နဟ့ၣ်လီၤနတၢ်ဆၢကတီၢ် ဒီးနဂံၢ်နဘါကသ့ဧါ

ဒ်ဝံယၡါယၤ တဲဆိပာ်ဝဲအသိး ယဟိဝၤယွၤ အတၢ်ကရၢကရိလၢ ဟီၣ်ခိၣ်န့ၣ်​ ဆဲးလဲၤထီၣ်လဲၤထီဝဲထီဘိလီၤ. (ၡါ. ၅၄:၂) အဃိ ပလိၣ်ဘၣ်အါထီၣ်​ ဘီမုၢ်ဘျီၣ်ဒိၣ်, တၢ်သူၣ်ထီၣ်လၢ တၢ်အိၣ်ဖှိၣ်ဖးဒိၣ်အဂီၢ် ဒီးဝဲၤတြၢ်အသီတဖၣ်လီၤ. ပသူၣ်ထီၣ်တၢ်သ့ၣ်တဖၣ်အံၤ မ့ၢ်ဝံၤသနာ်က့ လိၣ်လၢပကဘၣ်ကွၢ်ထွဲ ဘှီဂ့ၤထီၣ်က့ၤအီၤဒံးလီၤ. လၢတၢ်န့ၣ်အဃိ ဒ်သိးပကဟ့ၣ်လုၢ်ထီၣ်​ ပတၢ်ဆၢကတီၢ် ဒီးပဂံၢ်ပဘါလၢ ယဟိဝၤယွၤအဂီၢ် တၢ်ခွဲးတၢ်ယာ် မနုၤတဖၣ်အိၣ်ထီၣ်ဝဲလဲၣ်.

• ဖဲပကရူၢ်ဘၣ်မၤကဆှဲကဆှီ ဘီမုၢ်ဘျီၣ်ဒိၣ်အခါ ပပၣ်ဃုာ်သ့

• ဖဲပှၤဟဲသိၣ်လိပှၤ ဘၣ်ဃးဒီး တၢ်ကွၢ်ထွဲဘှီဂ့ၤထီၣ်က့ၤ ဘီမုၢ်ဘျီၣ်ဒိၣ်အခါ ပလဲၤမၤစၢၤတၢ်သ့

• ဒ်သိးနကလဲၤမၤစၢၤတၢ်လၢ တၢ်သူၣ်ထီၣ်ဘှီထီၣ်တၢ်မၤလၢ အဘူးဒီးနၤအဂီၢ် နတီၣ်ထီၣ်လံာ်ပတံထီၣ်​ (DC-50) လၢလီၢ်ကဝီၤ တၢ်သူၣ်ထီၣ်ဘှီထီၣ်ဝဲၤကျိၤသ့

• နတီၣ်ထီၣ်​ လံာ်ပတံထီၣ်​ (A-19) လၢနကမၤစၢၤတၢ် တစိၢ်တလီၢ်အဂီၢ် လၢတၢ်လီၢ်လၢအိၣ်လၢ ဝဲၤတြၢ်ဟီၣ်ကဝီၤ ဘ့ၤသ့လး မ့တမ့ၢ် ဝဲၤတြၢ်အတၢ်သူၣ်ထီၣ်အဂၤတဖၣ်​ တနွံ မ့တမ့ၢ် အါန့ၢ်အန့ၣ်သ့

ကွၢ်တၢ်ဂီၤမူလၢ အခိၣ်တီမ့ၢ်ဝဲ တၢ်ရဲၣ်တၢ်ကျဲၤတခါလၢ တၢ်သူၣ်ထီၣ်ဘှီထီၣ်​ အတၢ်ရဲၣ်တၢ်ကျဲၤအသီအဂီၢ်—တၢ်ဂ့ၢ်ဖုၣ်ကိာ် ဒီးစံးဆၢတၢ်သံကွၢ်တဖၣ်အံၤတက့ၢ်

• စးထီၣ်လၢ ၂၀၁၄ န့ၣ်တၢ်ဂီၤမူတဖၣ်​ ဘၣ်တၢ်သူအါထီၣ်အီၤလၢ ကျဲဒ်လဲၣ်.

• လိၣ်လၢပှၤကဘၣ်ထုးထီၣ်အါထီၣ်​ တၢ်ဂီၤမူအဃိ ပှၤရဲၣ်လီၤကျဲၤလီၤ တၢ်ရဲၣ်တၢ်ကျဲၤမနုၤတဖၣ်လဲၣ်. ဒီးပှၤကစးထီၣ်မၤအီၤအခါဖဲလဲၣ်​ ဒီးကဝံၤဝဲအခါဖဲလဲၣ်.

• ဘၣ်ဃးဒီးတၢ်ရဲၣ်တၢ်ကျဲၤအံၤန့ၣ်​ ပှၤလၢအသးအိၣ်မၤစၢၤတၢ်တဖၣ်​ မၤစၢၤဝဲကသ့ဒ်လဲၣ်.

• ပမ့ၢ်အဲၣ်ဒိးလဲၤမၤစၢၤတၢ်လၢ တၢ်သူၣ်ထီၣ်ဘှီထီၣ်​ ရၢ်မဖိၤ (Ramapo) န့ၣ်​ ဘၣ်မနုၤအဃိ ပကဘၣ်မၤပှဲၤ လံာ်ပတံထီၣ်​ (DC-50) ဒီးမၤစၢၤတၢ်လၢ လီၢ်ကဝီၤတၢ်သူၣ်ထီၣ်ဘှီထီၣ်​ လၢအဘူးဒီးပဟံၣ်လဲၣ်.

• ယဟိဝၤယွၤ “ဟံးစုနဲၣ်ကျဲဝဲ” တၢ်ရဲၣ်တၢ်ကျဲၤအံၤန့ၣ်​ ပသ့ၣ်ညါဘၣ်ဒ်လဲၣ်.

• ပလဲၤမၤစၢၤတၢ်လၢ တၢ်သူၣ်ထီၣ်ဘှီထီၣ်​ တၢ်ရဲၣ်တၢ်ကျဲၤအံၤလၢ ပနီၢ်ကစၢ် မ့ၢ်တသ့သနာ်က့ ပဆီၣ်ထွဲမၤစၢၤ တၢ်မၤအံၤကသ့ဒ်လဲၣ်.