ရ့ဒီးပှၤလၢအအဲၣ် ယဟိဝၤယွၤ

ဘၣ်မနုၤအဃိ ပကြၢးရ့ဒီးပှၤလၢအအဲၣ်​ ယဟိဝၤယွၤလဲၣ်. မ့ၢ်လၢပှၤလၢပရ့ဒီးအီၤတဖၣ်န့ၣ်​ မၤကဲထီၣ်ပှၤလၢပှၤအဂ့ၤ မ့တမ့ၢ် ပှၤအအၢသ့အဃိလီၤ. (ကတိၤ. ၁၃:၂၀) အဒိ, စီၤပၤစီၤယိၤအၣ်န့ၣ်​ ဖဲအရ့ဒီးပှၤလုၢ်တၢ်အဒိၣ်​ စီၤယဟိယဒါအခါ “မၤတၢ်အလိၤလၢယွၤအမဲာ်လီၤ.” (၂ ကွဲး. ၂၄:၂) ဘၣ်ဆၣ်​ ဖဲစီၤယဟိယဒါ သံဝံၤအလီၢ်ခံ စီၤယိၤအၣ်​ ရ့ဒီးပှၤလၢအအၢတဖၣ်အဃိ ပာ်တ့ၢ်ကွံာ်ဝဲ ယဟိဝၤယွၤလီၤ.—၂ ကွဲး. ၂၄:၁၇–၁၉.

ဖဲ ခ.န တၢယၤဖှိၣ်န့ၣ်​ တၢ်မၢဖိပီလူး ထိၣ်သတြီၤဝဲ ခရံာ်ဖိတၢ်အိၣ်ဖှိၣ်လၢ “ဟံၣ်ဖးဒိၣ်” ဒီးတၢ်အိၣ်ဖှိၣ်ဖိတဖၣ်လၢ “သပၢၤ” မ့တမ့ၢ် ဟံၣ်အတၢ်ပီးတၢ်လီတဖၣ်လီၤ. ပမ့ၢ်ဟးဆှဲး တၢ်ရ့လိာ်သးဘူးဘူးတံၢ်တံၢ်ဒီး ပှၤလၢအမၤတၢ်လၢအတဘၣ်​ ယဟိဝၤယွၤအသး လၢပဟံၣ်ဖိဃီဖိအကျါ မ့တမ့ၢ် လၢတၢ်အိၣ်ဖှိၣ်အပူၤန့ၣ်​ ပကမ့ၢ် “သပၢၤလၢတၢ်ကမၤလၤကပီၤအီၤ” အဂီၢ်ထီဘိလီၤ. (၂ တံၤ. ၂:၂၀, ၂၁) အဃိ မ်ပကဆဲးရ့ဒီး ပှၤလၢအအဲၣ်​ ယဟိဝၤယွၤ ဒီးပှၤလၢအဟ့ၣ်ဂံၢ်ဟ့ၣ်ဘါပှၤလၢ ပကမၤကစၢ်ယွၤ အတၢ်မၤတဖၣ်တက့ၢ်.

ကွၢ်တၢ်ဂီၤမူလၢ အခိၣ်တီမ့ၢ်ဝဲ မၤလိနသးဒ်သိး နကဟးဆှဲး တၢ်ရ့တံၤရ့သကိးလၢအတဂ့ၤတဖၣ် ဒီးစံးဆၢက့ၤ တၢ်သံကွၢ်လၢ လာ်တဖၣ်အံၤတက့ၢ်–

• ကျဲတနီၤလၢ ပရ့ဘၣ်ဒီးတံၤသကိးလၢ အတဂ့ၤတဖၣ်သ့န့ၣ်​ မ့ၢ်မနုၤလဲၣ်.

• လၢတၢ်ဂီၤမူအံၤအပူၤ ဒ်သိးခရံာ်ဖိသၢဂၤ ကပာ်ပတုာ်ကွံာ် အတၢ်ရ့လိာ်သးဒီး တံၤသကိးလၢအတဂ့ၤတဖၣ်အဂီၢ် တၢ်မနုၤမၤစၢၤအီၤလဲၣ်.

• ဒ်သိးနဃုထၢ တံၤသကိးလၢ တၢ်ကူၣ်သ့အပူၤအကသ့အဂီၢ် လံာ်စီဆှံ အတၢ်ဟံးစုနဲၣ်ကျဲ မနုၤတဖၣ်​ မၤစၢၤနၤသ့လဲၣ်.