အိၣ်မူဒ် ခရံာ်ဖိအသိး
ကွၢ်လိ ယဟိဝၤယွၤ အတၢ်အဲၣ်လၢအတီ
ဘၣ်ဃးဒီး တၢ်အဲၣ်လၢအတီန့ၣ် ယဟိဝၤယွၤ မ့ၢ်ပှၤလၢ အဒိအတဲာ် ဂ့ၤကတၢၢ်. (စံး ၁၀၃:၁၁) တၢ်အဲၣ်အံၤန့ၣ် အတကဲဝဲ တၢ်အဲၣ်လၢ အလီၤမၢ်ကွံာ် မ့တမ့ၢ် အဆီတလဲအသး ချ့ချ့ဘၣ်. တၢ်အဲၣ်လၢအတီန့ၣ် ပၣ်ဃုာ်ဒီး တၢ်အဲၣ်လၢအဒိၣ်အမုၢ် ဒီးအအိၣ်ဝဲထီဘိ. ယဟိဝၤယွၤ ပာ်ဖျါထီၣ်ဝဲ တၢ်အဲၣ်အံၤ လၢအပှၤဂီၢ်မုၢ် အံၣ်စရ့လးအဖီခိၣ် လၢကျဲအါဘိ. အဝဲမၤပူၤဖျဲးထီၣ် ပှၤအံၣ်စရ့လးဖိတဖၣ် လၢကုၢ်အလီၢ်လၢ ကီၢ်အဲၤကူပတူးပူၤ ဒီးဆှၢအဝဲသ့ၣ်ဆူ ကီၢ်တၢ်စံးပာ်. (စံး ၁၀၅:၄၂-၄၄) အဝဲဒုးန့ၢ်တၢ်လၢ အပှၤဂီၢ်မုၢ်တဖၣ်အဂီၢ် ဒီးပျၢ်ကွံာ် အဝဲသ့ၣ် အတၢ်ကမၣ် အဘျီတဖၣ်အဘျီ. (စံး ၁၀၇:၁၉, ၂၀) ပမ့ၢ် “ဆိကမိၣ်ထံ” “ယဟိဝၤယွၤ အတၢ်မၤလၢ အမၤဝဲခီဖျိလၢ အတၢ်အဲၣ်လၢအတီအဃိ” လီၤတံၢ်လီၤဆဲးန့ၣ် ပကအဲၣ်ဒိး ကွၢ်လိမၤဒိးအါထီၣ်အီၤလီၤ.—စံးထီၣ်ပတြၢၤ ၁၀၇:၄၃.
ကွၢ်တၢ်ဂီၤမူ လၢအမ့ၢ် “ဆိကမိၣ်ထံ တၢ်လၢယဟိဝၤယွၤ မၤဝဲလၢအတၢ်အဲၣ်လၢအတီ,” ဒီးစံးဆၢ တၢ်သံကွၢ်လၢ တၢ်ဖီလာ်တဖၣ်အံၤ–
ပပာ်ဖျါထီၣ် တၢ်အဲၣ်လၢအတီ ကသ့ဒ်လဲၣ်.
ပကပာ်ဖျါထီၣ် တၢ်အဲၣ်လၢအတီအဂီၢ် ပဘၣ်တူၢ်ဆါသးဒ်လဲၣ်.