မၤဂ့ၤထီၣ်နနီၢ်ကစၢ် တၢ်မၤလိလံာ်စီဆှံ ဒ်သိးနကဒိးန့ၢ်အါထီၣ် အဘျုးအဂီၢ်

ဘၣ်မနုၤအဃိ အရ့ဒိၣ်လဲၣ်– နီၢ်ကစၢ်တၢ်မၤလိလံာ်စီဆှံန့ၣ်​ မၤစၢၤပှၤလၢ ပကနၢ်ပၢၢ်ထီၣ်​ တၢ်မ့ၢ်တၢ်တီ “အဒီၣ်တူာ်, ဒီးအထီ, ဒီးအလီၤဆၢၣ်, ဒီးအထီၣ်ထီ” လီၤ. (အ့း. ၃:၁၈) တကးဒံးဘၣ်​ ကမၤစၢၤစ့ၢ်ကီးပှၤလၢ ပကအိၣ်ကဆှဲကဆှီ, တၢ်ပာ်တၢ်ကမၣ်လၢပလိၤ အလီၢ်သုတအိၣ်တဂ့ၤအဂီၢ် ဒီးပကဟံးဃာ်ဂၢၢ်ကျၢၤ “တၢ်မူအကလုၢ်အကထါ” အဂီၢ်လီၤ. (ဖံလံး. ၂:၁၅, ၁၆) ဖဲပမၤနီၢ်ကစၢ် တၢ်မၤလိလံာ်စီဆှံအခါ ပဃုထၢတၢ်ဂ့ၢ်လၢ အကြၢးဒီးပှၤသ့လီၤ. ဒ်သိးပကဒိးန့ၢ်အါထီၣ်​ တၢ်ဘျုးတၢ်ဖှိၣ်လၢ တၢ်ဖး ဒီးတၢ်မၤလိလံာ်စီဆှံအဂီၢ် ပမၤကသ့ဒ်လဲၣ်.

ပမၤကသ့ဒ်လဲၣ်–

• ဖဲနမၤနီၢ်ကစၢ် တၢ်မၤလိလံာ်စီဆှံအခါ နမ့ၢ်သူလံာ်စီဆှံလၢလံာ်မ့ၢ်ဂ့ၤ, အံၣ်လဲးထြီနံးတၢ်ပီးတၢ်လီအပူၤမ့ၢ်ဂ့ၤ မၤနီၣ်ဃာ် လံာ်စီဆှံအဆၢတဖၣ်​ ဒီးကွဲးနီၣ်တၢ်ဂ့ၢ်တဖၣ်

• ဖဲနဖးလံာ်စီဆှံအဆၢကတီၢ် သံကွၢ်တၢ်သံကွၢ်ဒ်အံၤ– ‘မတၤလဲၣ်. တၢ်မနုၤလဲၣ်. ဖဲလဲၣ်အဆၢကတီၢ်လဲၣ်. တၢ်လီၢ်ဖဲလဲၣ်. ဘၣ်မနုၤအဃိလဲၣ်. ဒ်လဲၣ်.’

• ဃုသ့ၣ်ညါ တၢ်ဂ့ၢ်လီၤတံၢ်လီၤဆဲး. သူတၢ်ပီးတၢ်လီလၢ တၢ်ဃုသ့ၣ်ညါတၢ်အဂီၢ်လၢ နဒိးန့ၢ်ဘၣ်အီၤသ့တဖၣ်​ ဒီးဃုသ့ၣ်ညါ တၢ်ဂ့ၢ် မ့တမ့ၢ် လံာ်စီဆှံအဆၢတဖၣ်

• ဒ်သိးနကသ့ၣ်ညါ တၢ်ဂ့ၢ်လၢနဖးအီၤတဖၣ်​ ဘၣ်ထွဲလိာ်အသးဒီးနၤဒ်လဲၣ်အဂီၢ် ဆိကမိၣ်ထံအီၤတက့ၢ်

• တၢ်လၢနမၤလိဘၣ်အီၤတဖၣ်န့ၣ်​ မၤထွဲအီၤလၢ နတၢ်အိၣ်မူကိးနံၤဒဲးအပူၤတက့ၢ်. —လူၤ. ၆:၄၇, ၄၈

ကွၢ်တၢ်ဂီၤမူလၢအခိၣ်တီမ့ၢ်ဝဲ “ဖီၣ်ဃာ်တၢ်ကျၢၤကျၢၤ”—ခီဖျိတၢ်မၤနီၢ်ကစၢ် တၢ်မၤလိလံာ်စီဆှံ ဒီးစံးဆၢတၢ်သံကွၢ်တဖၣ်အံၤ–

• ဘၣ်ဃးဒီး နီၢ်ကစၢ်တၢ်မၤလိလံာ်စီဆှံန့ၣ်​ ပှၤတနီၤ တဲဝဲဒ်လဲၣ်.

• ဘၣ်မနုၤအဃိ ပကြၢးစးထီၣ်​ နီၢ်ကစၢ်တၢ်မၤလိလံာ်စီဆှံလၢ တၢ်ထုကဖၣ်လဲၣ်.

• ဒ်သိးပကနၢ်ပၢၢ်အါထီၣ်​ လံာ်စီဆှံတဆၢအခီပညီအဂီၢ် တၢ်မနုၤကမၤစၢၤပှၤလဲၣ်.

• လံာ်စီဆှံလၢ ပသူအီၤလၢ တၢ်မၤလိအဂီၢ်န့ၣ်​ ပမၤနီၣ်ဃာ်ကသ့ဒ်လဲၣ်.

• ဖဲပမၤလိလံာ်စီဆှံအခါ ဘၣ်မနုၤအဃိအရ့ဒိၣ်လၢ ပကဘၣ်ဆိကမိၣ်ထံအီၤလဲၣ်.

• တၢ်လၢပမၤလိဘၣ်တဖၣ်န့ၣ်​ ပကြၢးမၤဒ်လဲၣ်.