တၢ်မၤဂ့ၤထီၣ် ပတၢ်သ့တၢ်ဘၣ်လၢ တၢ်သးခုကစီၣ်တၢ်မၤအပူၤ—စံၣ်တဲၤတဲလီၤ ပှၤမဲာ်တထံၣ်တၢ်တဖၣ်

ဘၣ်မနုၤအဃိအရ့ဒိၣ်– ပှၤမဲာ်တထံၣ်တၢ်အါတက့ၢ်န့ၣ်​ တအဲၣ်ဒိးတဲသကိးတၢ်ဒီး ပှၤလၢတသ့ၣ်ညါဝဲတဖၣ်ဘၣ်. အဃိ ဒ်သိးပကစံၣ်တဲၤတဲလီၤ အဝဲသ့ၣ်တဖၣ်အဂီၢ် ပကဘၣ်အိၣ်ဒီးတၢ်ကူၣ်သ့လီၤ. ယဟိဝၤယွၤ အသးအိၣ်​ ပှၤမဲာ်တထံၣ်တၢ်တဖၣ်လီၤ. (၃ မိၤ. ၁၉:၁၄) ပကွၢ်လိမၤဒိ ယဟိဝၤယွၤ အဒိအတဲာ်သ့ခီဖျိ ပမၤစၢၤပှၤမဲာ်တထံၣ်တၢ်တဖၣ်​ ဒ်သိးကသ့ၣ်ညါထီၣ်​ ယဟိဝၤယွၤအဂ့ၢ်လီၤ.

ပမၤကသ့ဒ်လဲၣ်–

• “ဃု” ပှၤမဲာ်တထံၣ်တၢ်တဖၣ်. (မး. ၁၀:၁၁, ခ့ခါစှီၤကျိာ်) နသ့ၣ်ညါပှၤမဲာ်တထံၣ်တၢ် အဟံၣ်ဖိဃီဖိတဂၤဂၤဧါ. လၢနဟီၣ်ကဝီၤပူၤန့ၣ်​ ကၠိ, တၢ်ကရၢကရိ မ့တမ့ၢ် တၢ်သူၣ်ထီၣ်လၢ ပှၤမဲာ်တထံၣ်တၢ်တဖၣ်အဂီၢ်လၢ အဲၣ်ဒိးသးလီဝဲ လံာ်လဲၢ်လၢ ပတၢ်ကရၢကရိထုးထီၣ်ဝဲလၢ ပှၤမဲာ်တထံၣ်တၢ်တဖၣ်အဂီၢ်န့ၣ်အိၣ်ဧါ.

• ပာ်ဖျါထီၣ်​ တၢ်သူၣ်အိၣ်သးအိၣ်. ဖဲပရ့ဒီးအဝဲသ့ၣ်တဖၣ်​ ဘူးဘူးတံၢ်တံၢ် ဒီးပာ်ဖျါထီၣ်​ တၢ်သူၣ်အိၣ်သးအိၣ်အခါ အဝဲသ့ၣ်​ တဘၣ်ကိၢ်ဘၣ်ဂီၤတၢ်လၢၤဘၣ်. ဂုာ်ကျဲးစၢး စးထီၣ်တဲသကိး တၢ်ဂ့ၢ်လၢပှၤလၢလီၢ်ကဝီၤပူၤတဖၣ်​ သးစၢၢ်ဆၢဝဲန့ၣ်တက့ၢ်

• မၤစၢၤအီၤလၢ နီၢ်သးတခီ. ဒ်သိးပကမၤစၢၤ ပှၤမဲာ်တထံၣ်တၢ်တဖၣ်အဂီၢ် ပတၢ်ကရၢကရိထုးထီၣ်ဝဲ လံာ်လဲၢ်အကလုာ်ကလုာ်လီၤ. သံကွၢ်အီၤလၢ အဲၣ်ဒိးမၤလိဝဲဒ်လဲၣ်. လံာ်လဲၢ်လၢပှၤမဲာ်တထံၣ်တၢ်တဖၣ်​ လိၣ်ဘၣ်ဝဲန့ၣ်​ ပှၤမၤစၢၤတၢ်လၢ ပှၤကွၢ်ထွဲလံာ်လဲၢ်တဖၣ်​ ဃ့ထီၣ်ဝဲဧါတဃ့ဝဲဧါန့ၣ်​ ပှၤလၢအကွၢ်ထွဲ တၢ်စံၣ်တဲၤတဲလီၤတၢ်မၤ ကဘၣ်မၤလီၤတံၢ်ဝဲလီၤ.