တၢ်ဟ့ၣ်ကူၣ်လၢ တၢ်မၤလိအဂီၢ်
ကၠီးလိ “တၢ်ဘူၣ်ထီၣ်ဘါထီၣ် အတၢ်သးဝံၣ်” ဒီးတိၢ်နီၣ်ဃာ်အီၤ
လိးရ့, လၢအအိၣ်လၢ U.S.A န့ၣ်အတဲဝဲလၢ “ယသးဂံၢ်ဘါမ့ၢ်လီၤစၢ် တနံၤနံၤန့ၣ် ယဟိဝၤယွၤ ဟ့ၣ်ဂံၢ်ဟ့ၣ်ဘါယၤခီဖျိ တၢ်သးဝံၣ် လၢအအိၣ်လၢ JW တၢ်ဂီၤမူအပူၤ.”
ပတၢ်ဘူၣ်ထီၣ်ဘါထီၣ် ယဟိဝၤယွၤန့ၣ် အပၣ်ဃုာ်ဒီး “တၢ်ဘူၣ်ထီၣ်ဘါထီၣ် အတၢ်သးဝံၣ်” ထီဘိလီၤ. (ကလီး ၃:၁၆) အဃိ နမ့ၢ်ကၠီးလိ တၢ်သးဝံၣ်တဖၣ်အံၤ ဒီးတိၢ်နီၣ်ဃာ်လၢနသးပူၤန့ၣ် လၢခံ နလံာ်သးဝံၣ် မ့တမ့ၢ် နအံၣ်လဲးထြီနံး တၢ်ပီးတၢ်လီ မ့ၢ်တအိၣ်ဘၣ် သနာ်က့ နကနီၣ်ဘၣ်က့ၤ တၢ်သးဝံၣ်တဖၣ်အံၤဒံး. ဒ်သိး နတိၢ်နီၣ်ဃာ် တၢ်သးဝံၣ်တဖၣ်အံၤ ကန့ၢ်အဂီၢ် မၤကွၢ်တၢ်ဟ့ၣ်ကူၣ်တဖၣ်အံၤ.
ဒ်သိးနကနၢ်ပၢၢ် တၢ်သးဝံၣ် အခီပညီအဂီၢ် ဖးတၢ်သးဝံၣ်အဖျၢၣ် လီၤတံၢ်လီၤဆဲး. နမ့ၢ်နၢ်ပၢၢ် တၢ်ဂ့ၢ်တမံၤမံၤန့ၣ် နနီၣ်ဘၣ်က့ၤအီၤကညီ. ပတၢ်ကရၢကရိ ထုးထီၣ်ဝဲ တၢ်သးဝံၣ်တဖၣ်, တၢ်သးဝံၣ်အဂၤတဖၣ် ဒီးဖိသၣ် အတၢ်သးဝံၣ်တဖၣ်န့ၣ် အလံာ်မဲာ်ဖျၢၣ်အိၣ်လၢ jw.org ဝဲးပဆဲးအပူၤ. လၢပဝဲးပဆဲးအပူၤန့ၣ် ဆီၣ်လီၤ လံာ်လဲၢ်တဖၣ် ဝံၤဒီး ဆီၣ်လီၤ တၢ်သးဝံၣ်.
ကွဲးလီၤတၢ်သးဝံၣ်အဖျၢၣ်တဖၣ်အံၤ လၢလံာ်ပူၤ. နမ့ၢ်မၤဒ်အံၤန့ၣ် တၢ်သးဝံၣ်အဖျၢၣ်တဖၣ်အံၤ ကအိၣ်တ့ၢ်လၢ နခိၣ်နူာ်ပူၤ ဒီးနနီၣ်ဘၣ်က့ၤအီၤ ကညီဒိၣ်ထီၣ်.—၅ မိၤ ၁၇:၁၈.
ကၠီးလိသး ဒီးသးဝံၣ်လၢကလုၢ်ဒိၣ်ဒိၣ်. ဖးတၢ်သးဝံၣ်အဖျၢၣ် မ့တမ့ၢ် သးဝံၣ်အီၤ ခဲအံၤခဲအံၤ.
သးဝံၣ်ကွၢ်. သးဝံၣ်ဘံၣ်မဲာ်ကွၢ်တၢ်သးဝံၣ် ဒ်သိး နကသ့ၣ်ညါလၢ နတိၢ်နီၣ်အီၤန့ၢ်ထဲလဲၣ်အဂီၢ်.