ပိာ်ပှၤအါဂၤအခံတဂ့ၤ

၂၃:၁-၃

ယဟိဝၤယွၤ ဟ့ၣ်ပလီၢ်ဝဲ ပှၤအုၣ်အသးတဖၣ်​ ဒီးစံၣ်ညီၣ်ကွီၢ်တဖၣ်လၢ အသုတပိာ်ပှၤအါဂၤအခံ ဒီးအုၣ်အသးကဘျံးကဘျၣ်​ မ့တမ့ၢ် စံၣ်ညီၣ်တၢ်တတီတလိၤတဂ့ၤန့ၣ်လီၤ. တၢ်သိၣ်တၢ်သီလၢ ဘၣ်ဃးဒီး ပိာ်ပှၤအါဂၤအခံတဂ့ၤန့ၣ်​ ဘၣ်ထွဲလိာ်အသးဒီး သနၢၣ်လၢအဂၤတဖၣ်စ့ၢ်ကီးလီၤ. ခရံာ်ဖိတဖၣ်န့ၣ်​ ဘၣ်တၢ်ဆီၣ်သနံးအဝဲသ့ၣ်လၢ ကမၤဝဲဒ် ပှၤလၢတယူးတယီၣ်ယွၤတဖၣ်​ အတၢ်ဆိကမိၣ်​ ဒီးအတၢ်ဖံးတၢ်မၤတဖၣ်အသိးလီၤ.—ရိ. ၁၂:၂.

ဖဲပထံၣ်ဘၣ်​ ဒီးတၢ်အိၣ်သးလၢ လာ်တဖၣ်အံၤအခါ ပမ့ၢ်ပိာ်ပှၤအါဂၤ အခံန့ၣ်​ ဘၣ်မနုၤအဃိ ပတမ့ၢ်ပှၤလၢအိၣ်ဒီးတၢ်ကူၣ်သ့ဘၣ်လဲၣ်.

• ဖဲပနၢ်ဟူ တၢ်ကစီၣ်​ မ့တမ့ၢ် တၢ်တဲအီၣ်ပှၤဂ့ၢ်လၢ အတတီတလိၤတဖၣ်အခါ

• ဖဲပဃုထၢ တၢ်ကူတၢ်သိး, တၢ်တံာ်ခိၣ်ဆူၣ်​ မ့တမ့ၢ် တၢ်မၤမုာ်မၤဖှံသးအခါ

• ပတၢ်ဆိကမိၣ်​ ဒီးပတၢ်ပာ်သူၣ်ပာ်သး ဘၣ်ဃးဒီး ပှၤလၢကလုာ်ဒူၣ်, တၢ်ဆဲးတၢ်လၤ ဒီးပှၤလၢ အပတီၢ်လီၤဆီဒီးပှၤတဖၣ်