ဒုးသ့ၣ်ညါပှၤဂၤလၢ ဟီၣ်ခိၣ်သီလၢအဂ့ၤဒိၣ်မး ကဟဲဘူးထီၣ်လံ

ဖဲလါနိၣ်ဝ့ဘၢၣ်အတီၢ်ပူၤန့ၣ်​ ပကဂုာ်ကျဲးစၢးလၢ ပကဒုးသ့ၣ်ညါပှၤဂၤလၢ ဟီၣ်ခိၣ်သီလၢအဂ့ၤဒိၣ်မး ကဟဲဘူးထီၣ်လံန့ၣ်လီၤ. (စံး. ၃၇:၁၀, ၁၁; လီၣ်. ၂၁:၃-၅) မၤလီၤတံၢ်နတၢ်ရဲၣ်တၢ်ကျဲၤတဖၣ်​ ဒ်သိးနကပၣ်ဃုာ်လၢ ခဲၣ်ဖ့အံၤအဂီၢ်တက့ၢ်. ဒ်သိးနကမၤ ပှၤလဲၤလၢညါမၤစၢၤတၢ်အဂီၢ် နဃုထၢနၣ်ရံၣ်​ ၃၀ မ့တမ့ၢ် ၅၀ သ့ဝဲလီၤ.

ကတဲာ်ကတီၤနသး ဒ်သိးနကဖးပၠးဘၣ်​ ပှၤအါအါဂီၢ်ဂီၢ် လံာ်စီဆှံအဆၢလၢ ဘၣ်ဃးဒီးဟီၣ်ခိၣ်သီအဂ့ၢ်န့ၣ်တက့ၢ်. ဖဲနဃုထၢ လံာ်စီဆှံအဆၢတဖၣ်အခါ ဆိကမိၣ်ထီၣ်​ လံာ်စီဆှံအဆၢလၢ ပှၤလၢနလီၢ်ကဝီၤပူၤတဖၣ်​ ကဘၣ်သူၣ်ဘၣ်သးဝဲန့ၣ်တက့ၢ်. ဖဲနထံၣ်လိာ်သးဒီးပှၤတဂၤဂၤ ဒီးအဝဲမ့ၢ်ပာ်ဖျါထီၣ်​ တၢ်သူၣ်အိၣ်သးအိၣ်န့ၣ်​ ဟ့ၣ်လီၤအီၤ တၢးထီခိးတၢ် နီၣ်ဂံၢ်. ၂ ၂၀၂၁ တက့ၢ်. ဂုာ်ကျဲးစၢး ဒ်သိးနကက့ၤအိၣ်သကိး ပှၤလၢအသးအိၣ်တၢ်မ့ၢ်တၢ်တီတဖၣ်​ လၢအဆိအချ့ ဒီးစးထီၣ်တၢ်မၤလိ လံာ်စီဆှံဒီးအီၤလၢ လံာ်လၢအမ့ၢ် အိၣ်မူလီၤထူလီၤယိာ် ပှဲၤဒီးတၢ်သးခု တက့ၢ်. ပပၣ်ဃုာ်ဘၣ်လၢတၢ် “စံၣ်တဲၤတဲလီၤတၢ်အဂ့ၤ” တၢ်မၤအပူၤအဃိ ပသးခုဒိၣ်မးလီၤ.—ၡါ. ၅၂:၇.

ကွၢ်တၢ်ဂီၤမူ တၢ်သးဝံၣ်လၢအမ့ၢ် လၢဟီၣ်ခိၣ်သီ ဒီးစံးဆၢတၢ်သံကွၢ်တဖၣ်အံၤ–

• ပိာ်မုၣ်ဖိတဂၤအံၤ ထံၣ်တမှံကွၢ်ဝဲ တၢ်မနုၤကကဲထီၣ်အသးလၢ ခါဆူညါအဂီၢ်လဲၣ်.

• လၢဟီၣ်ခိၣ်သီန့ၣ်​ နမုၢ်လၢ်တၢ်မနုၤတဖၣ်လဲၣ်.

• ပမ့ၢ်ဆိကမိၣ်ထံ ပတၢ်မုၢ်လၢ်လၢခါဆူညါန့ၣ်​ ကမၤစၢၤပှၤလၢ ပကပၣ်ဃုာ်လၢလၢပှဲၤပှဲၤလၢ လါနိၣ်ဝ့ဘၢၣ် ခဲၣ်ဖ့အဂီၢ်ဒ်လဲၣ်.—လူၤ. ၆:၄၅.