အိၣ်မူဒ် ခရံာ်ဖိအသိး
နပာ်လုၢ်ပာ်ပှ့ၤ ယွၤအကလုၢ်ကထါဆံးအါလဲၣ်
လံာ်စီဆှံပူၤန့ၣ် ပထံၣ်ဘၣ် ယဟိဝၤယွၤလၢ အဒုးအိၣ်ထီၣ် လံာ်စီဆှံတဂၤ အတၢ်ဆိကမိၣ်ဒီး အတၢ်ကတိၤတဖၣ်န့ၣ်လီၤ. (၂ ပ့း. ၁:၂၀, ၂၁) လံာ်စီဆှံ ဒုးသ့ၣ်ညါပှၤလၢ တယံာ်လၢၤဘၣ်န့ၣ် ပှၤဟီၣ်ခိၣ်ဖိတဖၣ် အတၢ်အိၣ်သးကဂ့ၤထီၣ်ဝဲ ခီဖျိယွၤအဘီအမုၢ်လၢ ကပာ်ဖျါထီၣ်ဝဲလၢ ကစၢ်ယွၤအိၣ်ဒီး တၢ်ခွဲးတၢ်ယာ်လၢကပၢတၢ်န့ၣ်လီၤ. လံာ်စီဆှံ ပာ်ဖျါထီၣ်စ့ၢ်ကီးဝဲ ပပၢ်အိၣ်လၢမူခိၣ် ယဟိဝၤယွၤ အတၢ်ဂ့ၤတၢ်ဝါတဖၣ်လီၤ.—စံး. ၈၆:၁၅.
ပဝဲတဂၤစုာ်စုာ် ပပာ်လုၢ်ပာ်ပှ့ၤ ယဟိဝၤယွၤအကလုၢ်ကထါလၢ တၢ်ဂ့ၤအါမံၤအဃိလီၤ. ဘၣ်ဆၣ် ပပာ်ဖျါထီၣ်လၢ ပပာ်လုၢ်ပာ်ပှ့ၤ တၢ်ဟ့ၣ်လၢအလုၢ်ဒိၣ်ပှ့ၤဒိၣ်အံၤ ခီဖျိပဖးအီၤကိးမုၢ်နံၤ ဒီးမၤထွဲအီၤလၢ ပတၢ်အိၣ်မူအပူၤဧါ. မ်တၢ်လၢပမၤတဖၣ် ပာ်ဖျါထီၣ်ဝဲလၢ ပအိၣ်ဒီးတၢ်ပာ်သူၣ်ပာ်သး ဒ်ပှၤကွဲးထါစံးထီၣ်ပတြၢၤလၢအစံးဝဲ– “ယအဲၣ်ဒိး နတၢ်သိၣ်တၢ်သီန့ၣ် ဆံးဒိၣ်လဲၣ်” န့ၣ်တက့ၢ်.—စံး. ၁၁၉:၉၇.
ကွၢ်တၢ်ဂီၤမူလၢ အခိၣ်တီမ့ၢ် အဝဲသ့ၣ် ပာ်လုၢ်ပာ်ပှ့ၤ လံာ်စီဆှံ—တၢ်ဂ့ၢ်ဖုၣ်ကိာ် (ဝ့ၢ်လယၢၣ် တ့ၣ်တ့), ဒီးစံးဆၢတၢ်သံကွၢ်လၢ လာ်တဖၣ်အံၤတက့ၢ်–
ဘၣ်မနုၤအဃိ ဝ့ၢ်လယၢၣ် တ့ၣ်တ့ ကွဲးကျိာ်ထံဝဲ လံာ်စီဆှံလဲၣ်.
ဘၣ်မနုၤအဃိ အဝဲအတၢ်ဂုာ်ကျဲးစၢး ကွဲးကျိာ်ထံ လံာ်စီဆှံန့ၣ် လီၤပတြၢၤဒိၣ်မးလဲၣ်.
လံာ်စီဆှံလၢ တ့ၣ်တ့ ကွဲးကျိာ်ထံဝဲတဖၣ် လဲၤတုၤဆူ ကီၢ်အဲကလံးအပူၤဒ်လဲၣ်.
ပဝဲတဂၤစုာ်စုာ် ပပာ်လုၢ်ပာ်ပှ့ၤ ကစၢ်ယွၤ အကလုၢ်ကထါန့ၣ် ပပာ်ဖျါထီၣ်ကသ့ဒ်လဲၣ်.