အိၣ်မူဒ် ခရံာ်ဖိအသိး
ပမၤလိန့ၢ်တၢ်မၤလိမနုၤလၢ JW တၢ်သးဝံၣ်တဖၣ်လဲၣ်
JW တၢ်သးဝံၣ်လၢ နဘၣ်သူၣ်ဘၣ်သးအီၤတနီၤန့ၣ် မ့ၢ်မနုၤလဲၣ်. ဒီးဘၣ်မနုၤအဃိလဲၣ်. တၢ်သးဝံၣ်တဖၣ်အပူၤန့ၣ် မ့ၢ်နထံၣ်ဘၣ်တၢ်ဂ့ၢ်လၢ အဘၣ်ထွဲလိာ်အသးဒီး ပတၢ်အိၣ်မူလၢ တနံၤဘၣ်တနံၤအဂီၢ်န့ၣ်ဧါ. တၢ်သးဝံၣ်အပူၤ ပၣ်ဃုာ်ဒီးတၢ်ဂ့ၢ်တၢ်ကျိၤအမၠိမၠိ ဒီးတၢ်ဒ့တၢ်အူအကလုာ်ကလုာ်အဃိ အဘျုးကအိၣ် တမံၤမံၤလၢ ပှၤကိးဂၤဒဲးအဂီၢ်လီၤ. ဘၣ်ဆၣ် JW တၢ်သးဝံၣ်တဖၣ် ဒီးတၢ်ဒ့တၢ်အူတၢ်ဂီၤမူတဖၣ်န့ၣ် တမ့ၢ်ထဲ တၢ်မၤမုာ်မၤဖှံသးအဂီၢ်ဘၣ်.
JW တၢ်သးဝံၣ်တယုၢ်စုာ်စုာ်န့ၣ် သိၣ်လိပှၤတၢ်မၤလိ အကဲဘျုးလၢ ပကဘၣ်မၤထွဲအီၤလၢ ပတၢ်အိၣ်မူ ဒီးတၢ်စံၣ်တဲၤတဲလီၤတၢ်အပူၤန့ၣ်လီၤ. တၢ်သးဝံၣ်တနီၤန့ၣ် ပာ်ဖျါထီၣ်ဝဲတၢ်ဂ့ၢ်လၢ ဘၣ်ဃးဒီး တၢ်တူၢ်လိာ်တမှံၤ, တၢ်ဃူတၢ်ဖိး, တၢ်ရ့တံၤရ့သကိး, တၢ်သူၣ်ဒူသးဒူ, တၢ်အဲၣ်တၢ်ကွံ ဒီးတၢ်စူၢ်တၢ်နာ်အဂ့ၢ်လီၤ. အဂၤတနီၤန့ၣ်ပာ်ဖျါထီၣ်ဝဲ ဘၣ်ဃးဒီး ပှၤကဟဲက့ၤဆူယဟိဝၤယွၤအအိၣ်, တၢ်ပျၢ်ကွံာ်ပှၤဂၤအတၢ်ကမၣ်, တၢ်ပၢၤဃာ်တၢ်သးတီ ဒီးအိၣ်ဒီးနီၢ်သးဖီတၢၣ်တဖၣ်လီၤ. တကးဒံးဘၣ် ပၣ်ဃုာ်ဒီး ပကဘၣ်သူ လီတဲစိ ဖဲအကြၢးအဘၣ်န့ၣ်လီၤ. JW တၢ်သးဝံၣ်အပူၤန့ၣ် နထံၣ်န့ၢ်တၢ်မၤလိအကဲဘျုးအဂၤ မနုၤတဖၣ်လဲၣ်.
ကွၢ် JW တၢ်သးဝံၣ်လၢ အခိၣ်တီမ့ၢ်ဝဲ ဘူးထီၣ်လၢ တြဲၤအခီၣ်ထံး စံးဆၢတၢ်သံကွၢ်လၢ လာ်တဖၣ်အံၤတက့ၢ်–
ပှၤဒီမါဝၤသးပှၢ်ခံဂၤ ဆိကမိၣ်ဝဲ တၢ်ဆိၣ်ဂ့ၤလၢ ခါဆူညါမနုၤတဖၣ်လဲၣ်.—၁ မိၤ. ၁၂:၃
ပမၤဂၢၢ်ကျၢၤထီၣ် ပတၢ်နာ်လၢ ဘၣ်ဃးဒီး ယဟိဝၤယွၤ ကမၤလၢပှဲၤအတၢ်စံးပာ်တဖၣ်န့ၣ် ကသ့ဒ်လဲၣ်.
တယံာ်လၢၤဘၣ်န့ၣ် တၢ်ထံၣ်လိာ်က့ၤသးလၢ တၢ်သူၣ်ခုသးခုအပူၤ မနုၤကကဲထီၣ်အသးလဲၣ်.
ဖဲပထံၣ်ဘၣ်တၢ်ကီတၢ်ခဲအခါ ဒ်သိးပကအိၣ်ဒီးတၢ်တူၢ်န့ၢ်ခီၣ်ကဲအဂီၢ် ဘီမုၢ်အတၢ်မုၢ်လၢ် ကမၤစၢၤပှၤဒ်လဲၣ်.—ရိ. ၈:၂၅