ဃုတၢ်ကူၣ်ဘၣ်ကူၣ်သ့လၢ ဘၣ်ဃးဒီးယွၤ

ဘၣ်မနုၤအဃိ အရ့ဒိၣ်လဲၣ်– ပှၤလၢအသိၣ်လိနဲၣ်လိတၢ် အဒိၣ်ကတၢၢ် ယဟိဝၤယွၤန့ၣ်​ သိၣ်လိပှၤတၢ်ကူၣ်ဘၣ်ကူၣ်သ့လၢ အဂ့ၤကတၢၢ်လီၤ. အဝဲသိၣ်လိပှၤ လၢပကအိၣ်မူအဂ့ၤကတၢၢ်ဒ်လဲၣ်​ ဒီးကတဲာ်ကတီၤပှၤလၢ ခါဆူညါအဂီၢ်လီၤ. (ၡါ. ၁၁:၆-၉; ၃၀: ၂၀, ၂၁; လီၣ်. ၂၂:၁၇) ခီဖျိလၢ ယဟိဝၤယွၤ သိၣ်လိပှၤအဃိ ပဝဲစ့ၢ်ကီး ပတဲဘၣ်ပှၤအဂၤတဖၣ်လၢ တၢ်အုၣ်က့ၤခီၣ်က့ၤ အတၢ်ကစီၣ်သ့လီၤ.—၂ ကရံၣ်. ၃:၅.

ပမၤကသ့ဒ်လဲၣ်–

• ပကဘၣ်မၤအါထီၣ်​ တၢ်ဂ့ၤတၢ်ဝါလၢအမ့ၢ် တၢ်ဆီၣ်လီၤသး ဒီးတၢ်သးကညီၤလီၤ.—စံး. ၂၅:၈, ၉

• တူၢ်လိာ်တၢ်သိၣ်လိနဲၣ်လိ ခီဖျိ မၤကၠိဖိမူဒါလၢ နွံဖးဖီတၢ်အိၣ်ဖှိၣ်အဂီၢ်

• ဆိကမိၣ်ထီၣ်ကျဲလၢ နကမၤအါထီၣ်​ ယဟိဝၤယွၤအတၢ်မၤ ဒီးရဲၣ်ကျဲၤလီၤတၢ်ဒ်သိး နမၤအီၤကန့ၢ်အဂီၢ်တက့ၢ်.—ဖံလံး. ၃:၁၃

• သးအိၣ်ဟ့ၣ်လီၤနသး ဒ်သိးနကဒိးန့ၢ်အါထီၣ်ဘၣ်​ တၢ်သိၣ်လိနဲၣ်လိအဂီၢ်တက့ၢ်.—ဖံလံး. ၃:၈.

ကွၢ်တၢ်ဂီၤမူလၢ အခိၣ်တီမ့ၢ်ဝဲ ယဟိဝၤယွၤတၢ်သိၣ်လိသီလိတဖၣ်န့ၣ် ဒုးထူးဒုးတီၤထီၣ်ပှၤ ဒီးစံးဆၢက့ၤ တၢ်သံကွၢ်လၢလာ်တဖၣ်အံၤ–

• ပှၤစံၣ်တဲၤတဲလီၤတၢ်ဖိတနီၤ ဒ်သိးကထီၣ်ဘၣ်​ ပှၤစိာ်ဘီမုၢ်တၢ်သးခုကစီၣ်ဖိ အကၠိအဂီၢ် အဝဲသ့ၣ်ဘၣ်လဲၤခီဖျိဝဲ တၢ်ကီတၢ်ခဲမနုၤတဖၣ်လဲၣ်.

• ပှၤစိာ်ဘီမုၢ်တၢ်သးခုကစီၣ်ဖိအကၠိန့ၣ်​ သိၣ်လိဝဲတၢ်ဂ့ၢ် မနုၤတဖၣ်လဲၣ်.

• ဒီပုၢ်ဝဲၢ်လၢ တၢ်အိၣ်ဖှိၣ်အပူၤတဖၣ်​ မၤစၢၤဝဲ ပှၤလၢအထီၣ်ကၠိဝံၤ ဒိးန့ၢ်ဘၣ်မူဒါအသီတဖၣ်ဒ်လဲၣ်.

• ဒ်သိးပကလဲၤထီၣ်ဘၣ်​ ပှၤစိာ်ဘီမုၢ်တၢ်သးခုကစီၣ်ဖိအကၠိအဂီၢ် ပကဘၣ်မၤတၢ်မနုၤတဖၣ်လဲၣ်. (kr 189)

• ယဟိဝၤယွၤ အတၢ်ကရၢကရိန့ၣ်​ အိၣ်ဒီးတၢ်သိၣ်လိကၠိအဂၤ မနုၤတဖၣ်ဒ်လဲၣ်.