တီလၢ ဘၣ်တၢ်မၤသူအီၤန့ၣ်လီၤ. လံာ်လၢပဖးအီၤသ့လၢ ပပှာ်ယဲၤသန့အပူၤန့ၣ်​ ပၣ်ဃုာ်ဒီး လ့(ခ်) (links) လၢဒုးသ့ၣ်နီၣ်ပှၤလၢ ပကဘၣ်ပၠးတၢ်ဂီၤမူလၢ အခါဖဲလဲၣ်လီၤ. တကးဒံးဘၣ်​ လံာ်အဂၤလၢအအိၣ်လၢ တၢ်ပီးတၢ်လီလၢ တၢ်သိၣ်လိနဲၣ်လိတၢ် အပူၤတဖၣ်အဂီၢ်စ့ၢ်ကီး တၢ်ဂီၤမူအိၣ်ဝဲလီၤ.

မ့ၢ်နတဲသကိး လံာ်စီဆှံအတၢ်ဂ့ၢ်လၢ နပှၤမၤလိလံာ်စီဆှံဖိ နၢ်ပၢၢ်ဘၣ်ဝဲကီန့ၣ်ဧါ. မ့တမ့ၢ် နပှၤမၤလိလံာ်စီဆှံဖိ ထံၣ်ဘၣ်ဒီး တၢ်မၤကွၢ်တမံၤမံၤဧါ. ကွၢ်ဃုတၢ်ဂီၤမူတဖၣ်လၢ ကကဲဘျုးလၢအဂီၢ် လၢ jw.org ဒီး JW တၢ်ဂီၤမူ တၢ်ရဲၣ်တၢ်ကျဲၤအပူၤတက့ၢ်. နကွၢ်သကိး တၢ်ဂီၤမူတခါခါ ဒီးနပှၤမၤလိ လံာ်စီဆှံဖိ ဒီးတဲသကိးဒီးအီၤသ့လီၤ.

ကိးလါဒဲးန့ၣ်​ ပဒိးန့ၢ်ဘၣ်​ တၢ်ဂီၤမူအသီတဖၣ်လီၤ. ဖဲနကွၢ်တၢ်ဂီၤမူအခါ ဆိကမိၣ်ထီၣ်လၢ ဖဲနသိၣ်လိပှၤဂၤအခါ နသူအီၤကသ့ဒ်လဲၣ်န့ၣ်တက့ၢ်.