အိၣ်မူဒ် ခရံာ်ဖိအသိး
မိၢ်ပၢ်သ့ၣ်ဧၢ, သိၣ်လိသုဖိတဖၣ် တၢ်လၢအဝဲသ့ၣ် ကဘၣ်သ့ၣ်ညါဝဲ
ပအိၣ်မူဘၣ်လၢ ပှၤလၢအကိးတၢ်အၢလၢတၢ်ဂ့ၤ, တၢ်ဂ့ၤလၢတၢ်အၢတဖၣ်အကျါလီၤ. (ၡါ. ၅:၂၀) လီၤသးအုးဒိၣ်မးလၢ ပှၤတနီၤနီၤန့ၣ် မၤဝဲတၢ်လၢ ယဟိဝၤယွၤ သးဘၣ်အၢဝဲတဖၣ် လၢပၣ်ဃုာ်ဒီး မုၣ်ကဒဲကဒဲခွါကဒဲကဒဲ တၢ်မံဃုာ်အိၣ်ဃုာ်လိာ်သးလီၤ. ပပှၤသးစၢ်လၢ အလုၢ်ဒိၣ်ပှ့ၤဒိၣ်တဖၣ်န့ၣ် အတံၤသကိးလၢကၠိ ဒီးပှၤအဂၤသ့ၣ်တဖၣ် ကွဲန့ၢ်လွဲန့ၢ် အဝဲသ့ၣ်လၢ ကမၤဝဲတၢ်လၢအတဂ့ၤတဖၣ်အဂီၢ်လီၤ. နဖိတဖၣ် လဲၤခီဖျိဝဲ တၢ်မၤကွၢ်တဖၣ်ကန့ၢ်အဂီၢ် နမၤစၢၤအဝဲသ့ၣ်ကသ့ဒ်လဲၣ်.
သိၣ်လိပာ်နဖိတဖၣ် ဒ်သိးအဝဲသ့ၣ်တဖၣ် ကသ့ၣ်ညါဝဲ ယဟိဝၤယွၤ အတၢ်ဘျၢအဂီၢ်တက့ၢ်. (၃ မိၤ. ၁၈:၃) ဒ်သိးနဖိတဖၣ် ကသ့ၣ်ညါဝဲ ကစၢ်ယွၤအတၢ်ဘျၢလၢ ဘၣ်ဃးဒီး တၢ်မံဃုာ်အိၣ်ဃုာ်အဂီၢ် သိၣ်လိအဝဲသ့ၣ် ဒ်အဝဲသ့ၣ် အသးအနံၣ်အလါအိၣ်ဝဲအသိးတက့ၢ်. (၅ မိၤ. ၆:၇) သံကွၢ်လီၤနသးလၢ တၢ်ပာ်ဖျါထီၣ်တၢ်အဲၣ်လၢ ကျဲလၢအကြၢးဝဲဘၣ်ဝဲ, တၢ်ကူတၢ်ကၤလၢ အဘံၣ်အဘၢအရ့ဒိၣ်အဂ့ၢ် ဒီးလိၣ်လၢပကဘၣ်ပာ်ကဲ ပှၤဂၤအတၢ်ခွဲးတၢ်ယာ်န့ၣ် မ့ၢ်ယသိၣ်လိပာ် ယဖိတဖၣ်လံဧါ. ဖဲပှၤတဂၤဂၤ ပၠးအဝဲသ့ၣ် တၢ်ဂီၤဘ့ၣ်ဆ့ ဒီးမၢအမၤတၢ်လၢ ယဟိဝၤယွၤ တဘၣ်သူၣ်ဘၣ်သးအခါ အဝဲသ့ၣ် ကဘၣ်မၤဝဲဒ်လဲၣ်န့ၣ် မ့ၢ်သ့ၣ်ညါဝဲလံဧါ. နမ့ၢ်သိၣ်လိဆိပာ် အဝဲသ့ၣ်န့ၣ် အဝဲသ့ၣ်ဟးဆှဲးဝဲ တၢ်လၢအတဂ့ၤတဖၣ်ကန့ၢ်ဝဲလီၤ. (ကတိၤ. ၂၇:၁၂; စံၣ်. ၇:၁၂) နမ့ၢ်သိၣ်လိပာ် နဖိတဖၣ် တၢ်လၢအကြၢးသ့ၣ်ညါပာ်ဝဲတဖၣ်န့ၣ် မ့ၢ်ဒၣ်နပာ်ဖျါထီၣ်လၢ နအဲၣ်တၢ်န့ၢ်သါ လုၢ်ဒိၣ်ပှ့ၤဒိၣ်လၢ ယဟိဝၤယွၤ ဟ့ၣ်နၤန့ၣ်လီၤ.—စံး. ၁၂၇:၃.
ကွၢ်တၢ်ဂီၤမူလၢ အခိၣ်တီမ့ၢ် သူၣ်ထီၣ်နဟံၣ်လၢအဂၢၢ်ကျၢၤ—ဒီသဒၢန ဖိလၢ “တၢ်အၢ” ဒီးစံးဆၢတၢ်သံကွၢ်တဖၣ်အံၤ–
ပှၤတနီၤကသိၣ်လိအဖိလၢ တၢ်မံဃုာ်အဂ့ၢ်အဂီၢ် ဘၣ်မနုၤအဃိ ကီလၢ အဝဲသ့ၣ်အဂီၢ်လဲၣ်.
ဘၣ်မနုၤအဃိ မိၢ်ပၢ်တဖၣ် ကဘၣ်သိၣ်လိအဖိတဖၣ်လၢ “ယဟိဝၤယွၤ အတၢ်သိၣ်လိနဲၣ်လိ ဒီးအတၢ်ဟံးစုနဲၣ်ကျဲ” လဲၣ်.—အ့း. ၆:၄
တၢ်သ့ၣ်ညါ မ့ၢ်တၢ်ဒီသဒၢတမံၤ
မိၢ်ပၢ်တဖၣ် ကသိၣ်လိအဖိတဖၣ်လၢ တၢ်မံဃုာ်အဂ့ၢ်အဂီၢ် ယဟိဝၤယွၤ အတၢ်ကရၢကရိ ကတဲာ်ကတီၤန့ၢ်အဝဲသ့ၣ် တၢ်မနုၤလဲၣ်.—w19.05 12, box
တချုးလၢ နဖိတဖၣ် ထံၣ်ဘၣ်တၢ်ကီတၢ်ခဲဒံးဘၣ်န့ၣ် ဘၣ်မနုၤအဃိ နကြၢးတဲသကိးတၢ်ဒီးအဝဲသ့ၣ်ထီဘိလဲၣ်.